ಜುನೆಬೋತೋ ನಾಗಾಲ್ಯಾಂಡ್ ಮಧ್ಯ ಭಾಗದಲ್ಲಿದ್ದು ಸಮುದ್ರ ಮಟ್ಟಕ್ಕಿಂತ 1800 ಮೀಟರ್ ಎತ್ತರದಲ್ಲಿದೆ. ಇದರ ಹತ್ತಿರದಲ್ಲಿರುವ ಜಿಲ್ಲೆಗಳೆಂದರೆ ಮೋಕೊಕ್ಚುಂಗ್ ಇದು ಪೂರ್ವ ಭಾಗದಲ್ಲಿದ್ದು ಮತ್ತು ವೋಖಾ ಪಶ್ಚಿಮ ಭಾಗದಲ್ಲಿದೆ. ಜುನೆಬೋತೋ ಅನ್ನುವುದು ಈ ಜಿಲ್ಲೆಯ ಹೆಸರು ಕೂಡಾ. ವಾಸ್ತವವಾಗಿ ಜುನೆಬೋತೋವನ್ನು ಎರಡು ಭಾಗವಾಗಿ ಹೆಸರಿಸ ಬಹುದು. ಅದು ’ಜುನೆಬ” ಮತ್ತು ’ತು’ ಎಂದು. ಜುನೆಬೋ ಅನ್ನುವುದು ಹೂವಿನ ಪೊದೆಯ ಹೆಸರಾಗಿದ್ದು ’ತು’ ಅಂದರೆ ಬೆಟ್ಟದ ಮೇಲಿರುವ ಪ್ರದೇಶ ಎಂದು. ಜುನೆಬೋತೋ ಅನ್ನುವುದು ಸುಮಿ ಪಂಗಡದ ಸಮುದಾಯದ್ದಾಗಿದೆ.
ಜನರು ಮತ್ತು ಇಲ್ಲಿನ ಸಂಸ್ಕೃತಿ
ಜುನೆಬೋತೋದಲ್ಲಿ ಸುಮಿ ಬುಡಕಟ್ಟು ಜನಾಂಗದವರು ಹೆಚ್ಚಾಗಿ ವಾಸಿಸುತ್ತಾರೆ. ಸುಮಿ ಪಂಗಡದವರು ಯುದ್ದಕ್ಕೆ ಹೆಸರುವಾಸಿ ಮತ್ತು ಆಯುಧ ಪ್ರವೀಣರು. ಸುಮಿ ಜನಾಂಗದವರು ತಮ್ಮದೇ ಆದ ವಸ್ತ್ರ ವಿನ್ಯಾಸ, ನೃತ್ಯ, ವರ್ಣರಂಜಿತ ಪೋಷಾಕುಗಳನ್ನು ಹೊಂದಿದ್ದಾರೆ. ಅವರ ಸಂಪ್ರದಾಯಬದ್ದ ಯುದ್ದ ತೊಡುಗೆಗಳು ನೋಡಲು ಯೋಗ್ಯವಾಗಿದೆ. ತುಲಾನಿ ಎನ್ನುವುದು ಸುಮಿ ಜನಾಂಗದವರಿಗೆ ಪ್ರಮುಖ ಹಬ್ಬವಾಗಿದೆ. ಇದು ಸಾಮಾನ್ಯವಾಗಿ ಪ್ರತಿ ವರ್ಷ ಜುಲೈ ಮಧ್ಯ ಭಾಗದಲ್ಲಿ ಬರುತ್ತದೆ. ಅಹುನಾ ಎನ್ನುವುದು ಜುನೆಬೋತೋದ ಸುಮಿ ಜನಾಂಗದವರು ಆಚರಿಸುವ ಇನ್ನೊಂದು ಹಬ್ಬ.
ಜುನೆಬೋತೋದ ಆಕರ್ಷಣೀಯ ಸ್ಥಳಗಳು
ಜುನೆಬೋತೋ ಪ್ರಮುಖವಾಗಿ ಹೆಸರುವಾಸಿಯಾಗಿರುವುದು ಪಕ್ಷಿಧಾಮಕ್ಕೆ, ಇಲ್ಲಿನ ಹೆಚ್ಚಿನ ಭಾಗವು ಅರಣ್ಯದಿಂದ ಆವೃತವಾಗಿದೆ. ಇದಲ್ಲದೇ, ನಾಗಾಲ್ಯಾಂಡ್ ವಿಶ್ವವಿದ್ಯಾಲಯದ ಕ್ಯಾಂಪಸ್ ಕೂಡಾ ಜುನೆಬೋತೋದಲ್ಲಿದೆ. ಇದು ಅಕುಲ್ತೋ ಭಾಗದ ಲುಮಿನಿ ಎನ್ನುವ ಹಳ್ಳಿಯಲ್ಲಿದೆ. ಜುನೆಬೋತೋ, ಜಿಲ್ಲೆಯ ಏಕೈಕ ನಗರ ಪಟ್ಟಣವಾಗಿದ್ದು ಹೆಚ್ಚಿನ ಜನ ಹಳ್ಳಿಯಲ್ಲಿ ವಾಸವಾಗಿರುತ್ತಾರೆ. ವ್ಯವಸಾಯ ಇಲ್ಲಿನ ಭಾಗದ ಜನರ ಪ್ರಮುಖ ಜೀವನೋಪಾಯ.
ಜುನೆಬೋತೋದ ಸುತ್ತಮುತ್ತ ಮೂರು ನದಿಗಳು ಹರಿಯುತ್ತದೆ. ತಿಜು, ದೊಯಾಂಗ್ ಮತ್ತು ಸುತಾ ಈ ನದಿಗಳ ಹೆಸರು. ಜುನೆಬೋತೋ ನಾಗಾಲ್ಯಾಂಡಿನ ಆರನೇ ಗ್ರಾಮೀಣ ಕೇಂದ್ರವಾಗಿದೆ. ಇತರ ಐದು ಕೇಂದ್ರಗಳೆಂದರೆ ಧೀಮಾಪುರ, ಕೊಹಿಮಾ, ಮೋಕೊಕ್ಚುಂಗ್, ವೋಖಾ ಮತ್ತು ತುಯೆನ್ಸಾಂಗ್.
ಉತ್ತಮ ಸಮಯ
ಪ್ರವಾಸಿಗರು ಮಳೆಗಾಲದಲ್ಲಿ ಬರಲು ಅಪೇಕ್ಷಿಸದೇ ಇದ್ದಲ್ಲಿ ಜುನೆಬೋತೋಗೆ ಭೇಟಿ ನೀಡುವುದು ಚಳಿಗಾಲದಲ್ಲಿ ಸೂಕ್ತ. ಆದರೂ ಚಳಿಯಿಂದ ರಕ್ಷಿಸಿಕೊಳ್ಳಲು ಸೂಕ್ತ ಮುಂಜಾಗೃತಾ ಕ್ರಮ ತೆಗೆದು ಕೊಂಡಿರಬೇಕು. ಆದರೂ, ಮಳೆಯನ್ನೂ ಲೆಕ್ಕಿಸದೇ ಅದರ ಮಜಾ ಪಡೆಯಲು ಬಯಸಿದ್ದಲ್ಲಿ ಜುನೆಬೋತೋ ನಗರಕ್ಕೆ ಮಳೆಗಾಲದಲ್ಲೂ ಭೇಟಿ ನೀಡಬಹುದು.