• Follow NativePlanet
Share
» »ಈ ಅತ್ತೆ-ಸೊಸೆ ದೇವಾಲಯದಲ್ಲಿ ಅದ್ಭುತ ಕಾಮದಾಟದ ಶಿಲ್ಪಕಲೆಗಳು

ಈ ಅತ್ತೆ-ಸೊಸೆ ದೇವಾಲಯದಲ್ಲಿ ಅದ್ಭುತ ಕಾಮದಾಟದ ಶಿಲ್ಪಕಲೆಗಳು

Written By:

ನಮ್ಮ ದೇಶದಲ್ಲಿ ಹಲವಾರು ವಿಭಿನ್ನವಾದ ದೇವಾಲಯಗಳ ಬಗ್ಗೆ ತಿಳಿಯುತ್ತಲೇ ಬಂದಿದ್ದೇವೆ. ಒಂದೊಂದು ದೇವಾಲಯ ಒಂದೊಂದು ರೀತಿಯ ವೈಶಿಷ್ಟತೆಯನ್ನು ಹೊಂದಿದೆ. ವಿಚಿತ್ರ ಏನೆಂದರೆ ಈ ದೇವಾಲಯದ ಹೆಸರೇ ಅತ್ತೆ-ಸೊಸೆ ದೇವಾಲಯ. ಏನು? ಅತ್ತೆ-ಸೊಸೆ ದೇವಾಲಯವೇ ಎಂದು ನಗಬೇಡಿ. ನಿಜವಾಗಿಯೂ ಇದೊಂದು ಅದ್ಭುತವಾದ ದೇವಾಲಯವಾಗಿದೆ.

ಈ ದೇವಾಲಯದಲ್ಲಿ ಶೃಂಗಾರ ರಸವನ್ನು ಹೋಲುವ ಹಲವಾರು ಕಾಮದಾಟದ ಶಿಲ್ಪಕಲೆಗಳನ್ನು ಕಾಣಬಹುದಾಗಿದೆ. ನಮ್ಮ ಕರ್ನಾಟಕದಲ್ಲಿಯೂ ಇಂತಹ ಸುಂದರವಾದ ಶಿಲ್ಪಕಲೆಗಳನ್ನು ಕಾಣಬಹುದಾಗಿದೆ. ಈ ಐತಿಹಾಸಿಕವಾದ ತಾಣವು ಪ್ರಪಂಚದಾದ್ಯಂತ ಆಕರ್ಷಿಸುತ್ತದೆ.

ಭಾರತದಲ್ಲಿ ಚಿತ್ರ-ವಿಚಿತ್ರ ಹೆಸರುಗಳನ್ನು ಹೊಂದಿರುವ ಅದೆಷ್ಟೊ ದೇವಾಲಯಗಳು ಇವೆ. ಅವುಗಳಲ್ಲಿ ಈ ದೇವಾಲಯವು ಒಂದಾಗಿದೆ. ಈ ದೇವಾಲಯದ ಶಿಲ್ಪಕಲೆಗಳು ಅತ್ಯಂತ ರಮಣೀಯವಾಗಿದ್ದು ನಮ್ಮ ಪುರಾತನವಾದ ಶಿಲ್ಪ ಕಲಾ ನೈಪುಣ್ಯವನ್ನು ಸಾರುತ್ತದೆ.

ಅತ್ತೆ-ಸೊಸೆ ದೇವಾಲಯ

ಅತ್ತೆ-ಸೊಸೆ ದೇವಾಲಯ

ಈ ವಿಚಿತ್ರವಾದ ದೇವಾಲಯವಿರುವುದು ನಗ್ಡಾ ಅಂದರೆ ರಾಜಸ್ಥಾನದ ಉದಯಪುರ ಜಿಲ್ಲೆಯಲ್ಲಿರುವ ಒಂದು ಸಣ್ಣದಾದ ಗ್ರಾಮದಲ್ಲಿ. ಈ ದೇವಾಲಯವನ್ನು ಮೇವಾರ ಸಾಮ್ರಾಜ್ಯದ 4ನೇ ರಾಜನಾದ ನಗರಾದಿತ್ಯನಿಂದ ನಗ್ಡಾ 6 ನೇ ಶತಮಾನದಲ್ಲಿ ನಿರ್ಮಾಣ ಮಾಡಿದನು.

