ಐದು ದಿನಗಳಲ್ಲಿ ರೈಲು ಮೂಲಕ ಉತ್ತರ ಭಾರತದ ಪ್ರವಾಸ ಮಾಡಿಕೊಂಡು ಬನ್ನಿ

ವಿಶ್ವದಲ್ಲೆ ಅತ್ಯಂತ ವಿಸ್ತಾರವಾದ ರೈಲ್ವೆ ಜಾಲಗಳನ್ನು ಹೊಂದಿರುವ ಭಾರತೀಯ ರೈಲ್ವೆ ನಿಸ್ಸಂದೇಹವಾಗಿ ಚುರುಕುತನ, ದಕ್ಷತೆ, ಅನುಕೂಲತೆ ಮತ್ತು ಪಾಕೆಟ್ ಸ್ನೇಹಿ ಪ್ರಯಾಣದ ವಿಧಾನಗಳಲ್ಲಿ ಒಂದಾಗಿದೆ. ನೀವುಬಜೆಟ್ ನಲ್ಲಿ ಪ್ರಯಾಣಿಸುತ್ತಿರೀ ಅಥವಾ ಅನುಭವಕ್ಕಾಗಿರಲಿ, ರೈಲು ಪ್ರಯಾಣ ಅತ್ಯುತ್ತಮವಾದುದು. ಬೆಟ್ಟಗಳು, ಬಯಲು ಪ್ರದೇಶಗಳು ಮತ್ತು ಮರುಭೂಮಿಗಳ ಕೆಲವು ಭಾಗಗಳನ್ನು ಆವರಿಸಿರುವ ರೈಲು ಪ್ರಯಾಣವು ಕೇವಲ ಸಾರಿಗೆ ಸಾಧನವಲ್ಲ; ನೈಸರ್ಗಿಕ ದೃಶ್ಯಕಾವ್ಯವನ್ನು ಉಣಬಡಿಸುವ ವಾಹನವು ಹೌದು. ಇದಲ್ಲದೆ, ರೈಲು ಮಾರ್ಗದ ಮೂಲಕ ಪ್ರದೇಶದ ಒಂದು ಭಾಗದಿಂದ ಮತ್ತೊಂದು ಭಾಗಕ್ಕೆ ಪ್ರಯಾಣಿಸುವಾಗ ನೀವು ಹೆಚ್ಚಿನ ಆಕರ್ಷಣೆಗಳನ್ನು ಕಾಣಬಹುದು.ನಮ್ಮ ಇತ್ತೀಚಿನ ಸಂಶೋಧನೆಯ ನಂತರ, ನಾವು ದೆಹಲಿಯಿಂದ 5 ದಿನಗಳ ರೈಲ್ವೆ ಪ್ರಯಾಣವನ್ನು ಇಲ್ಲಿ ಮ್ಯಾಪ್ ಮಾಡಿದ್ದೇವೆ, ಕಲ್ಕಾ, ಶಿಮ್ಲಾ ಮತ್ತು ಆಗ್ರಾವನ್ನು ನೋಡಿಕೊಂಡು ಮತ್ತೆ ದೆಹಲಿಗೆ ಹಿಂದಿರುಗುವುದು. ಭಾರತದ ರಾಜಧಾನಿ ದೆಹಲಿಯಿಂದ ಪ್ರಯಾಣವನ್ನು ಪ್ರಾರಂಭಿಸೋಣ. ಇದು ಭಾರತದ ಪ್ರಮುಖ ಕೇಂದ್ರಗಳಲ್ಲಿ ಒಂದಾಗಿದ್ದು, 23 ಮಿಲಿಯನ್ ಹೆಚ್ಚಿನ ಜನರು ಭಾರತೀಯ ರೈಲ್ವೆಗಳನ್ನು ನಿಯಮಿತವಾಗಿ ಪ್ರಯಾಣಿಸಲು ಬಳಸುತ್ತಾರೆ. ಕಲ್ಕಾ ಸುಮಾರು 258 ಕಿ.ಮೀ ದೂರದಲ್ಲಿದೆ ಮತ್ತು ಇದು ದೆಹಲಿಯಿಂದ ನಾಲ್ಕು ಗಂಟೆಗಳ ಪ್ರಯಾಣವಾಗಿದೆ. ಸಾಮಾನ್ಯ ದರ್ಜೆಗಿಂತ ನೀವು ಆರಾಮವಾಗಿ ಪ್ರಯಾಣಿಸುವುದನ್ನು ಬಯಸಿದರೆ, ಏಸಿ ದರ್ಜೆಯನ್ನು ಆಯ್ಕೆ ಮಾಡಿಕೊಳ್ಳಬಹುದು. ಹವಾನಿಯಂತ್ರಿತ ದರ್ಜೆಯು ಆರಾಮದಾಯಕವಾಗಿದ್ದು ಮತ್ತು ಉತ್ತಮ ಉಪಹಾರ ಮತ್ತು ಬಿಸಿಬಿಸಿ ಚಾಯ್ ಒಳಗೊಂಡಿದೆ.