ಮಹರಾಷ್ಟ್ರದ ಸಿಂಧೂದುರ್ಗ ಜಿಲ್ಲೆಗೆ ಸೇರಿದ ರೇಡಿ, ಸಮುದ್ರ ತೀರದಲ್ಲಿರುವ ಒಂದು ವಿಶಷ್ಠ ಗ್ರಾಮವಾಗಿದೆ. ಮೂಲತಃ ರೇಡಿಪಟ್ಟಣಂ ಎಂಬ ಹೆಸರಿನಿಂದ ಕರೆಯಲಾಗುತ್ತಿದ್ದ ಇದು, ಅರಬ್ಬೀ ಸಮುದ್ರ ತೀರದಲ್ಲಿ ಅನೇಕ ವರ್ಷಗಳಿಂದ ಹಾಸುಹೊಕ್ಕಾಗಿ ವಿರಮಿಸುತ್ತಿರುವ ಗ್ರಾಮ.  ರೇಡಿ ಗ್ರಾಮವು ತನ್ನ ಸುತ್ತಲಿನ ಹಸಿರಿನ ಜೊತೆಗೆ ಗೋಡಂಬಿ ಹಾಗೂ ತೆಂಗಿನ ಮರಗಳಿಂದಾಗಿ ಮೋಹಕವಾಗಿ ಕಂಗೊಳಿಸುತ್ತದೆ.

ಅನೇಕ ವರ್ಷಗಳ ಹಿಂದೆ ಈ ಗ್ರಾಮವು ವೆಂಗುವಾ ತಲ್ಕುವಾಗೆ ಸೇರಿತ್ತು. ಅಂದು ಇಲ್ಲಿನ ಸಮುದ್ರ ತೀರದಲ್ಲಿ ಬಂದರು ನಿರ್ಮಾಣ ಮಾಡಲಾಗಿತ್ತು. ರೇವು ಪಟ್ಟಣವಾಗಿದ್ದ ರೇಡಿ ತನ್ನ ಸಹಜ ಪ್ರಕೃತಿ ಸೌಂದರ್ಯ ಹಾಗು ಸ್ವಚ್ಛವಾಗಿರುವ ಕಡಲ ತೀರದಿಂದಾಗಿ ಪ್ರವಾಸಿಗರನ್ನು ಆಕರ್ಷಿಸಿದ್ದು ಇಲ್ಲಿನ ಯಶವಂತಗಡ್ ಕೋಟೆಯು ಒಂದು ಐತಿಹಾಸಿದಕ ಸ್ಮಾರಕವಾಗಿದೆ.

ಮಹರಾಷ್ಟದಿಂದ ರೇಡಿ 377 ಕಿ.ಮೀ.ದೂರದಲ್ಲಿದ್ದು ಇಲ್ಲಿಗೆ ಸುಲಭವಾಗಿ ತಲುಪಬಹುದಾಗಿದೆ.

ಪ್ರವಾಸಿಗರ ಪ್ರಮುಖ ಆಕರ್ಷಣೆಗಳು

ಸ್ವಯಂಭು ಶಿವ ದೇವಸ್ಥಾನ, ಗಣೇಶನ ದೇವಸ್ಥಾನ, ಮೌಲಿ ದೇವಸ್ಥಾನ, ರಾಮ್ ಪುರುಶ್ ದೇವಸ್ಥಾನ ಹಾಗೂ ದುರ್ಗಾ ದೇವಿಯನ್ನು ಆರಾಧಿಸುವ - ನವದುರ್ಗ ದೇವಸ್ಥಾನ ಹೀಗೆ ಇನ್ನೂ ಅನೇಕ ಧಾರ್ಮಿಕ ಸ್ಥಳಗಳು ಇಲ್ಲಿವೆ. ಯಶವಂತಗಡ್ ಕೋಟೆ, ಶಿರೋಡ, ಅರಾವಳಿ ಹಾಗೂ ತೆರಿಕೋಲ್ ಕೋಟೆ ಮುಂತಾದ ಕೆಲವು ಮುತ್ತಿನಂಹ ಐತಿಹಾಸಿಕ ತಾಣಗಳು ಇಲ್ಲಿವೆ.

