ಅನುಕರಣೀಯ ಮತ್ತು ಸ್ಪೂರ್ತಿ ನೀಡುವಂತಹ ಭಾರತದ ಈ ಹಳ್ಳಿಗಳಿಗೆ ಭೇಟಿ ನೀಡಿ

ಪೋಥನಿಕ್ಕಾಡ್, ಕೇರಳ

ಗ್ರಾಮೀಣ ಜೀವನ ಮತ್ತು ಸಾಕ್ಷರತೆ ಎಂದಿಗೂ ಕೈ ಜೋಡಿಸುವುದಿಲ್ಲ ಎಂದು ಹೇಳುತ್ತಾರೆ. ಹೌದು ಈ ಹೇಳಿಕೆಯನ್ನು ಸುಳ್ಳು ಮಾಡುವಲ್ಲಿ ಪೋಥಾನಿಕಾಡ್ ಯಶಸ್ವಿಯಾಗಿದೆ. ಈ ಹಳ್ಳಿಯು 100% ಸಾಕ್ಷರತೆಯನ್ನು ಹೊಂದಿದ ಭಾರತದ ಮೊದಲ ಹಳ್ಳಿಯೆನಿಸಿದೆ. ಪೊಥಾನಿಕಾಡ್ ಸರ್ಕಾರಿ ಮತ್ತು ಖಾಸಗಿ ಮಧ್ಯಂತರ ಶಾಲೆಗಳನ್ನು ಹೊಂದಿದ್ದು, ಹೆಚ್ಚು ಸಾಕ್ಷರತೆಯ ಗ್ರಾಮವಾಗಿ ಅಭಿವೃದ್ಧಿ ಹೊಂದುವಲ್ಲಿ ಸಹಕರಿಸಿದೆ ಅಲ್ಲದೆ ಅವು ಗುಣಮಟ್ಟದ ಶಿಕ್ಷಣವನ್ನು ನೀಡುತ್ತಿವೆ. ಈ ಹಳ್ಳಿಯು ತನ್ನ ಪುರಾತನ ಸಂಸ್ಕೃತಿ ಮತ್ತು ಸಂಪ್ರದಾಯವಗಳನ್ನೂ ಸಹ ತನ್ನಲ್ಲಿ ಹೊಂದಿದೆ.

ನೀವು ಹಳ್ಳಿಗಾಡಿನ ಪ್ರಯಾಣವನ್ನು ಪ್ರಕೃತಿಯೊಂದಿಗೆ ಮಾಡಲು ಕಾತುರರಾಗಿದ್ದಲ್ಲಿ, ಈ ಹಳ್ಳಿಯಿಂದ ಕೇವಲ 16ಕಿ.ಮೀ ದೂರದಲ್ಲಿರುವ ತೋಮ್ಮನ್ಕುತು ಜಲಪಾತವು ನಿಮ್ಮನ್ನು ಸ್ವಾಗತಿಸುತ್ತದೆ. ಇದಲ್ಲದೆ ಈ ಹಳ್ಳಿಯಲ್ಲಿ ಪೋಥಾನಿಕಾಡ್ ಸೇಂಟ್ ಮೇರಿಸ್ ಜಾಕೋಬೈಟ್ ಸಿರಿಯನ್ ಚರ್ಚ್ ಮತ್ತು ಪೊಥಾನಿಕಾಡ್ ಉಮ್ಮನಿಕುನು ಸೇಂಟ್ ಮೇರಿಸ್ ಆರ್ಥೋಡಾಕ್ಸ್ ಸಿರಿಯನ್ ನಂತಹ ಚರ್ಚುಗಳಿಗೂ ನೀವು ಭೇಟಿ ನೀಡಬಹುದು.

ಮಾವ್ಲಿನಾಂಗ್ ಮೇಘಾಲಯ

ರಮಣೀಯ ಭೂದೃಶ್ಯಗಳು ಮತ್ತು ಸುಂದರವಾದ ನೋಟಗಳನ್ನು ಹೊಂದಿರುವ ಪರಿಸರವು ನೈಸರ್ಗಿಕ ಸೌಂದರ್ಯತೆಯನ್ನು ಹೊಂದಿರುವುದು ಈ ರಾಜ್ಯಕ್ಕೆ ಹೊಸತೇನಲ್ಲ. ಇವೆಲ್ಲದರ ಹೊರತಾಗಿಯೂ ಮಾವ್ಲಿನಾಂಗ್ ಖಂಡಿತವಾಗಿಯೂ ಅದರ ನಿವಾಸಿಗಳು ಮಾಡಿದ ಪವಾಡದ ಕಲೆ ಎನ್ನಬಹುದು. 2003 ರಲ್ಲಿ, ಈ ಗ್ರಾಮಕ್ಕೆ ಏಷ್ಯಾದ ಅತೀ ಸ್ವಚ್ಚ ಗ್ರಾಮ ಎಂಬ ಬಿರುದನ್ನು ನೀಡಲಾಯಿತು ಮತ್ತು ಅಂದಿನಿಂದ ಇದು ಆಫ್‌ಬೀಟ್ ಪ್ರಯಾಣಿಕರಿಗೆ ಜನಪ್ರಿಯ ತಾಣವಾಗಿದೆ.