ನೀವು ಕಲ್ಕಾವನ್ನು ತಲುಪಿದ ನಂತರ, ಹಿಮಾಲಯನ್ ರಾಣಿ ಅಥವಾ ಆಟಿಕೆ ರೈಲಲ್ಲಿ ಪ್ರಯಾಣಿಸಬಹುದು. ಇದು ಶತಾಬ್ಡಿ ಎಕ್ಸ್ ಪ್ರೆಸ್ ನಿಂದ ಕಡಿಮೆ ಉದ್ದವಿದ್ದು, ಇದನ್ನು ಆಟಿಕೆ ರೈಲು ಎಂದು ಕರೆಯುತ್ತಾರೆ. ಕಿರಿದಾದ ಗೇಜ್ ನಲ್ಲಿ ಆರು ಸಾಲುಗಳ ಆಸನಗಳನ್ನೂ ಹೊಂದಿರುತ್ತದೆ. ಇದು ವಿಶ್ವದ ಅಸಾಧಾರಣ ರೈಲುಮಾರ್ಗಗಳಲ್ಲಿ ಒಂದಾಗಿದ್ದು. ಬ್ರಿಟಿಷ್ ರಾಜ್ ನ ಮೆಮ್-ಸಾಹೀಬ್ ಕಲ್ಕಾದಿಂದ ಶಿಮ್ಲಾ ವರೆಗೆ ಈ ಮಾರ್ಗವನ್ನು ನಿರ್ಮಿಸಿದ್ದಾನೆ ಎಂದು ಹೇಳಲಾಗುತ್ತದೆ. ಶಿಮ್ಲಾ ಕಲ್ಕಾದಿಂದ ಕೇವಲ 87 ಕಿ.ಮೀ ದೂರದಲ್ಲಿದ್ದರೂ, ರೈಲು ಪ್ರಯಾಣವು ಶಿಮ್ಲಾದ ಕೇಂದ್ರ ನಿಲ್ದಾಣವನ್ನು ತಲುಪಲು ಸುಮಾರು 3 ಗಂಟೆ ತೆಗೆದುಕೊಳ್ಳುತ್ತದೆ. ಸರಾಸರಿ ವೇಗ ಗಂಟೆಗೆ ಸುಮಾರು 16 ಕಿ.ಮೀ. ಆದಾಗ್ಯೂ, ಇದು ಉಬ್ಬು ತಗ್ಗುಗಳಿಂದ ಕೂಡಿದ್ದು ನಿದಾನವಾಗಿ ಸಾಗುತ್ತದೆ.ಬೋಗಿಗಳು ಸಾಮಾನ್ಯವಾಗಿ ಇತರ ಪ್ರವಾಸಿಗರಿಂದ ತುಂಬಿರುತ್ತವೆ. ರೈಲು ಎರಡೂ ಕಡೆ ಬಂಡೆಗಳಿಂದ ಸುತ್ತುವರೆದಿರುವ ಕಡಿದಾದ ಹಳಿಗಳನ್ನು ಏರುಕೊಂಡು ಚಲಿಸುವಾಗ ನಿಮ್ಮ ತೆರೆದ ಕಿಟಕಿಗಳಿಂದ ಪೈನ್ ಪರಿಮಳದಲ್ಲಿ ತಂಪಾದ ಗಾಳಿಯನ್ನು ನೀವು ಆಸ್ವಾದಿಸಬಹುದು. 32 ಕಿ.ಮೀ.ನಲ್ಲಿ ಹಿಮಾಲಯನ್ ಕ್ವೀನ್ ನಾಲ್ಕು ನಿಲ್ದಾಣಗಳನ್ನು ಹಾದುಹೋಗುತ್ತದೆ. ಅದೇನೇ ಇದ್ದರೂ, ಇದು 1500 ಮೀಟರ್ ಎತ್ತರದಲ್ಲಿರುವ ಧರಂಪುರದಲ್ಲಿ ತನ್ನ ಮೊದಲ ನಿಲುಗಡೆ ಮಾಡುತ್ತದೆ. ಅನೇಕರು ಫ್ಲಾಟ್ ಫಾರಂ ನಲ್ಲಿರುವ ಸ್ಟಾಲ್ ಗಳಿಂದ ಸಮೋಸಾ ಮತ್ತು ಚಾಯ್ ಖರೀದಿಸಲು ಕೆಳಗೆ ಇಳಿಯುತ್ತಾರೆ.