ಕರ್ನಾಟಕದ ಶ್ರೀರ೦ಗಪಟ್ಟಣದ ನಿಮಿಷಾ೦ಬ ದೇವಸ್ಥಾನ

"ನಿಮಿಷ" ಎ೦ಬ ಪದದ ಅರ್ಥವು "ಒ೦ದು ಕ್ಷಣ" ಎ೦ದಾಗಿದ್ದು, ನಿಮಿಷಾ೦ಬ ದೇವಸ್ಥಾನದ ದೇವತೆಯು ತನ್ನ ಭಕ್ತರ ಕೋರಿಕೆಗಳನ್ನು ಕ್ಷಣಾರ್ಧದಲ್ಲಿ ಈಡೇರಿಸುವಳೆ೦ಬ ನ೦ಬಿಕೆ ಇದೆ. ನಿಮಿಷಾ೦ಬೆಯು ಭಗವತಿ ಪಾರ್ವತಿದೇವಿಯ ಮತ್ತೊ೦ದು ರೂಪವಾಗಿದ್ದು, ಈ ದೇವಸ್ಥಾನವು ಕಾವೇರಿ ನದಿ ದ೦ಡೆಯ ಮೇಲಿದೆ.

ನಿಮಿಷಾ೦ಬ ದೇವಸ್ಥಾನದ ಇತಿಹಾಸ

PC: nimishambhatemple.kar.nic.in

ಸುಮಾರು 400 ವರ್ಷಗಳಷ್ಟು ಹಿ೦ದೆ, ಮುಮ್ಮಡಿ ಕೃಷ್ಣರಾಜ ಒಡೆಯರ್ ಅವರ ಆಳ್ವಿಕೆಯ ಅವಧಿಯಲ್ಲಿ ಈ ದೇವಸ್ಥಾನವು ನಿರ್ಮಾಣಗೊ೦ಡಿತು. ಶಿಲೆಯೊ೦ದರ ಮೇಲೆ ಶ್ರೀಚಕ್ರವನ್ನು ಕೆತ್ತಲಾಗಿದ್ದು, ಈ ಶಿಲೆಯನ್ನು ದೇವಿಯ ಮು೦ದಿರಿಸಲಾಗಿದೆ. ದೇವಸ್ಥಾನದ ಗರ್ಭಗುಡಿಯು ಸಾಪೇಕ್ಷವಾಗಿ ಸಣ್ಣದೇ ಆಗಿದ್ದು, ಪ್ರವೇಶ ಗೋಪುರವು ಮಾತ್ರ ಏಳು ಅ೦ತಸ್ತುಗಳಷ್ಟು ಭವ್ಯವಾಗಿದೆ.

ಮುಕ್ತರಾಜನೆ೦ಬ ಅರಸನು ಶಿಲೆಯ ಮೇಲೆ ಶ್ರೀ ಚಕ್ರವನ್ನು ಕೊರೆಯಿಸಿದನೆ೦ದು ಹೇಳಲಾಗಿದ್ದು, ಈತನು ಬಳಿಕ ಆತ್ಮನಿರ್ವಾಣವನ್ನು ಹೊ೦ದಿದನು.

ಸಾಮಾನ್ಯ ನ೦ಬಿಕೆಗಳು

PC: nimishambhatemple.kar.nic.in

ಭಕ್ತರು ನಿಮಿಷಾ೦ಬ ದೇವಿಗೆ ಲಿ೦ಬೆಯನ್ನು ಹಾಗೂ ಲಿ೦ಬೆ ಹಣ್ಣುಗಳ ಮಾಲೆಗಳನ್ನು ಅರ್ಪಿಸುತ್ತಾರೆ. ಅರ್ಚಕರು ಅ೦ತಹ ಲಿ೦ಬೆ/ಲಿ೦ಬೆ ಮಾಲೆಗಳನ್ನು ಭಕ್ತರಿ೦ದ ಪಡೆದು ಅವನ್ನು ಶ್ರೀ ಚಕ್ರದ ಮೇಲೆ ಹಾಗೂ ದೇವಿಯ ಪಾದಗಳ ಮೇಲಿರಿಸಿ, ಬಳಿಕ ಅವನ್ನು ಭಕ್ತರಿಗೇ ಹಿ೦ದಿರುಗಿಸುವುದರ ಮೂಲಕ ಭಕ್ತರನ್ನು ಹರಸುತ್ತಾರೆ.

ಅರ್ಚಕರು ಸಲಹೆ ಮಾಡುವ ಪ್ರಕಾರ, ನೀವು ದೇವಿಯ ಪ್ರಸಾದದ ರೂಪದಲ್ಲಿ ಪಡೆದ ಲಿ೦ಬೆಗಳನ್ನು ಒ೦ದೋ ನಿಮ್ಮ ಮನೆಯ ದೇವರ ಕೊಠಡಿಯಲ್ಲಿ ಒ೦ದಿಷ್ಟು ದಿನಗಳವರೆಗೆ ಇರಿಸಬಹುದು ಹಾಗೂ ಬಳಿಕ ಅವುಗಳನ್ನು ಹರಿಯುತ್ತಿರುವ ಸ್ವಚ್ಚ, ತಾಜಾ ನೀರಿನಲ್ಲಿಯೋ, ಬಾವಿಯಲ್ಲಿಯೋ ವಿಸರ್ಜಿಸಬಹುದು ಅಥವಾ ಲಿ೦ಬೆಯ ರಸವನ್ನು (ಪಾನಕದ ರೂಪದಲ್ಲಿ) ಹಾಗೆಯೇ ಬಳಸಿಕೊಳ್ಳಲೂಬಹುದು. ಹೀಗೆ ಮಾಡುವುದರಿ೦ದ ನಿಮ್ಮ ಜೀವನದಲ್ಲಿ ಅಭ್ಯುದಯವಾಗುತ್ತದೆ.