PC:Dennis Jarvis

ಅತ್ತೆ-ಸೊಸೆ ದೇವಾಲಯ

ಅತ್ತೆ-ಸೊಸೆ ದೇವಾಲಯ

ಒಂದು ಕಾಲದಲ್ಲಿ ನಗ್ಡಾ ಮೇವಾರದ ರಾಜಧಾನಿಯಾಗಿ ಬಾಳಿದ್ದ ಪ್ರದೇಶ ಇದಾಗಿತ್ತು. ಹಾಗಾಗಿಯೇ ಇಲ್ಲಿ ಹಲವಾರು ಸುಂದರವಾದ ದೇವಾಲಯಗಳನ್ನು ಕಾಣಬಹುದಾಗಿದೆ. ಈ ಎಲ್ಲಾ ದೇವಾಲಯಗಳು ತನ್ನದೇ ಆದ ಅದ್ಭುತವಾದ ಶಿಲ್ಪಕಲೆಯಿಂದ ಕಂಗೊಳಿಸುತ್ತಿದೆ.

PC:Dennis Jarvis

ಅತ್ತೆ-ಸೊಸೆ ದೇವಾಲಯ

ಅತ್ತೆ-ಸೊಸೆ ದೇವಾಲಯ

ಇಲ್ಲಿನ ಹಲವಾರು ದೇವಾಲಯಗಳಲ್ಲಿ ವಿಶಿಷ್ಟವಾದ ದೇವಾಲಯವೆಂದರೆ ಅದು ನಗ್ಡಾದ ಅತ್ತೆ-ಸೊಸೆ ದೇವಾಲಯ. ಈ ದೇವಾಲಯದ ಹೆಸರು ಸ್ವಲ್ಪ ವಿಭಿನ್ನವಾಗಿದ್ದರು ಕೂಡ ದೇವಾಲಯವನ್ನು ನೋಡಿದವರು ಮಾತ್ರ ಮಂತ್ರಮುಗ್ಧರಾನ್ನಾಗಿಸದೇ ಬಿಡದು.

PC:Dennis Jarvis

ಅತ್ತೆ-ಸೊಸೆ ದೇವಾಲಯ

ಅತ್ತೆ-ಸೊಸೆ ದೇವಾಲಯ

ಈ ದೇವಾಲಯ ಸುತ್ತಮುತ್ತಲೂ ಮನೋಹರವಾದ ವಾತಾವರಣದಿಂದ ಕಂಗೊಳಿಸುತ್ತಿದ್ದು, ಭೇಟಿ ನೀಡುವ ಪ್ರವಾಸಿಗರಿಗೆ ಕೈಬೀಸಿ ಮತ್ತೊಮ್ಮೆ ಕರೆಯುವ ಸೊಬಗು ಹೊಂದಿದೆ. ಇಂಥಹ ಅದ್ಭುತವಾದ ನೋಟವನ್ನು ತಮ್ಮಲ್ಲಿ ಸೊರೆ ಮಾಡಿಕೊಳ್ಳಲು ಹಲವಾರು ಪ್ರವಾಸಿಗರು ಈ ಸ್ಥಳಕ್ಕೆ ಭೇಟಿ ನೀಡುತ್ತಾರೆ.

PC:Dennis Jarvis

ಅತ್ತೆ-ಸೊಸೆ ದೇವಾಲಯ

ಅತ್ತೆ-ಸೊಸೆ ದೇವಾಲಯ

ಅತ್ತೆ- ಸೊಸೆ ದೇವಾಲಯ ಎಂಬ ಹೆಸರು ಹೇಗೆ ಬಂದಿತು ಎಂದು ಯೋಚಿಸುತ್ತಿದ್ದೀರಾ? ಆ ಹೆಸರು ಹೇಗೆ ಬಂದಿತು ಎಂದು ಹೇಳುತ್ತೇನೆ ಕೇಳಿ. ಅದೆನೆಂದರೆ ಸ್ಥಳೀಯ ಪುರಾಣದ ಕಥೆಯ ಪ್ರಕಾರ ಒಂದು ದೇವಾಲಯವನ್ನು ಅತ್ತೆ ನಿರ್ಮಾಣ ಮಾಡಿದರೆ ಮತ್ತೊಂದು ದೇವಾಲಯವನ್ನು ಸೊಸೆ ನಿರ್ಮಾಣ ಮಾಡಿದಳಂತೆ.