ಈ ರೈಲ್ವೆ ಮಾರ್ಗವನ್ನು ನಿರ್ಮಿಸುರುವುದು ಎಂಜಿನಿಯರಿಂಗ್ ನ ಗಮನಾರ್ಹ ಸಾಧನೆಯಾಗಿದ್ದು, 854 ಸೇತುವೆಗಳು, 102 ಕ್ಕೂ ಹೆಚ್ಚು ಸುರಂಗಗಳು ಮತ್ತು ಸುಮಾರು 909 ಉಬ್ಬು ತಗ್ಗುಗಳನ್ನು ಹೊಂದಿದೆ. ರೈಲು ಮಾರ್ಗವು ಕಲ್ಕಾದಿಂದ ಶಿಮ್ಲಾಕ್ಕೆ 80 ಕಿ.ಮೀ ದೂರದಲ್ಲಿ 1500 ಮೀಟರ್ ಚಲಿಸುತ್ತದೆ ಮತ್ತು ರೈಲು ಒಟ್ಟು 16 ನಿಲ್ದಾಣಗಳನ್ನು ದಾಟಿ ಶಿಮ್ಲಾ ತಲುಪಲು ಐದು ಗಂಟೆ ತೆಗೆದುಕೊಳ್ಳುತ್ತದೆ. ನೀಲಗಿರಿ ಮತ್ತು ಡಾರ್ಜಿಲಿಂಗ್ ರೈಲುಮಾರ್ಗಗಳೊಂದಿಗೆ ಯುನೆಸ್ಕೋ ಈ ಅದ್ಭುತ ರೈಲು ಮಾರ್ಗವನ್ನು 2008 ರಲ್ಲಿ ತನ್ನ ವಿಶ್ವ ಪರಂಪರೆಯ ಪಟ್ಟಿಗೆ ಸೇರಿಸಿದೆ.ಈ ರೈಲ್ವೆ ಮಾರ್ಗವು ಭೂದೃಶ್ಯದ ಮೂಲಕ ಸುರಂಗಗಳ ಮೂಲಕ ಚಲಿಸಲು ಪ್ರಾರಂಭಿಸುತ್ತದೆ. ಬೆರೋಗ್ ನಿಲ್ದಾಣವನ್ನು ಎರಡೂ ಬೆಟ್ಟದ ಮುಖಗಳನ್ನೂ ಹೊಂದಿರುವಂತೆ ಮೂಲ ವಾಸ್ತುಶಿಲ್ಪಿ ಇದನ್ನು ನಿರ್ಮಿಸಿದ್ದಾನೆ. ಅಕ್ಕಪಕ್ಕದ ಬೆಟ್ಟಗುಡ್ಡಗಳ ಮೇಲೆ ವ್ಯಾಪಿಸಿರುವ ಶಿಮ್ಲಾ, ಹಳ್ಳಿಗಾಡಿನ ಅದ್ಭುತ, ನೀವು ಊಹಿಸಲು ಸಾಧ್ಯವಿಲ್ಲದಷ್ಟು ದೊಡ್ಡದಿದೆ. ಈ ವಿಸ್ತರಣೆಯ ಬಹುಪಾಲು ಇತ್ತೀಚಿನದು, ಮತ್ತು ಮೂಲ ವಸಾಹತುಶಾಹಿ ರಚನೆಗಳು ನಿಲ್ದಾಣದ ಮೇಲೆ ವೀಕ್ಷಣಾಲಯ ಬೆಟ್ಟಕ್ಕೆ ಏರುತ್ತವೆ.