ದೇಶದ ಅತ್ಯಂತ ಅಪಾಯಕಾರಿ ಟ್ರಕ್ಕಿಂಗ್ ಸ್ಪಾಟ್ ಇದು... ಆದ್ರೂ ಜನರು ಇಲ್ಲಿಗೆ ಹೋಗ್ತಾರೆ ಯಾಕೆ?

ಅತ್ಯಂತ ಅಪಾಯಕಾರಿ ಕೋಟೆ

PC: Dinesh Valke

ಚಾರಣಿಗರು ಬಂಡೆಗಳ ಹಾಗೂ ಹರಿತವಾದ ಮೆಟ್ಟಿಲುಗಳ ಮೇಲೆ ಯಾವುದೇ ಸಪೋರ್ಟ್ ಇಲ್ಲದೆ ಏರಬೇಕು. ಈ ಕೋಟೆ ಏರಲು ದೇಹ, ಮನಸ್ಸು, ಶಕ್ತಿ ಎಲ್ಲವೂ ಸರಿಯಾಗಿರಬೇಕು, ಭಾರತದ ಅತ್ಯಂತ ಅಪಾಯಕಾರಿ ಕೋಟೆ ಇದು ಎನ್ನುವುದು ಇಲ್ಲಿ ಒಮ್ಮೆ ಚಾರಣಮಾಡಿದವರಿಗೆ ತಿಳಿದಿರಬಹುದು.

ಕೋಟೆಯ ಮೇಲಿನಿಂದ ಮುಂಬೈ ಕಾಣಿಸುತ್ತದೆ

PC:Rohit Gowaika

ಈ ಕೋಟೆಯ ಸೌಂದರ್ಯವೂ ಬಹಳ ಸುಂದರವಾಗಿದೆ. ಹಾಗಾಗಿ ಜನರು ಇಷ್ಟೊಂದು ಕಠಿಣವಾಗಿರುವ ಕೋಟೆಗೆ ಚಾರಣಕ್ಕೆ ಹೋಗಲು ಇಚ್ಛಿಸುತ್ತಾರೆ. ಚಾಂದೇರಿ, ಮಾಥೆರಾನ್, ಕರ್ನಾಲ್ ಮತ್ತು ಇರ್ಷಲ್ ಕಲಾವಂತಿ ಕೋಟೆಯ ಮೇಲಿನಿಂದ ಕಾಣಿಸುತ್ತದೆ, ಹಾಗೆಯೇ ಮುಂಬೈನ ಸ್ವಲ್ಪ ಭಾಗವು ಈ ಕೋಟೆಯ ಮೇಲಿನಿಂದ ಕಾಣಿಸುತ್ತದೆ.

ಕೋಟೆಯ ಇತಿಹಾಸ

PC:Dinesh Valke

ಕೆಲವೇ ಕೆಲವು ಮಂದಿಗೆ ಪ್ರಬಲ್‌ಘಡ್ ಕೋಟೆಯ ಬಗ್ಗೆ ತಿಳಿದಿದೆ. ಈ ಕೋಟೆಗೆ ಮುರನ್ಜನ್ ಕೋಟೆಯೆಂದು ಕರೆಯಲಾಗುತ್ತಿತ್ತು. ಕೆಲವರು ಇದನ್ನು ಕಾಳವಂತಿನ್ ಎನ್ನುವ ರಾಣಿಯ ಹೆಸರಿನಿಂದ ಕರೆಯುತ್ತಿದ್ದರು. ನಂತರ, ಕಲಾವಂತಿನ್ ಕೋಟೆ ಎನ್ನುವ ಹೆಸರನ್ನು ಛತ್ರಪತಿ ಶಿವಾಜಿಯ ಆಳ್ವಿಕೆಯಲ್ಲಿ ಕೈಬಿಡಲಾಯಿತು.

ತಲಪುವುದು ಹೇಗೆ?

PC: Dinesh Valke

ಚಾರಣಿಗರು ಸಾಮಾನ್ಯವಾಗಿ ತಕ್ಕುರ್‌ವಾಡಿ ಹಳ್ಳಿಯಿಂದ ಪ್ರಾರಂಭಿಸುತ್ತಾರೆ. ಈ ಪ್ರದೇಶಕ್ಕೆ ತಲುಪಲು ಮುಂಬೈನಿಂದ ಪಾನ್‌ವೆಲ್‌ಗೆ ರೈಲು ಹತ್ತಿ ನಂತರ ಅಲ್ಲಿಂದ ಲೋಕಲ್ ಬಸ್ ಹಿಡಿದು ಈ ಕೋಟೆ ಇರುವ ಸ್ಥಳಕ್ಕೆ ತಲುಪಬಹುದು. ಇಲ್ಲಿಗೆ ನೀವು ಟ್ರಾವೆಲ್ ಏಜೆನ್ಸಿಯವರು ಟ್ರಕ್ಕಿಂಗ್ ವ್ಯವಸ್ಥೆಯನ್ನು ಪಡೆಯಬಹುದು. ಇಲ್ಲವಾದಲ್ಲಿ ನೀವಾಗಿಯೇ ಟ್ರಕ್ಕಿಂಗ್‌ಗೆ ಹೋಗಬಹುದು. ಒಂದು ವೇಳೆ ನೀವು ಟ್ರಾವೆಲ್ ಏಜೆನ್ಸಿಯವರ ಏರ್ಪಡಿಸುವ ಟ್ರಕ್ಕಿಂಗ್‌ ವ್ಯವಸ್ಥೆಯನ್ನು ಪಡೆಯುವುದಾದರೆ ನಿಮಗೆ ಟ್ರಕ್ಕಿಂಗ್ ಜೊತೆಗೆ ರಾತ್ರಿ ಕ್ಯಾಂಪ್ ಫೈಯರ್ ಹಾಗು ಉಳಿಯುವ ವ್ಯವಸ್ಥೆಯನ್ನು ಮಾಡಲಾಗುತ್ತದೆ. ಅದೂ ಬರೀ 1000 ರೂ. ಯಲ್ಲಿ

ಇಲ್ಲಿಗೆ ಹೋಗಲು ಉತ್ತಮ ಸಮಯ

PC: Niteshsavane143

ಚಾರಣಕ್ಕೆ ಹೋಗುವುದಾದರೆ ಮಳೆಗಾಲದಲ್ಲಿ ಹೋಗಬಾರದು. ಯಾಕೆಂದರೆ ಮಳೆಗಾಲದಲ್ಲಿ ಬಂಡೆಕಲ್ಲುಗಳೆಲ್ಲಾ ಪಾಚಿ ಹಿಡಿದು ಜಾರುತ್ತಿರುತ್ತವೆ. ನಡೆಯಲು ಆಗೋದಿಲ್ಲ. ಜಾರಿ ಬೀಳುವ ಸಾಧ್ಯತೆಯೇ ಹೆಚ್ಚು. ಹಾಗಾಗಿ ಅಕ್ಟೋಬರ್‌ನಿಂದ ಮಾರ್ಚ್‌ಗೆ ಟ್ರಕ್ಕಿಂಗ್ ಹೋಗಬಹುದು.