ಜೋಗೇಶ್ವರಿ ಮಾತ ; ಇಲ್ಲಿಗೆ ಹೋದ್ರೆ ನಿಮ್ಮ ಮುತ್ತೈದೆ ಭಾಗ್ಯ ಗಟ್ಟಿಯಾಗಿರುತ್ತಂತೆ

ವಿವಾಹಿತ ಮಹಿಳೆಯರು ಹೆಚ್ಚಿನವರು ತಮ್ಮ ಮಾಂಗಲ್ಯ ಗಟ್ಟಿಯಾಗಿರಲಿ, ಪತಿಯ ಆಯಸ್ಸು ಚೆನ್ನಾಗಿರಲಿ ಎಂದು ದೇವರನ್ನು ಪೂಜಿಸುತ್ತಾರೆ. ಹಾಗಾಗಿ ಅನೇಕ ದೇವಾಲಯಗಳಿಗೆ ಭೇಟಿ ನೀಡುತ್ತಾ ಇರುತ್ತಾರೆ. ಈ ಮಧ್ಯೆ ಮುಂಬೈಯಲ್ಲಿ ಒಂದು ಪ್ರಾಚೀನ ದೇವಾಲಯವು ಮಹಿಳೆಯರನ್ನು ತನ್ನತ್ತ ಆಕರ್ಷಿಸುತ್ತಿದೆ. ವಿಶೇಷವಾಗಿ ಕಾರ್ತೀಕ ಮಾಸದಲ್ಲಿ, ಈ ದೇವಾಲಯಕ್ಕೆ ಸಾಕಷ್ಟು ಸಂಖ್ಯೆಯಲ್ಲಿ ಭಕ್ತರು ಭೇಟಿ ನೀಡುತ್ತಿರುತ್ತಾರೆ. PC: youtubeಮುಂಬೈಯಲ್ಲಿರುವ ಜೋಗೇಶ್ವರಿ ಮಾತ ದೇವಾಲಯವು ಅತ್ಯಂತ ಹಳೆಯ ದೇವಾಲಯವಾಗಿದೆ. ಇದೊಂದು ಗುಹಾಲಯವಾಗಿದೆ. ಈ ದೇವಾಲಯದಿಂದಾಗಿ ಆ ಊರಿಗೆ ಜೋಗೇಶ್ವರಿ ಎನ್ನುವ ಹೆಸರು ಬಂದಿತು. ಇಲ್ಲಿನ ದೇವಿಯು ಅತ್ಯಂತ ಮಹಿಮಾನ್ವಿತಳು ಎನ್ನುವುದು ಇಲ್ಲಿನ ಜನರ ನಂಬಿಕೆ. PC: youtubeಈ ದೇವಿಯು ತಮ್ಮ ಮಾಂಗಲ್ಯವನ್ನು ಗಟ್ಟಿಯಾಗಿಸುತ್ತಾಳೆ ಎನ್ನುವ ನಂಬಿಕೆ ಮಹಿಳೆಯರದ್ದು. ಹಾಗಾಗಿ ಮುಂಬೈ ಮಾತ್ರವೇ ಅಲ್ಲ ದೇಶದ ವಿವಿಧ ಭಾಗಗಳಿಂದ ಭಕ್ತರು ಇಲ್ಲಿಗೆ ಆಗಮಿಸಿ ಪೂಜೆ ಮಾಡುತ್ತಾರೆ. PC: youtubeಈ ದೇವಿಯು ಮುಂಬೈನ ಹಲವು ಪ್ರಾಂತ್ಯದ ಜನರಿಗೆ ಕುಲದೈವವಾಗಿದೆ. ಈ ದೇವಾಲಯವನ್ನು ಯಾವಾಗ ನಿರ್ಮಿಸಿದರು ಎನ್ನುವ ಯಾವುದೇ ಸಾಕ್ಷ್ಯಾಧಾರಗಳು ಇಲ್ಲ. ಆದರೆ ಅಲ್ಲಿ ದೊರೆತಿರುವ ಕೆಲವು ಆಧಾರದ ಮೇಲೆ ಆ ದೇವಾಲಯವನ್ನು ೫ ನೇಶ ಶತಮಾನದಲ್ಲಿ ನಿರ್ಮಿಸಲಾಗಿದೆ ಎನ್ನಲಾಗುತ್ತದೆ. PC: youtubeಇನ್ನೂ ಕೆಲವು ಇದು ಅಜಂತಾ, ಎಲ್ಲೋರ ಗುಹೆಯನ್ನು ನಿರ್ಮಿಸಿದ ಸಂದರ್ಭದಲ್ಲಿ ನಿರ್ಮಿಸಲಾಗಿದ್ದು ಎನ್ನುತ್ತಾರೆ. ಇದಕ್ಕೆ ಕಾರಣ ಈ ದೇವಾಲಯವು ಅಜಂತಾ , ಎಲ್ಲೋರ ಗುಹೆಯನ್ನೇ ಹೋಲುತ್ತದೆ. PC: youtubeಅಜಂತಾ, ಎಲ್ಲೋರ ಗುಹೆಯೊಳಗೆ ಇರುವ ಶಿಲ್ಪ ಕಲಾಕೃತಿಯು, ಈ ದೇವಾಲಯದಲ್ಲಿರುವ ಶಿಲ್ಪಕಲಾಕೃತಿಯನ್ನು ಹೋಲುತ್ತದೆ. ಜೊತೆಗೆ ಅಜಂತಾ, ಎಲ್ಲೋರ ಗುಹೆಯನ್ನು ನಿರ್ಮಿಸಿದ ಕಾರ್ಮಿಕರೇ ಈ ಗುಹೆಯನ್ನು ನಿರ್ಮಿಸಿದರು ಎನ್ನಲಾಗುತ್ತದೆ. PC: youtubeಜೋಗೇಶ್ವರಿ ಮಂದಿರಕ್ಕೆ ಬರಲು ಮುಂಬೈನ ಹಲವು ಪ್ರಾಂತ್ಯಗಳಿಂದ ಬಸ್ ವ್ಯವಸ್ಥೆಗಳಿವೆ. ಲೋಕಲ್ ಟ್ರಾನ್ಸ್ ಪೋರ್ಟ್ ಗಳೂ ಇವೆ. ಇಲ್ಲಿ ಜೋಗೇಶ್ವರಿ ದೇವಿಯ ಜೊತೆಗೆ ಪರಮೇಶ್ವರ ಹಾಗೂ ಗಣೇಶನ ವಿಗ್ರಹವನ್ನೂ ಕಾಣಬಹುದು.