ರೇಡಿ ನೈಸರ್ಗಿಕ ಸ್ವರ್ಗವೂ ಹೌದು. ರೇಡಿಯ ಸಮುದ್ರ ತೀರ ವಿಶಾಲ ಹಾಗೂ ಉದ್ದವಾಗಿದ್ದು ಇದಕ್ಕೆ ಸೇರಿದಂತೆ ಇರುವ ಗೇರು ಹಾಗೂ ತೆಂಗಿನ ಮರಗಳೂ, ಸುಮೀಪದ ಮಾವಿನ ತೋಪು ಪ್ರಾಕೃತಿಕ ಅಂದಕ್ಕೆ ಮತ್ತಷ್ಟು ಮೆರಗು ನೀಡಿದಂತಿದೆ.

ವರ್ಷವಿಡಿ ರೇಡಿಯ ತಾಪಮಾನ ಹಿತಕರವಾಗಿದ್ದು ಕಾಲಕಾಲಕ್ಕೆ ಎಲ್ಲವೂ ಹಿತಮಿತವಾಗಿರುತ್ತದೆ. ಆದರೂ ಸಮುದ್ರ ತೀರದಲ್ಲಿ ಸಾಮಾನ್ಯವಾಗಿ ಇರುವಂತಹ ಬೇಸಿಗೆಯ ಶೆಕೆಯ ನಡುವೆಯೂ ತಂಪಾದ ಗಾಳಿಯೂ ಬೀಸುವುದರಿಂದ ಹಿತವಾಗಿಯೆ ಇರುತ್ತದೆ. ವರ್ಷವಿಡಿ ಯಾವ ಕಾಲದಲ್ಲಿ ಬೇಕಾದರೂ ಇಲ್ಲಿಗೆ ಬರುವವರಿಗೆ ಹವಾಮಾನ ಒಗ್ಗಿಕೊಳ್ಳುತ್ತದೆ. ಯಾವುದಕ್ಕೂ, ಮಳೆಗಾಲದ ಮೊದಲು ಇಲ್ಲಿಗೆ ಭೇಟಿ ನೀಡುವುದು ಸೂಕ್ತ ಕಾಲವೆಂಬುದು ನಿಮ್ಮ ಗಮನದಲ್ಲಿರಲಿ.

ರೇಡಿಯಲ್ಲಿ ರೈಲು ಅಥವಾ ವಿಮಾನ ನಿಲ್ದಾಣಗಳಿಲ್ಲ. ಆದರೂ ಇಲ್ಲಿನ ಸುಂದರ ಪರಿಸರಕ್ಕೆ ಬರಲು ಪ್ರವಾಸಿಗರಿಗೆ ಯಾವುದೆ ತೊಂದರೆಯಾಗುವುದಿಲ್ಲ. ಗೋವಾದ ಅಂತರಾಷ್ಟ್ರೀಯ ವಿಮಾನ ನಿಲ್ದಾಣ ಹಾಗೂ ಸಾವಂತವಾಡಿ ರೈಲು ನಿಲ್ದಾಣದಿಂದ ಇಲ್ಲಿಗೆ ಪ್ರಯಾಣ ಮಾಡುವುದು ನಿಜಕ್ಕೂ ನೆನಪಿನಲ್ಲುಳಿಯುವ ಪ್ರಯಾಣವಾಗಿರುತ್ತದೆ. ರಸ್ತೆ ಮಾರ್ಗದ ಮೂಲಕ ಪ್ರಯಾಣ ಅನುಕೂಲಕರ ಮಾತ್ರವಲ್ಲ ಆರ್ಥಿಕವಾಗಿಯೂ ಸಹಾಯಕವಾಗಿದೆ.