Click it and Unblock the Notifications
ಮಲೆಮಹದೇಶ್ವರ ಬೆಟ್ಟಕ್ಕೆ ಪ್ರವಾಸ ಹೊರಟರೆ ಅಲ್ಲಿನ ಸುಂದರ ಮಹದೇಶ್ವರನ ದೇವಾಲಯವನ್ನು ಪ್ರಮುಖವಾಗಿ ನೋಡಬೇಕು. ಆದರು ಆ ದೇಗುಲದ ಸುತ್ತ- ಮುತ್ತಲಿನ ಪ್ರದೇಶವನ್ನು ಪ್ರಕೃತಿ ಪ್ರೇಮಿಗಳಾದವರು ನೋಡಲೇಬೇಕು. ಮಲೆ ಮಹದೇಶ್ವರನ ಭವ್ಯ ಮಂದಿರವು ದಟ್ಟ ಕಾಡಿನ ಸಮೀಪದಲ್ಲಿ ಇದೆ. ಇಲ್ಲಿಗೆ ನೀವು ಪ್ರವಾಸ ಹೊರಡುವುದರಿಂದ ನಿಮ್ಮ ದೇಹ ಮತ್ತು ಮನಸ್ಸಿಗೆ ನವಚೇತನವನ್ನು ಒದಗಿಸಬಹುದು.
ಕಾಡಿನಲ್ಲಿನ ಗುಡಿ.
ಮಲೆಮಹದೇಶ್ವರ ಬೆಟ್ಟಗಳು ಚಾಮರಾಜನಗರ ಜಿಲ್ಲೆಯಲ್ಲಿದ್ದು, ಮೈಸೂರು ನಗರದಿಂದ 140 ಕಿ.ಮೀ ದೂರದಲ್ಲಿ ನೆಲೆಗೊಂಡಿದೆ. ಈ ಬೆಟ್ಟಗಳು ಸಮುದ್ರ ಮಟ್ಟದಿಂದ 3000 ಅಡಿ ಎತ್ತರದಲ್ಲಿವೆ.
ಮಹದೇಶ್ವರ ದೇವಾಲಯವು ಸ್ವತಃ ಬೆಟ್ಟಗಳಿಂದ ಮತ್ತು ಕಾಡುಗಳಿಂದ ಸುತ್ತುವರಿದ ನಯನ ಮನೋಹರ ಪರಿಸರದಲ್ಲಿ ನೆಲೆಗೊಂಡಿದೆ. ಸ್ಥಳೀಯರ ಪ್ರಕಾರ ಮಹದೇಶ್ವರನು ಶಿವನ ಅವತಾರವೆಂದು, ಶಿವನು ಇಲ್ಲಿ ತಪಸ್ಸು ಆಚರಿಸಿದನೆಂದು ಹಾಗು ಇಂದಿಗು ಇಲ್ಲಿ ಶಿವಲಿಂಗದ ರೂಪದಲ್ಲಿ ನೆಲೆಸಿರುವನೆಂದು ದಂತಕಥೆಗಳು ಚಾಲ್ತಿಯಲ್ಲಿವೆ.
ಈ ದೇವಾಲಯದ ಇನ್ನೊಂದು ಅದ್ಭುತವೆಂದರೆ ಇಲ್ಲಿನ ಅವ್ಯಾಹತವಾಗಿರುವ ಸುರುಳಿ, ಇದರ ಮೂಲ ಭೂಮಿಯ ತಳದಲ್ಲಿದ್ದು, ಅದನ್ನು ಇಂದಿಗು ಕಂಡುಹಿಡಿಯಲು ಸಾಧ್ಯವಾಗಿಲ್ಲ.
ಮಲೆ ಮಹದೇಶ್ವರ ಬೆಟ್ಟಗಳು ಸಂಪೂರ್ಣವಾಗಿ ಗಂಧದ ಮರ ಮತ್ತು ಬಿದಿರಿನಿಂದ ಆವೃತ್ತವಾಗಿದೆ. ಇಲ್ಲಿನ ಕಾಡುಗಳಲ್ಲಿ ಆನೆಗಳು, ಚಿಕ್ಕೆಯುಳ್ಳ ಜಿಂಕೆಗಳು ಮತ್ತು ಅಪರೂಪಕ್ಕೊಮ್ಮೆ ಕಾಣಿಸುವ ಚಿರತೆಗಳು ಸೇರಿದಂತೆ ಇನ್ನಿತರ ವನ್ಯಮೃಗಗಳನ್ನು ನೀವು ಇಲ್ಲಿ ಕಾಣಬಹುದು. ಇಲ್ಲಿನ ಕೆಲವು ಕಾಡುಗಳು ಹಿಂದೆ ಕುಖ್ಯಾತ ಕಾಡುಗಳ್ಳ ಮತ್ತು ನರಹಂತಕ ವೀರಪ್ಪನ್ ಅಡಗು ತಾಣಗಳಾಗಿದ್ದವು. ಮಲೆಮಹದೇಶ್ವರ ಬೆಟ್ಟಕ್ಕೆ ಮೈಸೂರು ಮತ್ತು ಬೆಂಗಳೂರಿನಿಂದ ಬಸ್ ವ್ಯವಸ್ಥೆ ಇದೆ.
