• Follow NativePlanet
Share
» »ಪರಿಸರಪ್ರವಾಸೋದ್ಯಮಕ್ಕೆ ಇಂಬು ನೀಡುವ ಚೇರುಂಬ

ಪರಿಸರಪ್ರವಾಸೋದ್ಯಮಕ್ಕೆ ಇಂಬು ನೀಡುವ ಚೇರುಂಬ

Written By: Vijay

ಪ್ರವಾಸೋದ್ಯಮದ ಒಂದು ಶಾಖೆಯಾಗಿರುವ ಪರಿಸರಪ್ರವಾಸೋದ್ಯಮ ಇತ್ತೀಚಿನ ದಿನಗಳಲ್ಲಿ ಸಾಕಷ್ಟು ಜನಮನ್ನಣೆಗಳಿಸುತ್ತಿದೆ. ಪ್ರವಾಸೋದ್ಯಮ ಎಂದಾಗ ಸಾಮಾನ್ಯವಾಗಿ ಸಾಕಷ್ಟು ಪ್ರವಾಸಿಗರು ಹೆಚ್ಚು ಜನಪ್ರೀಯವಾದ ಸ್ಥಳಗಳಿಗೆ ಭೇಟಿ ನೀಡುತ್ತಾರೆ. ಹೀಗಾಗಿ ಆ ಸ್ಥಳಗಳು ಹೆಚ್ಚಿನ ಜನ ಸಾಂದ್ರತೆ ಪಡೆದು ಅಲ್ಪ ಪ್ರಮಾಣದಲ್ಲಿ ಕಲುಶಿತಗೊಳ್ಳುತ್ತಿರುತ್ತವೆ.

ನಿಮಗಿಷ್ಟವಾಗಬಹುದಾದ : ಕೇರಳದ ಅದ್ಭುತ ಕಾಡುಗಳಲ್ಲೊಂದು ಪಯಣ

ಆದರೆ ಪರಿಸರಪ್ರವಾಸೋದ್ಯಮದಲ್ಲಿ ವಸ್ತು ಸ್ಥಿತಿ ಕೊಂಚ ಭಿನ್ನವಾಗಿರುತ್ತದೆ. ಸಾಮಾನ್ಯವಾಗಿ ಹೆಚ್ಚು ಜನರು ಭೇಟಿ ನೀಡದ, ನೈಸರ್ಗಿಕ ಸಂಪತ್ತುಗಳಿಗೆ ತೊಂದರೆ ಕೊಡದೆ, ಕಲ್ಮಶರಹಿತವಾದ ವಾತಾವರಣ ಹೊಂದಿರುವ ಸ್ಥಳಗಳಿಗೆ ಭೆಟಿ ನೀಡುವುದಾಗಿದೆ.

ಪರಿಸರಪ್ರವಾಸೋದ್ಯಮಕ್ಕೆ ಇಂಬು ನೀಡುವ ಚೇರುಂಬ

ಚಿತ್ರಕೃಪೆ: Baluperoth

ಇತ್ತೀಚಿನ ದಿನಗಳಲ್ಲಿ ಸರ್ಕಾರಗಳು ಪರಿಸರವನ್ನು ಉಳಿಸಿ ಬೆಳೆಸಿಕೊಂಡು ಹೋಗುವ ಉದ್ದೆಶದಿಂದ ಪರಿಸರಪ್ರವಾಸೋದ್ಯಮಕ್ಕೆ ಹೆಚ್ಚಿನ ಮಹತ್ವ ನೀಡುತ್ತಿವೆ. ಅದರ ಒಂದು ಭಾಗವಾಗಿ ಸಾಕಷ್ಟು ಕಡೆಗಳಲ್ಲಿ ಪರಿಸರಪ್ರವಾಸೋದ್ಯಮವನ್ನು ಬೆಳೆಸುವ ದೃಷ್ಟಿಯಿಂದ ಹಳ್ಳಿಗಳನ್ನು ನಿರ್ಮಿಸಲಾಗುತ್ತಿದೆ.