PC:TeshTesh

ಅತ್ತೆ-ಸೊಸೆ ದೇವಾಲಯ

ಅತ್ತೆ-ಸೊಸೆ ದೇವಾಲಯ

ಈ ದೇವಾಲಯಗಳು ಒಂದೇ ಹಾಸಿನ ಮೇಲೆ ಎರಡು ದೇವಾಲಯಗಳಿದ್ದರೂ ಕೂಡ ಅತ್ತೆ ದೇವಾಲಯವು ಸ್ವಲ್ಪ ದೊಡ್ಡದಾಗಿದ್ದು, ಸೊಸೆಯ ದೇವಾಲಯವು ಸ್ವಲ್ಪ ಚಿಕ್ಕದಾಗಿದೆ. ಈ ದೇವಾಲಯದ ಗರ್ಭಗುಡಿಯಲ್ಲಿ ಶ್ರೀ ಮಹಾ ವಿಷ್ಣುವು ನೆಲೆಸಿದ್ದಾನೆ.


PC:Dennis Jarvis

ಅತ್ತೆ-ಸೊಸೆ ದೇವಾಲಯ

ಅತ್ತೆ-ಸೊಸೆ ದೇವಾಲಯ

ಈ ದೇವಾಲಯವು ಕಾಮಸೂತ್ರದಂತಹ ಹಲವಾರು ಭಂಗಿಗಳ ಅದ್ಭುತವಾದ ಕೆತ್ತನೆಗಳ ಶಿಲ್ಪಗಳನ್ನು ಇಲ್ಲಿ ಕಾಣಬಹುದಾಗಿದೆ. ಈ ಕೆತ್ತನೆಗಳೆಲ್ಲವೂ ಸೂಕ್ಷ್ಮವಾದ ಕೆತ್ತನೆಗಳಾಗಿದ್ದು, ಅದ್ಭುತವಾಗಿವೆ. ಹಾಗಾಗಿಯೇ ಈ ದೇವಾಲಯಕ್ಕೆ ಹಲವಾರು ಪ್ರವಾಸಿಗರು ಭೇಟಿ ನೀಡುತ್ತಾರೆ.


PC:Paul Asman and Jill Lenoble


ಅತ್ತೆ-ಸೊಸೆ ದೇವಾಲಯ

ಅತ್ತೆ-ಸೊಸೆ ದೇವಾಲಯ

ನಗ್ಡಾ ಪಟ್ಟಣವು ರಾಜಸ್ಥಾನದ ಉದಯಪುರದಿಂದ ಸುಮಾರು 23 ಕಿ.ಮೀ ದೂರದಲ್ಲಿದೆ. ಉದಯಪುರದಿಂದ ಈ ದೇವಾಲಯಕ್ಕೆ ತೆರಳಲು ಹಲವಾರು ಖಾಸಗಿ ಹಾಗು ಸರ್ಕಾರಿ ಬಸ್ಸುಗಳು ದೊರೆಯುತ್ತವೆ.


PC:ArnoldBetten

ಅತ್ತೆ-ಸೊಸೆ ದೇವಾಲಯ

ಅತ್ತೆ-ಸೊಸೆ ದೇವಾಲಯ

ಒಂದೇ ಕಲ್ಲಿನ ಮೇಲೆ ಪ್ರತ್ಯೇಕವಾಗಿ ನಿರ್ಮಾಣವಾಗಿರುವ ಅತ್ತೆ-ಸೊಸೆ ದೇವಾಲಯಗಳು. ಇಲ್ಲಿನ ಮನೋಹರವಾದ ಸ್ತಂಭಗಳು, ದೊಡ್ಡ ದೊಡ್ಡ ಮಂಟಪಗಳು ನಿಮ್ಮನ್ನು ಮಂತ್ರಮುಗ್ಧರನ್ನಾಗಿಸದೇ ಬಿಡದು.


PC: Cosimo Roams

ಅತ್ತೆ-ಸೊಸೆ ದೇವಾಲಯ

ಅತ್ತೆ-ಸೊಸೆ ದೇವಾಲಯ

ಈ ನಗ್ಡಾದ ಅತ್ತೆ-ಸೊಸೆ ದೇವಾಲಯದ ಸಮೀಪದಲ್ಲಿ ಬಗೇಲಾ ಎಂಬ ಸುಂದರವಾದ ಕೆರೆ ಇದೆ. ಈ ಕೆರೆಯು ತನ್ನ ಪ್ರಶಾಂತವಾದ ವಾತಾವರಣದಿಂದ ಕಂಗೊಳಿಸುತ್ತಿದೆ.