ಶಿಲ್ಲಾಂಗ್ ನಿಂದ ಸುಮಾರು 80 ಕಿಮೀ ಅಂತರದಲ್ಲಿರುವ ಮಾವ್ಲಿನಾಂಗ್ ಅದರ ಸ್ವಚ್ಚತೆ ಮತ್ತು ನೈರ್ಮಲ್ಯತೆಯ ಬಗೆಗಿನ ದಿಟ್ಟ ನಿಲುವಿನಿಂದಾಗಿ ಇಡೀ ದೇಶಕ್ಕೆ ಇದೊಂದು ಮಾದರಿಯಾಗಿದೆ ಎನ್ನಬಹುದು. ಇಲ್ಲಿ ಸ್ವಚ್ಚವಾದ ರಸ್ತೆಗಳಿಂದ ಹಿಡಿದು ಬಿದಿರಿನ ಕಸದ ಬುಟ್ಟಿಗಳವರೆಗೆ ಎಲ್ಲೆಂದರಲ್ಲಿ ಸ್ವಚ್ಚತೆಯನ್ನು ಸಾರುತ್ತಿದ್ದು ಈ ಹಳ್ಳಿಯು ಯಾವುದೇ ನಿಯಮಗಳಿಗೂ ಅನುಗುಣವಾಗಿರದೆ ಕೊಳಕು ಮುಕ್ತವಾಗಿದೆ.

ಲಿವಿಂಗ್ ರೂಟ್ ಸೇತುವೆಗಳು ಮತ್ತು ಜಲಪಾತಗಳ ಅದ್ಭುತ ದೃಶ್ಯಗಳನ್ನು ಸಹ ಇಲ್ಲಿ ನೀವು ಆನಂದಿಸಬಹುದು ಮತ್ತು ಮಾವ್ಲಿನಾಂಗ್‌ನ ಸ್ಥಳೀಯ ಬಾಯಿ ನೀರೂರಿಸುವಂತಹ ಆಹಾರವನ್ನು ಸಹ ಸವಿಯಬಹುದು.

ಶನಿ ಸಿಂಗನಾಪುರ್, ಮಹಾರಾಷ್ಟ್ರ

ಬಾಗಿಲುಗಳಿಲ್ಲದ ಮನೆಗಳ ಬಗ್ಗೆ ಎಂದಾದರೂ ಕೇಳಿರುವಿರ? ಹೌದು, ಶನಿ ಸಿಂಗನಾಪುರದಲ್ಲಿ ಯಾವುದೇ ಮನೆಗಳಿಗೆ ಬಾಗಿಲುಗಳು ಅಥವಾ ಬೀಗಗಳಿಲ್ಲದೇ ಇರುವುದನ್ನು ಕಾಣಬಹುದಾಗಿದೆ. ಅಲ್ಲದೆ ಈ ಸ್ಥಳವು ಭಾರತದಲ್ಲಿಯ ಪೋಲೀಸ್ ಠಾಣೆಗಳಿಲ್ಲದೆ ಇರುವ ಹಾಗೂ ಅತ್ಯಂತ ಸುರಕ್ಷಿತ ಸ್ಥಳವೆಂಬ ಹೆಮ್ಮೆಗೆ ಪಾತ್ರವಾದ ಸ್ಥಳವಾಗಿದೆ. ಶನಿ ದೇವರನ್ನು ಪೂಜಿಸಲ್ಪಡುವ ಅನೇಕ ದೇವಾಲಯಗಳಿಗೆ ಈ ಸ್ಥಳವು ಪ್ರಸಿದ್ದಿಯನ್ನು ಪಡೆದಿದೆ. ಮಹಾರಾಷ್ಟ್ರದ ಈ ಸುಂದರವಾದ ಪಟ್ಟಣದಲ್ಲಿ ನೀವು ಆಧ್ಯಾತ್ಮಿಕ ಪರಿಸರವನ್ನೂ ಸಹ ಆನಂದಿಸಬಹುದಾಗಿದೆ. ಇದೊಂದು ಅದ್ಬುತವೇ ಸರಿ ಅಲ್ಲವೆ? ಆದುದರಿಂದ ನಿಮ್ಮ ಪ್ರವಾಸದ ಪಟ್ಟಿಯೊಳಗೆ ಈ ಸ್ಥಳದ ಹೆಸರನ್ನು ಸೇರಿಸಿದರೆ ಹೇಗೆ?