ವೈಸ್ರಾಯ್ ಲಾರ್ಡ್ ಡಫೆರಿನ್ ವಸಾಹತುಶಾಹಿ ಕಟ್ಟಡಗಳನ್ನು ನಿರ್ಮಿಸಿದರು ಮತ್ತು ಇದನ್ನು ಪ್ರವಾಸಿ ಗಣ್ಯರನ್ನು ಆಕರ್ಷಿಸಲು ನಿರ್ಮಿಸಲಾಗಿದೆಯಂತೆ. ಸ್ವಾತಂತ್ರ್ಯದ ನಂತರ, ಹೆಚ್ಚಿನ ಕೋಟೆಗಳು ಮತ್ತು ಕಟ್ಟಡಗಳು ಭಾರತೀಯ ಸರ್ಕಾರಕ್ಕೆ ಹಸ್ತಾಂತರಿಸಲ್ಪಟ್ಟವು, ಆದರೆ ಸ್ಥಳೀಯ ವಿಶ್ವವಿದ್ಯಾಲಯವು ಈಗ ಅದನ್ನು ನೋಡಿಕೊಳ್ಳುತ್ತಿದೆ. ತೇಗದ ಮರದಿಂದ ಮಾಡಿದ ಒಳಾಂಗಣ ಹಾಲ್ ಸೇರಿದಂತೆ ಇದರ 130 ಕೊಠಡಿಗಳಲ್ಲಿ ಕೆಲವನ್ನು ಮಾತ್ರ ನೀವು ಭೇಟಿ ಮಾಡಬಹುದು ಮತ್ತು ಹಳೆಯ ಕಾಲದ ಛಾಯಾಚಿತ್ರಗಳನ್ನೂ ವೀಕ್ಷಿಸಬಹುದು. ಹತ್ತಿರದ ರೈಲ್ವೆ ನಿಲ್ದಾಣವನ್ನು ತಲುಪಲು ಟ್ಯಾಕ್ಸಿ ಯನ್ನು ಸುಲಭವಾಗಿ ಪಡೆಯಬಹುದು ಮತ್ತು ನಂತರ ಆಗ್ರಾಗೆ ರೈಲು ಹಿಡಿಯಿರಿ. ಇದು ದಕ್ಷಿಣಕ್ಕೆ 1000 ಕಿ.ಮೀ ದೂರದಲ್ಲಿದೆ .ಒಮ್ಮೆ ನೀವು ಆಗ್ರಾದಲ್ಲಿದ್ದರೆ, ನೀವು ತಾಜ್ ಮಹಲ್ ನಿಂದ ಪ್ರಭಾವಿತರಾಗುವುದು ಖಚಿತ; ಅದರ ಬಿಳಿ ಅಮೃತಶಿಲೆ ಗುಮ್ಮಟ ಮತ್ತು ಕಂಬಗಳ ಮೇಲೆ ಸೂರ್ಯನ ಕಿರಣಗಳು ಚೆಲ್ಲಿ ಇನ್ನಷ್ಟು ಅದ್ಭುತವಾಗಿ ಕಾಣುತ್ತವೆ. ಈ ಮೈದಾನ ವ್ಯಾಪಕವಾಗಿ ಹರಡಿಕೊಂಡಿದ್ದು ಪ್ರತಿ ಕೋನದಿಂದ ಈ ಬಿಳಿ ಸ್ಮಾರಕವನ್ನು ಫೋಟೋಗ್ರಫಿ ಮಾಡಬಹುದು. ಆಗ್ರಾದಲ್ಲಿ ನೋಡಬೇಕಾದ ಇನ್ನೊಂದು ಸ್ಮಾರಕವೆಂದರೆ ಕೆಂಪುಕೋಟೆ, ಇದನ್ನು ಷಹಜಹಾನ್ ಅವರ ಮಗ ಔರಂಗಜೇಬನಿಂದ ಸೀಮಿತವಾಗಿದೆ ಎಂದು ಹೇಳಲಾಗುತ್ತದೆ. ಗತಿಮಾನ್ ಎಕ್ಸ್ ಪ್ರೆಸ್ ಭಾರತದ ಪ್ರಮುಖ ಹೈಸ್ಪೀಡ್ ರೈಲುಗಳಲ್ಲಿ ಒಂದಾಗಿದೆ. ಗತಿಮಾನ್ ಎಕ್ಸ್ ಪ್ರೆಸ್ ನಲ್ಲಿ ದೆಹಲಿಗೆ ತಲುಪಲು ಕೇವಲ 90 ನಿಮಿಷಗಳು ಬೇಕಾಗುತ್ತದೆ. ದೇಶಾದ್ಯಂತ ಪ್ರವಾಸ ನಿಮ್ಮನ್ನು ಬಳಲಿಸಿದರು, ರೈಲ್ವೆ ಮೂಲಕ ಪ್ರಯಾಣಿಸುವುದು ನಿಮಗೆ ನಿಸ್ಸಂದೇಹವಾಗಿ ಆರಾಮದಾಯಕವಾಗಿದ್ದು ನಿಮ್ಮ ಹೆಚ್ಚಿನ ಒತ್ತಡವನ್ನು ದೂರ ಮಾಡುತ್ತದೆ.