PC:Cosimo Roams


ಅತ್ತೆ-ಸೊಸೆ ದೇವಾಲಯ

ಅತ್ತೆ-ಸೊಸೆ ದೇವಾಲಯ

ಶೃಗಾಂರ ರಸವನ್ನು ಉದ್ರೇಕಿಸುವಂತಹ ಅದ್ಭುತವಾದ ಹಲವಾರು ಮಿಥುನ ಶಿಲ್ಪಕಲೆಗಳನ್ನು ಇಲ್ಲಿ ಕಾಣಬಹುದಾಗಿದೆ. ಇಲ್ಲಿನ ಸುಂದರವಾದ ಶಿಲ್ಪಗಳು ಕಣ್ಣಿಗೆ ಹಬ್ಬದಂತೆ ಇರುತ್ತದೆ. ಈ ದೇವಾಲಯದಲ್ಲಿನ ವಿಶೇಷವೇ ಈ ಶಿಲ್ಪಗಳು.

PC:Nagarjun Kandukuru

ಅತ್ತೆ-ಸೊಸೆ ದೇವಾಲಯ

ಅತ್ತೆ-ಸೊಸೆ ದೇವಾಲಯ

ಇಂತಹ ಅದ್ಭುತವಾದ ಮತ್ತು ಐತಿಹಾಸಿಕವಾದ ದೇವಾಲಯಕ್ಕೆ ಸ್ವಾಗತಕೋರುವ ಸ್ವಾಗತ ದ್ವಾರವನ್ನು ಕೂಡ ಕಂಡು ಆನಂದಿಸಬಹುದಾಗಿದೆ. ಈ ಸ್ವಾಗತ ದ್ವಾರವು 4 ಸ್ತಂಭಗಳನ್ನು ಒಳಗೊಂಡಿದೆ. ಇದೊಂದು ಅದ್ಭುತವಾದ ರಚನೆಯನ್ನು ಹೊಂದಿದೆ ಎಂದೇ ಹೇಳಬಹುದಾಗಿದೆ.


PC:Nagarjun Kandukuru

ಅತ್ತೆ-ಸೊಸೆ ದೇವಾಲಯ

ಅತ್ತೆ-ಸೊಸೆ ದೇವಾಲಯ

ದೇವಾಲಯದ ಶಿಲ್ಪಗಳೇ ಅಲ್ಲದೇ ದೇವಾಲಯದ ಸುತ್ತ ಮುತ್ತ ಪ್ರಾಕೃತಿಕ ಸೌಂದರ್ಯವನ್ನು ನೋಡಿಯೇ ಕಣ್ಣು ತುಂಬಿಕೊಳ್ಳಬೇಕು. ಹಚ್ಚ ಹಸಿರಿನ ಸಂಪತ್ತನ್ನು ಹೊಂದಿರುವ ಈ ಸ್ಥಳವು ಪ್ರವಾಸಿಗರು ತಮ್ಮ ಜೀವನದಲ್ಲಿ ಎಂದೂ ಮರೆಯಲಾಗದಂತಹ ಅನುಭೂತಿಯನ್ನು ನೀಡುವುದಂತು ನಿಜ.


PC:Nagarjun Kandukuru

ಅತ್ತೆ-ಸೊಸೆ ದೇವಾಲಯ

ಅತ್ತೆ-ಸೊಸೆ ದೇವಾಲಯ

ದೇವಾಲಯದ ಒಳಭಾಗದಲ್ಲಿ ಮನ ಸೆಳೆಯುವ ಅದ್ಭುತವಾದ ಶಿಲ್ಪಕಲಾ ಸಂಪತ್ತು ಹೊಂದಿದೆ. ಅದೇನೆ ಇರಲಿ ಅತ್ತೆ-ಸೊಸೆ ಎಂಬ ದೇವಾಲಯ ಕೂಡ ನಮ್ಮ ದೇಶದಲ್ಲಿ ಇದೆ ಎಂದು ಕೆಲವರು ಊಹಿಸಿರಲಿಕ್ಕಿಲ್ಲ ಅಲ್ಲವೇ? ಒಮ್ಮೆ ರಾಜಸ್ಥಾನಕ್ಕೆ ಭೇಟಿ ನೀಡಿದಾಗ ತಪ್ಪದೇ ಈ ಸ್ಥಳಕ್ಕೆ ಭೇಟಿ ನೀಡಿಬನ್ನಿ..


PC:Zen Skillicorn

ಪ್ರವಾಸದ ಬಗ್ಗೆ ಇನ್ನಷ್ಟು ಮಾಹಿತಿ, ಪ್ರವಾಸದ ಸಲಹೆಗಳು ಹಾಗೂ ಪ್ರವಾಸ ಲೇಖನಗಳನ್ನು ಪಡೆಯಿರಿ

We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Nativeplanet sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Nativeplanet website. However, you can change your cookie settings at any time. Learn more