ಪುನ್ಸಾರಿ, ಗುಜರಾತ್

ಅನುಕರಣೀಯ ಹಳ್ಳಿಗಳ ಪಟ್ಟಿಯಲ್ಲಿ ಪುನ್ಸಾರಿಯ ಹೆಸರನ್ನು ಸೇರಿಸದಿದ್ದಲ್ಲಿ ಆ ಪಟ್ಟಿಯು ಅಪೂರ್ಣವೇ ಸರಿ. ಸಿಸಿಟಿವಿ ಕ್ಯಾಮೆರಾಗಳಿಂದ ಹಿಡಿದು ವೈ-ಫೈ ಸೌಲಭ್ಯಗಳವರೆಗೆ ಎಲ್ಲಾ ಆಧುನಿಕ ಸೌಲಭ್ಯಗಳನ್ನು ಹೊಂದಿರುವ ಗ್ರಾಮ ಇದು; ಪುನ್ಸಾರಿ ಗ್ರಾಮವು ಯಾವ ಸೌಕರ್ಯಗಳಿಂದಲೂ ವಂಚಿತನಾಗಿಲ್ಲ. ಭಾರತದ ಅನೇಕ ಆಧುನಿಕ ನಗರಗಳಿಗೆ ಪೈಪೋಟಿಯನ್ನು ನೀಡುವ ಈ ಆದರ್ಶ ಗ್ರಾಮವು ಕಡಿಮೆ ಅದ್ಬುತವೇನಲ್ಲ.

ಅಹಮದಾಬಾದ್‌ನಿಂದ ಕೇವಲ 2 ಗಂಟೆ ಪ್ರಯಾಣಿಸಿದಲ್ಲಿ, ಪುನ್ಸಾರಿಯನ್ನು ಸುಲಭವಾಗಿ ತಲುಪಬಹುದು ಮತ್ತು ಆಧುನಿಕ ಜಗತ್ತಿನ ಸೌಲಭ್ಯಗಳ ನಡುವೆ ಗ್ರಾಮೀಣ ವ್ಯವಸ್ಥೆಯನ್ನು ಆನಂದಿಸಬಹುದು.

ಧರ್ನೈ, ಬಿಹಾರ್

ಧರ್ನಾಯ್‌ನ ಬಿಹಾರದ ಒಂದು ಸಣ್ಣ ಹಳ್ಳಿ ಖಂಡಿತವಾಗಿಯೂ30 ವರ್ಷಗಳ ಕಾಲ ಕತ್ತಲೆಯಲ್ಲಿದ್ದ ನಂತರ ತನ್ನದೇ ಆದ ಶಕ್ತಿಯನ್ನು ಉತ್ಪಾದಿಸುವ ಸಂಶೋಧಕ ಹಳ್ಳಿಯಾಗಿದೆ. ಗ್ರೀನ್‌ಪೀಸ್‌ನ ಸಹಯೋಗದೊಂದಿಗೆ ಇದು ಖಂಡಿತವಾಗಿಯೂ ಸ್ವತಂತ್ರವಾಗಿರುವ ಭಾರತದ ಮೊದಲ ಸೌರಶಕ್ತಿ ಚಾಲಿತ ಗ್ರಾಮವಾಗಿದೆ.

ಇಂದು, ಇಡೀ ಧರ್ನೈ ಗ್ರಾಮವು ಸೌರಶಕ್ತಿಯಿಂದ ನಡೆಯುವ ಗ್ರಾಮವಾಗಿದೆ ಮಾತ್ರವಲ್ಲದೆ ಇದರಿಂದಾಗಿ ಈ ಸಣ್ಣ ಹಳ್ಳಿಯ ಪ್ರತಿಯೊಬ್ಬ ನಿವಾಸಿಗಳ ಜೀವನದಲ್ಲಿ ಬೆಳಕನ್ನು ತಂದಿದೆ. ಸ್ಫೂರ್ತಿ ಪಡೆಯಲು ಈ ವರ್ಷ ಈ ಮಾದರಿ ಹಳ್ಳಿಗೆ ಭೇಟಿ ನೀಡಿದರೆ ಹೇಗಿರಬಹುದು?