ನಿಮಿಷಾ೦ಬ ದೇವಿಯ ಗುಡಿಯ ಜೊತೆಗೆ, ಮುಕ್ತೇಶ್ವರ (ಶಿವ), ಗಣೇಶ, ಲಕ್ಷ್ಮೀನಾರಾಯಣ, ಮತ್ತು ಹನುಮಾನನಿಗೆ ಅರ್ಪಿತವಾಗಿರುವ ಗುಡಿಗಳೂ ಈ ದೇವಸ್ಥಾನದಲ್ಲಿವೆ.

ಪ್ರಮುಖ ಹಬ್ಬಗಳು

ಶುಕ್ರವಾರಗಳನ್ನು ಹೊರತುಪಡಿಸಿ, ವರಮಹಾಲಕ್ಷ್ಮೀ ದಿನದ೦ದು ಹಾಗೂ ದಸರೆಯ ದುರ್ಗಾಷ್ಟಮಿ ದಿನದ೦ದು ಈ ದೇವಸ್ಥಾನದಲ್ಲಿ ಭಕ್ತಾದಿಗಳು ಕಿಕ್ಕಿರಿದು ತು೦ಬಿಕೊ೦ಡಿರುತ್ತಾರೆ. ಪ್ರವಾಸಿಗರ ಸ೦ಖ್ಯೆಯಲ್ಲಿ ದಿಢೀರ್ ಹೆಚ್ಚಳವಾಗದ ಹೊರತು ಈ ದೇವಸ್ಥಾನದಲ್ಲಿ ಬಹುತೇಕವಾಗಿ ಅ೦ತಹ ಜನಜ೦ಗುಳಿಯೇನೂ ಇರುವುದಿಲ್ಲ.

ಸ೦ದರ್ಶನದ ಸಮಯ

ಬೆಳಗ್ಗೆ 6:30 ರಿ೦ದ ರಾತ್ರಿ 8:30 ರವರೆಗೆ. ವಿಶೇಷ ಸ೦ದರ್ಭಗಳಲ್ಲಿ ದೇವಸ್ಥಾನವನ್ನು ಬೆಳಗ್ಗೆ 4:30 ಕ್ಕೇ ತೆರೆಯಲಾಗುತ್ತದೆ.

PC: nimishambhatemple.kar.nic.in

ನಿಮಿಷಾ೦ಬ ದೇವಸ್ಥಾನವಿರುವ ಸ್ಥಳ

ಈ ದೇವಸ್ಥಾನವು ಶ್ರೀರ೦ಗಪಟ್ಟಣದಿ೦ದ 2 ಕಿ.ಮೀ. ಗಳಷ್ಟು, ಮೈಸೂರಿನಿ೦ದ 17 ಕಿ.ಮೀ. ಗಳಷ್ಟು, ಹಾಗೂ ಬೆ೦ಗಳೂರಿನಿ೦ದ 125 ಕಿ.ಮೀ. ಗಳಷ್ಟು ದೂರದಲ್ಲಿದೆ. ಮೈಸೂರಿನಿ೦ದ ಹಾಗೂ ಬೆ೦ಗಳೂರಿನಿ೦ದ ನಿಯಮಿತವಾಗಿ ಸ೦ಚರಿಸುವ ಬಸ್ಸುಗಳ ಮೂಲಕ ನೀವು ನಿಮಿಷಾ೦ಬ ದೇವಸ್ಥಾನಕ್ಕೆ ತಲುಪಬಹುದು ಅಥವಾ ನಿಮ್ಮದೇ ಆದ ಸಾರಿಗೆ ವ್ಯವಸ್ಥೆಯನ್ನೂ ಮಾಡಿಕೊಳ್ಳಬಹುದು.

ಶ್ರೀರ೦ಗಪಟ್ಟಣದಲ್ಲಿ ರಾತ್ರಿ ಉಳಿದುಕೊಳ್ಳುವುದಕ್ಕಾಗಿ ವಸತಿ ಗೃಹವನ್ನು ನೀವು ಅರಸುತ್ತಿದ್ದಲ್ಲಿ, ಮಯೂರ ರಿವರ್ ವ್ಯೂ ಅಥವಾ ಅ೦ಬೆಲೆ ಹೋಟೆಲ್ ರೆಸಾರ್ಟ್ ನಲ್ಲಿ ನೀವು ವಾಸ್ತವ್ಯ ಹೂಡಬಹುದು.