Click it and Unblock the Notifications
ಲಾಚುಂಗ್ ಸಿಕ್ಕಿಂ ನ ಆಕರ್ಷಕ ನಗರ. ಉತ್ತರ ಸಿಕ್ಕಿಂನ ಈ ಜಿಲ್ಲೆಯು ಸಮುದ್ರ ಮಟ್ಟದಿಂದ 9600 ಅಡಿ ಎತ್ತರದಲ್ಲಿದೆ. ಇದು ಲಾಚುಂಗ್ ಮತ್ತು ಲಾಚೆನ್ ನದಿ ಸೇರುವ ಸ್ಥಳವಾಗಿದೆ. ಲಾಚುಂಗ್ ಎಂದರೆ ಸಣ್ಣ ಪರ್ವತ ಎಂದು ಕವಿಗಳಿಂದ ಹೆಸರುವಾಸಿಯಾಗಿದೆ. ಬೌದ್ಧ ಮಠ ಯುಮ್ ಥಾಂಗ್ ನಿಂದಾಗಿ ಈ ಪ್ರದೇಶ ಹೆಸರುವಾಸಿಯಾಗಿದ್ದು, ಪ್ರಪಂಚದ ಎಲ್ಲಾ ಕಡೆಗಳಿಂದ ಪ್ರವಾಸಿಗರು ಇಲ್ಲಿಗೆ ಆಗಮಿಸುತ್ತಿರುತ್ತಾರೆ.
ಈ ಪ್ರದೇಶದಲ್ಲಿ ನೆಲಸಿರುವವರು ಲೆಪ್ಚ ಮತ್ತು ಟಿಬೆಟ್ ಮೂಲದವರು. ಅವರನ್ನು ಲಚುನ್ಗ್ಪಾಸ್ ಎಂದೂ ಕರೆಯಲಾಗುತ್ತದೆ. ಇಲ್ಲಿ ಮಾತನಾಡುವ ಭಾಷೆಗಳು ನೇಪಾಳಿ, ಲೆಪ್ಚಾ ಮತ್ತು ಭುಟಿಯ ಆಗಿದೆ.
ಆಕರ್ಷಣೆಗಳು
ಲಾಚುಂಗ್ ಬೌದ್ಧ ಮಠ : ಇದು ಲಾಚುಂಗ್ ಮತ್ತು ಲಾಚೇನ್ ನದಿಯ ತಪ್ಪಲಿನಲ್ಲಿದೆ. ಸಮುದ್ರ ಮಟ್ಟದಿಂದ 12,000 ಅಡಿ ಎತ್ತರದಲ್ಲಿದೆ. ಇದು 1888 ರಲ್ಲಿ ಕಟ್ಟಿದ ಬೌದ್ದರ ನಿಂಗ್ಮ ಗೊಂಪ. ಇಲ್ಲಿ ನಿಂತು ಲಾಚುಂಗ್ ಕಣಿವೆ ಮತ್ತು ಸಂಪೂರ್ಣ ಹಸಿರನ್ನು ಕಾಣಬಹುದು. ಶಿಂಗ್ಬಾ ರೊಡೋಡೆಂಡ್ರಾನ್(ದೊಡ್ಡ ಹೂ ಬಿಡುವ ಗುಲ್ಮಾ ಗಿಡ) ಅಭಯಾರಣ್ಯ ಉತ್ತರ ಸಿಕ್ಕಿಂ ನ ಪ್ರಕೃತಿ ಉದ್ಯಾನವನವಾಗಿದ್ದು, 3048 ರಿಂದ 4575 ಮೀ ವಿಸ್ತೀರ್ಣದಲ್ಲಿ ಹರಡಿದೆ. ಈ ಅಭಯಾರಣ್ಯದಲ್ಲಿ ರೊಡೋಡೆಂಡ್ರಾನ್(ದೊಡ್ಡ ಹೂ ಬಿಡುವ ಗುಲ್ಮಾ ಗಿಡ) ಪೊದೆಗಳು ಮತ್ತು ಗಸಗಸೆ, ಸಾಕ್ಸಿಫ್ರೆಜಸ್, ಜೇನ್ತಿಯನ್ಸ್ ಮತ್ತು ಪೊಟೆನ್ಟಿಲ್ಲ ಎಂಬ ಮರಗಳನ್ನು ಬೆಳೆಸಲಾಗಿದೆ. ಇಲ್ಲಿ ಹುಲಿಯ -ಸಿವೆಟ್ ನಂತಹ ಅಪರೂಪದ ಪ್ರಾಣಿಗಳನ್ನು ಕಾಣಬಹುದು. ಸ್ಕೀಯಿಂಗ್, ಸ್ನೋ ಬೋರ್ಡಿಂಗ್, ಸ್ನೋ ಗ್ರೈಂಡಿಂಗ್ ಮತ್ತು ಟ್ಯುಬಿಂಗ್ ಗಳನ್ನೂ ಒಳಗೊಂಡಿರುವ ಪ್ರವಾಸಿಗರನ್ನು ಆಕರ್ಷಿಸುವ ಸ್ಥಳ ಮೌಂಟ್ ಕಟಯೋ. ಹಿಮದಲ್ಲಿ ಆಟವಾಡಲು ಇಷ್ಟಪಡುವವರು ಇಲ್ಲಿಗೆ ಭೇಟಿ ನೀಡಲೇ ಬೇಕು.
ಹವಾಮಾನ
ಲಾಚುಂಗ್ ನಲ್ಲಿ ಚಳಿಗಾಲದ ಕೊರೆಯುವ ಚಳಿ ಮತ್ತು ಮಳೆಗಾಲದಲ್ಲಿ ಅತಿ ಹೆಚ್ಚು ಮಳೆಯಿರುವುದರಿಂದ ಬೇಸಿಗೆ ಹದವಾಗಿರುತ್ತದೆ. ಈ ಸ್ಥಳಕ್ಕೆ ಭೇಟಿ ನೀಡಲು ಬೇಸಿಗೆ ಪ್ರಾರಂಭವಾಗುವ ಕಾಲ ಸೂಕ್ತವಾಗಿದೆ.
