Click it and Unblock the Notifications
ಮೊಕೊಕ್ಚೊಂಗ್ಗೆ ಭೇಟಿ ನೀಡದೆ ನಾಗಾಲ್ಯಾಂಡ್ ಪ್ರವಾಸವೇ ಅಪೂರ್ಣವಾಗುತ್ತದೆ. ಇಲ್ಲಿ ಏಓ ಆದಿವಾಸಿ ಪಂಗಡದವರನ್ನು ಕಾಣಬಹುದು. ಇದು ನಾಗಾಲ್ಯಾಂಡಿನ ಮೂರನೇ ಅತಿದೊಡ್ಡ ನಗರ. ಮೊಕೊಕ್ಚೊಂಗ್ ಪ್ರದೇಶವನ್ನು ರಾಜ್ಯದ ಮುಖ್ಯ ಬೌದ್ಧಿಕ ಮತ್ತು ಸಾಂಸ್ಕೃತಿಕ ರಾಜಧಾನಿ ಎಂದು ಪರಿಗಣಿಸಲಾಗಿದೆ. ಇದು ಸಮುದ್ರಮಟ್ಟದಿಂದ 1325 ಮೀಟರ್ ಎತ್ತರದಲ್ಲಿದೆ. ಈ ಪ್ರದೇಶವು ಜುಳು ಜುಳು ಹರಿಯುವ ಝರಿಗಳಿಂದ, ಸುಂದರ ಬೆಟ್ಟಶ್ರೇಣಿಗಳಿಂದ ಆವೃತವಾಗಿದ್ದು ಪ್ರಕೃತಿಯು ಈ ಭೂಮಿಯನ್ನು ಸೌಂದರ್ಯದ ವರದೊಂದಿಗೆ ಹರಸಿದೆ. ಉತ್ತರ ಅಸ್ಸಾಂ ಮೊಕೊಕ್ಚೊಂಗ್ಗೆ ಸಮೀಪದಲ್ಲಿದೆ.
ಮೊಕೊಕ್ಚೊಂಗ್ ಕ್ರಿಸ್ಮಸ್, ಹೊಸ ವರ್ಷ ಮತ್ತು ಏಓ ಹಬ್ಬವಾದ ಮೊತ್ಸುನ ಸಂದರ್ಭದಲ್ಲಿ ಹೊಸ ರೂಪದಿಂದ ಕಂಗೊಳಿಸುತ್ತದೆ. ಇತ್ತೀಚಿನ ದಿನಗಳಲ್ಲಿ ನಗರದ ಚೌಕದಲ್ಲಿ ಹೊಸ ವರ್ಷದ ಸಂಭ್ರಮಾಚರಣೆಯನ್ನು ಉತ್ಸಾಹದಿಂದ ಮಧ್ಯರಾತ್ರಿಯವರೆಗೆ ಆಚರಿಸುವುದು ಸಂಪ್ರದಾಯವಾಗಿದೆ. ಜನರು ಇದರಲ್ಲಿ ಸಂಭ್ರಮದಿಂದ ಪಾಲ್ಗೊಳ್ಳುತ್ತಾರೆ. ಮೊಕೊಕ್ಚೊಂಗ್ನಲ್ಲಿನ ಹಬ್ಬಗಳು- ನಿಮ್ಮ ಪ್ರವಾಸಕ್ಕೆ ಸಾಂಸ್ಕೃತಿಕ ಮೆರುಗನ್ನು ತಂದುಕೊಡುತ್ತದೆ.
ಮುಖ್ಯನಗರದಿಂದ ಒಂದೂವರೆ ಗಂಟೆ ಪ್ರಯಾಣದಷ್ಟು ದೂರದಲ್ಲಿರುವ ಚುಚ್ಯಿಮ್ಲಾಂಗ್ನಲ್ಲಿ ಮೌತ್ಸು ಹಬ್ಬದ ಆಚರಣೆ ನಡೆಯುತ್ತದೆ. ಇದು ಏಓ ಪಂಗಡದ ಹಬ್ಬವಾಗಿದ್ದು ಮೇ ತಿಂಗಳ ಮೊದಲ ವಾರದಲ್ಲಿ ನಡೆಯುತ್ತದೆ. ಈ ಸಮಯದಲ್ಲಿ ಪರಸ್ಪರ ಉಡುಗೊರೆಗಳನ್ನು ನೀಡಲಾಗುತ್ತದೆ, ಹೊಸ ಸಂಬಂಧಗಳನ್ನು ಬೆಸೆಯಲಾಗುತ್ತದೆ, ಹಳೆಯ ಸಂಬಂಧಗಳನ್ನು ನವೀಕರಿಸಲಾಗುತ್ತದೆ. ಬೆಟ್ಟದ ಮೇಲೆ ಹಸಿರಿನಿಂದ ಕಂಗೊಳಿಸುವ ಈ ಹಳ್ಳಿಯು ಹಬ್ಬದ ಆಚರಣೆಗೆ ಸೂಕ್ತ ಸ್ಥಳವಾಗಿದೆ.
ತ್ಸುಂಗ್ರೇಂ ಮೊಂಗ್ ಮೊಕೊಕ್ಚೊಂಗ್ನ ಮತ್ತೊಂದು ಪ್ರಸಿದ್ಧ ಹಬ್ಬ. ಇಲ್ಲಿ ಕ್ರಿಶ್ಚಿಯನ್ ಧರ್ಮವನ್ನು ಶೇ೯೫%ಕ್ಕೂ ಹೆಚ್ಚು ಮಂದಿ ಆಚರಿಸುತ್ತಾರೆ. 19ನೇ ಶತಮಾನದಲ್ಲಿ ಕ್ರಿಶ್ಚಿಯನ್ ಧರ್ಮಕ್ಕೆ ಮತಾಂತರ ಹೊಂದಿದವರಲ್ಲಿ ಏಓ ಪಂಗಡದವರು ಮೊದಲಿಗರು.
ಪ್ರವಾಸಕ್ಕೆ ಸೂಕ್ತ ಸಮಯ
ಅಕ್ಟೋಬರ್-ಮಾರ್ಚ್ ಪ್ರವಾಸಕ್ಕೆ ಸೂಕ್ತ ಸಮಯ. ಈ ಸಮಯದಲ್ಲಿ ಹವಾಮಾನವು ಆಹ್ಲಾದಕರವಾಗಿರುತ್ತದೆ. ಆದಿವಾಸಿ ಪಂಗಡದವರು ಹೊಸ ವರ್ಷವನ್ನು ಹೇಗೆ ಸ್ವಾಗತಿಸುತ್ತಾರೆ ಎಂಬುದನ್ನು ಈ ಸಮಯದಲ್ಲಿ ಕಾಣಬಹುದು.
