• Follow NativePlanet
Share
» » ನೀರಿನಿಂದ ಶಿವಲಿಂಗ ಮಾಡಿ ಪಾರ್ವತಿ ಶಿವನನ್ನು ಪೂಜಿಸಿದ್ದು ಇಲ್ಲೇ

ನೀರಿನಿಂದ ಶಿವಲಿಂಗ ಮಾಡಿ ಪಾರ್ವತಿ ಶಿವನನ್ನು ಪೂಜಿಸಿದ್ದು ಇಲ್ಲೇ

Written By:

ಹಿಂದೂ ಪುರಾಣಗಳ ಪ್ರಕಾರ ಪಂಚಭೂತಗಳಾದ ಗಾಳಿ, ನೀರು, ಬೆಂಕಿ, ಭೂಮಿ, ಆಕಾಶಗಳ ಪ್ರತೀಕವಾಗಿ ಪರಶಿವನು ಭೂಮಂಡಲದಲ್ಲಿ ಐದು ಕ್ಷೇತ್ರಗಳಲ್ಲಿ ನೆಲೆಸಿದ್ದಾನೆ. ಈ ಐದು ಕ್ಷೇತ್ರಗಳನ್ನು ಒಟ್ಟಾಗಿ ಪಂಚಭೂತಗಳು ಎನ್ನುತ್ತಾರೆ. ಆ ಐದು ಕ್ಷೇತ್ರಗಳು ಯಾವುವು ಅನ್ನೋದು ನಿಮಗೆ ಗೊತ್ತಾ?

 

 ಐದು ಕ್ಷೇತ್ರಗಳು ಯಾವುವು?

ಐದು ಕ್ಷೇತ್ರಗಳು ಯಾವುವು?

PC: Hari Prasad Nadig

ಭೂಮಿಯ ಪ್ರತೀಕವಾಗಿ ಏಕಂಬರೇಶ್ವರ ದೇವಾಲಯ, ನೀರಿನ ಪ್ರತೀಕವಾಗಿ ಜಂಬುಕೇಶ್ವರ ದೇವಾಲಯ, ಗಾಳಿ ಪ್ರತೀಕವಾದ ಕಾಳಹಸ್ತಿ ದೇವಾಲಯ, ಆಕಾಶಕ್ಕೆ ಪ್ರತೀಕವಾಗಿ ನಟರಾಜ ಸ್ವಾಮಿ ದೇವಾಲಯ, ಬೆಂಕಿಗೆ ಪ್ರತೀಕವಾಗಿ ಅರುಣಾಚಲೇಶ್ವರ ದೇವಾಲಯ. ಇದರಲ್ಲಿ ಒಂದು ವಾಯುಲಿಂಗ ಕಾಳಹಸ್ತಿ ದೇವಾಲಯ ಆಂಧ್ರಪ್ರದೇಶದಲ್ಲಿದ್ದರೆ ಉಳಿದ ನಾಲ್ಕು ದೇವಾಲಯಗಳು ಟೆಂಪಲ್ ಸ್ಟೇಟ್ ಎಂದೇ ಕರೆಯಲಾಗುವ ತಮಿಳುನಾಡಿನಲ್ಲಿದೆ. ತುಲಾ ರಾಶಿಯವರು ಈ ವರ್ಷ ಈ ಸ್ಥಳಗಳಿಗೆ ಪ್ರವಾಸ ಹೋಗೋದು ಒಳ್ಳೆಯದು



 ಜಂಬುಕೇಶ್ವರ ದೇವಾಲಯ

ಜಂಬುಕೇಶ್ವರ ದೇವಾಲಯ

PC: Ssriram mt

ಪಂಚಭೂತ ಕ್ಷೇತ್ರಗಳಲ್ಲಿ ಎರಡನೇಯದು ಜಂಬುಕೇಶ್ವರ ದೇವಾಲಯ. ಇದು ತಮಿಳುನಾಡಿನ ತಿರುಚ್ಚಿಯಿಂದ ಸುಮಾರು 11 ಕಿ.ಮೀ ದೂರದಲ್ಲಿದೆ. ಚೋಳರು ಈ ದೇವಾಲಯವನ್ನು ನಿರ್ಮಿಸಿದ್ದು, ಪಲ್ಲವರು, ಪಾಂಡ್ಯರು, ವಿಜಯನಗರದ ರಾಜರು ಈ ದೇವಾಲಯ ನಿರ್ಮಾಣಕ್ಕೆ ಸಹಕರಿಸಿದರರು ಎನ್ನುವುದು ಶಾಸನಗಳು ತಿಳಿಸುತ್ತವೆ.

