ಚಂದ್ರತಾಲ್: ಹುಣ್ಣಿಮೆ ಬೆಳಕಿನಲ್ಲಿ ಚಾರಣಕ್ಕೆ ಹೋಗಿದ್ದೀರಾ?

ಹಿಮಾಚಲ ಪ್ರದೇಶದಲ್ಲಿರುವ ಚಂದ್ರತಾಲದ ಬಗ್ಗೆ ಕೇಳಿದ್ದೀರಾ? ಹಿಮಾಚಲ ಪ್ರದೇಶದ ಸ್ಪಿತಿಯಲ್ಲಿರುವ ಚಂದ್ರತಾಲವು ಹಿಮಾವೃತ ಶಿಖರಗಳು ಮತ್ತು ಸುತ್ತಲಿನ ಹಸಿರುಮನೆಗಳ ನಡುವೆ ಕಂಡು ಬರುತ್ತದೆ. ಒಂದು ವೇಳೆ ನೀವು ಹಿಮಾಚಲ ಪ್ರದೇಶದಲ್ಲಿ ಯಾವುದಾದರೂ ಸಾಹಸಮಯ ತಾಣಗಳಿಗೆ ಹೋಗಬೇಕೆಂದಿದ್ದರೆ ಚಂದ್ರತಾಲಕ್ಕೆ ಹೋಗೋದನ್ನು ಮರೆಯಬೇಡಿ. PC: Christopher L Walkerಚಂದ್ರತಾಲಕ್ಕೆ ಹೋಗುತ್ತೀದ್ದೀರಿ ಎನ್ನುವ ಖುಷಿಯೇ ಆ ಸ್ಥಳವನ್ನು ಇನ್ನಷ್ಟು ಸುಂದರವನ್ನಾಗಿಸುತ್ತದೆ. ಸಮುದ್ರಮಟ್ಟದಿಂದ ಸುಮಾರು 4,300ಮೀ.ಎತ್ತರದಲ್ಲಿದೆ. ಇಲ್ಲಿಗೆ ತಲುಪಲು ಕುಂಜುಮ್ ನಿಂದ ಡ್ರೈವ್ ಮಾಡಬೇಕು. ಇಲ್ಲಿನ ಕಠಿಣ ರಸ್ತೆಯಲ್ಲಿ ಡ್ರೈವ್ ಮಾಡಬೇಕಾದರೆ ಎಕ್ಸ್ ಪರ್ಟ್ ಡ್ರೈವರ್ ನಿಂದ ಮಾತ್ರ ಸಾಧ್ಯ. ಇಲ್ಲವಾದರೆ ನೀವು ಒಂದು ಕಿ.ಮೀ ಚಾರಣದ ಮೂಲಕ ಚಂದ್ರತಾಲವನ್ನು ತಲುಪಬಹುದು. ಬೆಳಂಬೆಳಗ್ಗೆ ಇಲ್ಲಿನ ದೃಶ್ಯ ಬಹಳ ಸುಂದರವಾಗಿರುತ್ತದೆ. ಹಿಮಾಲಯದ ಪರ್ವತಗಳ ನೆರಳು ನಿಮ್ಮ ಮೇಲೆ ಬೀಳುತ್ತದೆ. ಇನ್ನು ಇಲ್ಲಿ ರಾತ್ರಿ ಟೆಂಟ್ ನಲ್ಲಿ ತಂಗುವುದು ಬಹಳ ಕಠಿಣಕರ. ಟೆಂಟ್ ನಲ್ಲಿ ಮಲಗುವುದು ನೀವು ಹಿಮಾಲಯದ ಮಡಿಲಲ್ಲಿ ಮಲಗಿದಂತೆ ಭಾಸವಾಗುತ್ತದೆ. PC: Akshaymishra ಚಂದ್ರತಾಲವು ಹೆಚ್ಚಾಗಿ ಫೋಟೋ ತೆಗೆಯಲು ಒಂದು ಉತ್ತಮ ತಾಣವಾಗಿದೆ. ಇಲ್ಲಿ ನೀವು ಒಮ್ಮೆ ಹೋದರೆ ಅಲ್ಲಿನ ಅನುಭವವನ್ನು ಜೀವನ ಪರ್ಯಂತ ಮರೆಯಲು ಸಾಧ್ಯವಾಗೋದಿಲ್ಲ. ನೀವು ಇಲ್ಲಿಗೆ ಭೇಟಿ ನೀಡುವುದಾದರೆ ಹುಣ್ಣಿಮೆಗೆ ಹೋಗುವುದು ಸೂಕ್ತ. ಆಗ ಅಲ್ಲಿ ಬೆಳದಿಂಗಳಲ್ಲಿ ಸ್ನಾನ ಮಾಡುವಂತೆ ಕಾಣುವ ಚಂದ್ರತಾಲದ ಸೌಂದರ್ಯ ನಿಮ್ಮನ್ನು ರೋಮಾಂಚನಗೊಳಿಸುತ್ತದೆ. PC:Anaesthetist ಚಾಂದ್ರ ತಾಲ್ ಚಾರಣಿಗರು ಮತ್ತು ಕ್ಯಾಂಪರ್ ಗಳಿಗೆ ಉತ್ತಮ ಪ್ರವಾಸಿ ತಾಣವಾಗಿದೆ. ಈ ಸರೋವರವನ್ನು ಮೇ ಕೊನೆಯಿಂದ ಅಕ್ಟೋಬರ್ ಪ್ರಾರಂಭದಲ್ಲಿ ಬಟಾಲ್ ನಿಂದ ಮತ್ತು ಕುನ್ಜುಮ್ ನಿಂದ ಕಾಲ್ನಡಿಗೆಯಲ್ಲಿ ಪ್ರವೇಶಿಸಬಹುದು. ಸರೋವರದ ದಡದಲ್ಲಿರುವ ವಿಶಾಲ ಹುಲ್ಲುಗಾವಲುಗಳನ್ನು ಕ್ಯಾಂಪಿಂಗ್ ತಾಣಗಳಾಗಿ ಬಳಸಲಾಗುತ್ತದೆ. ವಸಂತ ಋತುವಿನಲ್ಲಿ, ಈ ಹುಲ್ಲುಗಾವಲುಗಳು ವನ್ಯಜೀವಿಗಳ ನೂರಾರು ಪ್ರಭೇದಗಳೊಂದಿಗೆ ನೆಲಹಾಸನ್ನು ಹೊಂದಿವೆ. PC: Wiki-rjt ಕುನ್ಜುಮ್ ಪಾಸ್ನಿಂದ ಚಂದ್ರ ತಾಲ್ ತಲುಪಲು ಸುಮಾರು 2 ಗಂಟೆಗಳು ತೆಗೆದುಕೊಳ್ಳುತ್ತದೆ. ಚಂದ್ರ ತಾಲ್ ಕೂಡ ಸೂರಜ್ ತಾಲ್ ನಿಂದ ಸುಮಾರು 30 ಕಿ.ಮೀ ದೂರದಲ್ಲಿದೆ. ನೀವು ದೆಹಲಿಯಿಂದ ಕುಲ್ಲು, ಮನಾಲಿ, ರೋಹ್ತಂಗ್ ಮೂಲಕ ಚಂದ್ರತಾಲವನ್ನು ತಲುಪಬಹುದಾಗಿದೆ. ಅಥವಾ ದೆಹಲಿಯಿಂದ ಶಿಮ್ಲಾ, ಕಾಜಾ, ಕುಂಜುಮ್ ಮೂಲಕ ಚಂದ್ರತಾಲವನ್ನು ತಲುಪಬಹುದು.