Click it and Unblock the Notifications
ಲಖಿಸಾರಿ ಬಿಹಾರ ಪ್ರವಾಸೋದ್ಯಮದ ಪ್ರಮುಖ ಆಕರ್ಷಣೆಗಳಲ್ಲೊಂದು. ಇದು ಮೊದಲು ಮುಂಗೆರ್ ಜಿಲ್ಲೆಯ ಭಾಗವಾಗಿತ್ತು. 1994ರಲ್ಲಿ ಇದರಿಂದ ಬೇರೆಯಾಗಿ ತನ್ನದೇ ಅಸ್ತಿತ್ವವನ್ನು ಪಡೆಯಿತು. ಲಖಿಸಾರಿಯ ದಕ್ಷಿಣಕ್ಕೆ ಶೇಖ್ಪುರ, ಪೂರ್ವಕ್ಕೆ ಮುಂಗೆರ್, ಪಶ್ಚಿಮಕ್ಕೆ ಬೆಗುಸಾರಿ ಮತ್ತು ಉತ್ತರದಲ್ಲಿ ಪಟ್ನಾ ಇದೆ. ಲಖಿಸಾರಿಯು ಅಭಿವೃದ್ಧಿ ಹೊಂದಿರುವ ಆಧ್ಯಾತ್ಮಿಕ ಮತ್ತು ಸಾಂಪ್ರದಾಯಿಕ ಶೈಲಿಯನ್ನು ಹೊಂದಿರುವ ನಗರ.
ಈ ನಗರವು ಉತ್ತಮ ಸಾರಿಗೆ ಮತ್ತು ಮಾಧ್ಯಮ ಸಂಪರ್ಕವನ್ನು ಹೊಂದಿದೆ. ಇದರ ಇತಿಹಾಸವು ಪ್ರವಾಸಿಗರನ್ನು ಸೆಳೆಯುತ್ತದೆ. ಗಂಗಾ, ಕೈಯುಲ್ ಮತ್ತು ಹರೊಹರ ನದಿಗಳು ಇಲ್ಲಿನ ಮುಖ್ಯ ನದಿಗಳು. ಕಬೈಯ, ಬರಹಿಯ, ಶ್ರಿಂಗಿ ರಿಷಿ, ಅಭಿನಾಥ್, ನಾನ್ಗರ್, ಭಗವತಿ ಮತ್ತು ಆದಿನಾಥ ಆಸ್ಥಾನ ಇಲ್ಲಿನ ಪ್ರಮುಖ ಪ್ರವಾಸಿ ತಾಣಗಳು. ಇಲ್ಲಿನ ಹಲವು ಸ್ಥಳಗಳಲ್ಲಿ ನಡೆದ ಉತ್ಖನನಗಳು ಭಾರತದ ಇತಿಹಾಸವನ್ನು ತಿಳಿಯಲು ನೆರವು ನೀಡಿದೆ. ಅಮರಸಾನಿ ಇಲ್ಲಿನ ಮತ್ತೊಂದು ಪ್ರವಾಸಿ ತಾಣ. ಆದಿನಾಥ ಆಸ್ಥಾನ, ದರಿಯಾಪುರ ಮತ್ತು ಅಶೋಕ ಧಾಮಗಳು ಶಿವಲಿಂಗ ವಿಗ್ರಹಕ್ಕಾಗಿ ಹೆಸರುವಾಸಿಯಾಗಿದೆ.
ರಸ್ತೆ ಮತ್ತು ರೈಲು ಮಾರ್ಗಗಳು ಇಲ್ಲಿಗೆ ತಲುಪಲು ಉತ್ತಮ ಆಯ್ಕೆ.
ತಲುಪುವುದು ಹೇಗೆ?
ಲಖಿಸಾರಿಯ ಜನ ಮುಖ್ಯವಾಗಿ ರೈಲು ಮತ್ತು ರಸ್ತೆ ಸಾರಿಗೆಯನ್ನು ಬಳಸುತ್ತಾರೆ. ಇಲ್ಲಿಗೆ ಈ ಸೌಲಭ್ಯಗಳು ಉತ್ತಮವಾಗಿದ್ದು ಬಿಹಾರದ ಎಲ್ಲ ಭಾಗಗಳೊಂದಿಗೆ ಸಂಪರ್ಕ ಹೊಂದಿದೆ.