 ದೇವಾಲಯದ ವಿಶೇಷತೆ ಏನು?

ದೇವಾಲಯದ ವಿಶೇಷತೆ ಏನು?

PC: Ssriram mt

ಈ ದೇವಾಲಯದ ವಿಸ್ಮಯವೆಂದರೆ ಗರ್ಭಗುಡಿಯ ತಲದಿಂದ ಸ್ಪಟಿಕಶುಭ್ರ ನೀರಿನ ಒರತೆಯಿದೆ. ಈ ನೀರನ್ನು ಎಷ್ಟು ಖಾಲಿ ಮಾಡಿದರೂ ಮತ್ತೆ ತುಂಬಿಕೊಳ್ಳುತ್ತಿದ್ದು ನೀರಿನ ಸೆಲೆ ಎಲ್ಲಿದೆಯೆಂದೇ ಗೊತ್ತಾಗದಿರುವುದು ಸ್ಥಳದ ಮಹಾತ್ಮೆಯನ್ನು ಬಣ್ಣಿಸುತ್ತದೆ.

ಅಖಿಲಂಡೇಶ್ವರಿಯಾಗಿ ನೆಲೆಸಿದ ಪಾರ್ವತಿ

ಅಖಿಲಂಡೇಶ್ವರಿಯಾಗಿ ನೆಲೆಸಿದ ಪಾರ್ವತಿ

PC: Hari Prasad Nadig

ಪಾರ್ವತಿಯನ್ನು ಶಪಿಸಿದ ಶಿವ ಈ ಶಾಪವಿಮೋಚನೆಗಾಗಿ ಭೂಮಿಗೆ ತೆರಳಲು ಸೂಚಿಸುತ್ತಾನೆ. ಅಂತೆಯೇ ಭೂಮಿಗೆ ಆಗಮಿಸಿದ ಪಾರ್ವತಿ ಜಂಬೂ ಅರಣ್ಯದಲ್ಲಿ ಅಖಿಲಂಡೇಶ್ವರಿಯ ರೂಪದಲ್ಲಿ ವಾಸಿಸಲು ತೊಡಗುತ್ತಾಳೆ. ಅಲ್ಲಿಯೇ ಕಾವೇರಿಯ ನೀರಿನಿಂದ ಶಿವಲಿಂಗವೊಂದನ್ನು ಸೃಷ್ಟಿಸಿ ಪೂಜಿಸಲು ತೊಡಗುತ್ತಾಳೆ.

ನೀರಿನಿಂದ ಸೃಷ್ಠಿಸಿದ ಶಿವಲಿಂಗ

ನೀರಿನಿಂದ ಸೃಷ್ಠಿಸಿದ ಶಿವಲಿಂಗ

PC: Ilya Mauter

ನೀರಿನಿಂದ ಸೃಷ್ಠಿಸಿದ ಶಿವಲಿಂಗವನ್ನು ಪೂಜಿಸಿದ ಅಖಿಲಂಡೇಶ್ವರಿಗೆ ಶಿವನು ದರ್ಶನ ನೀಡಿ ಶಿವಜ್ಞಾನವನ್ನು ಕರುಣಿಸುತ್ತಾನೆ. ಈ ಉಪದೇಶ ಕರುಣಿಸುವಾಗ ಶಿವನು ಪಶ್ಚಿಮಕ್ಕೂ ಅಖಿಲಂಡೇಶ್ವರಿ ಪೂರ್ವಕ್ಕೂ ಮುಖ ಮಾಡಿರುತ್ತಾರೆ. ಈ ಶಿವಲಿಂಗವಿದ್ದಲ್ಲಿಯೇ ಈ ದೇವಾಲಯವನ್ನು ನಿರ್ಮಿಸಲಾಗಿದೆ ಎಂದು ಪುರಾಣದಲ್ಲಿ ಹೇಳಲಾಗಿದೆ. ನೀರಿನಿಂದ ಸೃಷ್ಟಿಸಲಾದ ಈ ಶಿವಲಿಂಗಕ್ಕೆ ಅಪ್ಪು ಲಿಂಗಂ ಎಂದೂ ಕರೆಯುತ್ತಾರೆ.

ಪ್ರವಾಸದ ಬಗ್ಗೆ ಇನ್ನಷ್ಟು ಮಾಹಿತಿ, ಪ್ರವಾಸದ ಸಲಹೆಗಳು ಹಾಗೂ ಪ್ರವಾಸ ಲೇಖನಗಳನ್ನು ಪಡೆಯಿರಿ

We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Nativeplanet sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Nativeplanet website. However, you can change your cookie settings at any time. Learn more