ಹುಲಿ ಗುಹೆ ಎಂಬುದು ಒಂದು ಹಿಂದೂ ದೇವಾಲಯವಾಗಿದೆ. ಇದು ಕಲ್ಲಿನಿಂದ ಕೆತ್ತಿ ನಿರ್ಮಿಸಲಾದ ಒಂದು ಸಂಕೀರ್ಣ. ಮಹಾಬಲಿಪುರಂನಲ್ಲಿರುವ ಸಲುನಂಕುಪ್ಪಂ ಎಂಬ ಸ್ಥಳದಲ್ಲಿ ಇದು ನೆಲೆಗೊಂಡಿದೆ. ಈ ಸ್ಮಾರಕಕ್ಕೆ ಹುಲಿ ಗುಹೆ ಎಂಬ ಹೆಸರು ಬರಲು ಕಾರಣವೇನೆಂದರೆ ಈ ಸಂಕೀರ್ಣದ ದ್ವಾರಕ್ಕೆ ಕಲ್ಲಿನಿಂದ ಕೆತ್ತಲಾದ ಹುಲಿಯ ಶಿರವನ್ನು ಇಡಲಾಗಿದೆ. ಹಾಗಾಗಿ ಇದಕ್ಕೆ ಈ ಹೆಸರು ಬಂದಿದೆ. ನಂಬಿಕೆಗಳ ಪ್ರಕಾರ ಪಲ್ಲವರಿಂದ ಸುಮಾರು 8 ನೇ ಶತಮಾನದಲ್ಲಿ ನಿರ್ಮಾಣಗೊಂಡಿರುವ ಈ ಗುಹೆಯು ಪ್ರವಾಸಿಗರ ವಲಯದಲ್ಲಿ ಮತ್ತು ವಿಹಾರಾರ್ಥವಾಗಿ ಬರುವವರ ಆಕರ್ಷಣೆಯ ಕೇಂದ್ರ ಬಿಂದುವಾಗಿದೆ. ಭಾರತೀಯ ಪುರಾತತ್ವ ಸರ್ವೇಕ್ಷಣಾ ವಿಭಾಗವು ಇಲ್ಲಿಗೆ ಬರುವವರಿಂದ ಪ್ರವೇಶ ಶುಲ್ಕವನ್ನು ವಸೂಲಿ ಮಾಡಿ , ಈ ಸಂಕೀರ್ಣದ ನಿರ್ವಹಣೆಯನ್ನು ಮಾಡುತ್ತಿದೆ.
2005ರಲ್ಲಿ ಈ ಸಂಕೀರ್ಣದಲ್ಲಿದ್ದ ಒಂದು ಶಾಸನವು ಇಲ್ಲಿಯೇ ಸಮೀಪದಲ್ಲಿ ಹುಗಿದು ಹೋಗಿದ್ದ, ಸಂಗಂ ಕಾಲದ ಸುಬ್ರಹ್ಮಣ್ಯ ದೇವಾಲಯದ ಉಪಸ್ಥಿತಿಯನ್ನು ತಿಳಿಸಿತು. ನಂತರ ಉತ್ಖನನ ಮಾಡಿ ಆ ದೇವಾಲಯವನ್ನು ಹೊರತೆಗೆಯಲಾಗಿದೆ.
ಹುಲಿ ಗುಹೆಗಳಿಂದ ಬೀಚ್ಗೆ ಹೋಗಲು ದಾರಿಯಿದೆ. ಇಲ್ಲಿ ಕಾರನ್ನು ಪಾರ್ಕ್ ಮಾಡಲು 10 ರೂಪಾಯಿ ದರವನ್ನು ನಿಗದಿಪಡಿಸಿದ್ದಾರೆ. ಇದು ಇಲ್ಲಿಗೆ ಭೇಟಿ ಕೊಟ್ಟು ಆನಂದಿಸಲು ನೀವು ನೀಡಬೇಕಾದ ಒಂದೇ ಒಂದು ಖರ್ಚಾಗಿದೆ.