ಪರಿಸರಪ್ರವಾಸೋದ್ಯಮಕ್ಕೆ ಇಂಬು ನೀಡುವ ಚೇರುಂಬ

ಚಿತ್ರಕೃಪೆ: wikimedia

ಇಂತಹ ಒಂದು ಪರಿಸರಪ್ರವಾಸೋದ್ಯಮದ ಯೋಜನೆಗಳಲ್ಲಿ ಒಂದಾಗಿದೆ ಕೇರಳ ರಾಜ್ಯದ ಮಲಪ್ಪುರಂ ಜಿಲ್ಲೆಯ ಕರುವಾರಕುಂಡಂನಲ್ಲಿರುವ ಚೇರುಂಬ ಎಂಬ ಸುಂದರ ಹಳ್ಳಿ. ಇದು ಪಶ್ಚಿಮ ಘಟ್ಟಗಳ ದಟ್ಟ ಬೆಟ್ಟ ಕಾಡು ಪ್ರದೇಶಗಳಲ್ಲಿ ಬರುವುದರಿಂದ ಇಲ್ಲಿನ ವಾತಾವರಣ ಅದ್ಭುತವಾಗಿದ್ದು ಕಲ್ಮಶರಹಿತವಾಗಿದೆ.

ನಿಮಗಿಷ್ಟವಾಗಬಹುದಾದ : ಮುನ್ನಾರ್ ಭೇಟಿಯ ಹಿಂದಿರುವ ರಹಸ್ಯ

ಓಲಿಪುಳಾ ನದಿಯು ಇಲ್ಲಿನ ಪಶ್ಚಿಮಘಟ್ಟಗಳಲ್ಲಿ ಹುಟ್ಟಿ ಹರಿದಿರುವುದರಿಂದ ನೈಸರ್ಗಿಕವಾಗಿ ಈ ಪ್ರದೇಶ ಜಲ ಸಂಪನ್ಮೂಲವಾಗಿದೆ. ಹೆಚ್ಚು ಆಧುನೀಕರಣ ಆವರಿಸದೆ ಇದ್ದುದಕ್ಕೆ ಇದು ಪರಿಸರಪ್ರವಾಸೋದ್ಯಮಕ್ಕೆ ಆದರ್ಶಮಯವಾದ ಸ್ಥಳವಾಗಿದೆ. ಇನ್ನೂ ಇಲ್ಲಿ ಪ್ರವಾಸಿ ಚಟುವಟಿಕೆ ವಿಸ್ತರಿಸುವಿಕೆಯ ದೃಷ್ಟಿಯಿಂದ ಸಾಕಷ್ಟು ಅಭಿವೃದ್ಧಿಯನ್ನು ಮಾಡಲಾಗಿದೆ.

ಪರಿಸರಪ್ರವಾಸೋದ್ಯಮಕ್ಕೆ ಇಂಬು ನೀಡುವ ಚೇರುಂಬ

ಚಿತ್ರಕೃಪೆ: Baluperoth

ರಮಣೀಯವಾದ ಬೆಟ್ಟಗುಡ್ಡಗಳ ಹಿನ್ನಿಲೆಯಲ್ಲಿ ಹಾಯಾಗಿ ನಡೆಯುತ್ತ ಸಾಗಲು ಪಾದಚಾರಿ ಮಾರ್ಗ, ಮಕ್ಕಳಿಗಾಗಿ ಉದ್ಯಾನ ಹಾಗೂ ನೀರಿನಲ್ಲಿ ದೋಣಿ ವಿಹಾರಗಳಂತಹ ಹಲವಾರು ಸೌಲಭ್ಯಗಳನ್ನು ಈ ಹಳ್ಳಿಯಲ್ಲಿ ಒದಗಿಸಲಾಗಿದೆ. ಮಲಪ್ಪುರಂನಿಂದ 42 ಕಿ.ಮೀ ದೂರವಿರುವ ಕರುವಾರಕುಂಡ ಹಾಗೂ ಚೇರುಂಬ ತಲುಪಲು ಸಾಕಷ್ಟು ಬಸ್ಸುಗಳು ದೊರೆಯುತ್ತವೆ.

ಪ್ರವಾಸದ ಬಗ್ಗೆ ಇನ್ನಷ್ಟು ಮಾಹಿತಿ, ಪ್ರವಾಸದ ಸಲಹೆಗಳು ಹಾಗೂ ಪ್ರವಾಸ ಲೇಖನಗಳನ್ನು ಪಡೆಯಿರಿ

We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Nativeplanet sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Nativeplanet website. However, you can change your cookie settings at any time. Learn more