ಹುತ್ತದಲ್ಲಿದಲ್ಲಿರುವ ಈ ಭಗವತಿ ಕ್ಷೇತ್ರಕ್ಕೆ ಮಹಿಳೆಯರು ಇರುಮುಡಿ ಹೊತ್ತು ತರುತ್ತಾರೆ

ಇಲ್ಲಿ ಹುತ್ತವನ್ನು ದೇವಿಯೆಂದು ಪೂಜಿಸುತ್ತಾ. ಮಹಿಳೆಯರು ಇರುಮುಡಿ ಹೊತ್ತುಕೊಂಡು ಇಲ್ಲಿಗೆ ಬರುತ್ತಾರಂತೆ. ಅಂತಹದ್ದೊಂದು ವಿಶೇಷ ದೇವಾಲಯ ತಮಿಳುನಾಡಿನಲ್ಲಿದೆ. ಹಾಗಾದರೆ ಬನ್ನಿ ಆ ದೇವಾಲಯವ ಯಾವುದು, ಅದರ ವಿಶೇಷತೆ ಏನು ಅನ್ನೋದನ್ನು ತಿಳಿಯೋಣ. ಮಂಡೈಕಾಡುವು ಐತಿಹಾಸಿಕ ಸ್ಥಳ ಕುಲಾಚಲ್ತೊರೈನಿಂದ 2 ಕಿ.ಮೀ ದೂರದಲ್ಲಿದೆ. ಇದು ತಮಿಳುನಾಡು ರಾಜ್ಯದ ಕನ್ಯಾಕುಮಾರಿ ಜಿಲ್ಲೆಯಲ್ಲಿರುವ ಒಂದು ಸಣ್ಣ ಕರಾವಳಿ ಪಟ್ಟಣವಾಗಿದೆ. ಪ್ರಪಂಚದ ಪ್ರಸಿದ್ಧ ಅರುಲ್ಮಿಗು ಭಗವತಿ ಅಮ್ಮನ್ ದೇವಾಲಯ ಇಲ್ಲಿದೆ. ಇಲ್ಲಿನ ದೇವರನ್ನು ಸ್ವಯಂಭೂ ಎನ್ನಲಾಗುತ್ತದೆ. ಮಂಡೈಕಾಡುನಲ್ಲಿನ ನಾಗರಕೊಯಿಲ್ - ಕೊಲಚೆಲ್ ಸ್ಟೇಟ್ ಹೆದ್ದಾರಿಯ ಸಮೀಪದಲ್ಲಿರುವ ಪಾರ್ವತಿ ದೇವಿಗೆ ಸಮರ್ಪಿತವಾದ ದೇವಾಲಯ ಇದಾಗಿದೆ. ಈ ದೇವಿಯನ್ನು ಭಗವತಿ ಎಂದೂ ಕರೆಯುತ್ತಾರೆ. ಕೇರಳದ ಸಂಪ್ರದಾಯದಲ್ಲಿ ಸರಳವಾದ ಶೈಲಿಯಲ್ಲಿ ದೇವಾಲಯವನ್ನು ನಿರ್ಮಿಸಲಾಗಿದೆ. ಮಂಡೈ ಕಾಡಿನಲ್ಲಿ ಸಾಂಕ್ರಾಮಿಕ ರೋಗ ಹರಡಿರುತ್ತದೆ. ಜನರು ಸಾವನ್ನಪ್ಪುತ್ತಿರುತ್ತಾರೆ. ಅದಕ್ಕೆ ಹೆದರಿ ಊರಿನ ಜನರು ಊರು ಬಿಟ್ಟು ಹೋಗುತ್ತಿರುತ್ತಾರೆ. ಆಗ ಸಾಧುವೊಬ್ಬರು ಆ ಊರಿಗೆ ಆಗಮಿಸಿ ಧ್ಯಾನ ಮಾಡಿ ಆ ರೋಗ ಉಪಶಮನ ಮಾಡುವ ಔಷಧವನ್ನು ಕಂಡು ಹಿಡಿಯುತ್ತಾರೆ. ಅದನ್ನು ಜನರಿಗೆ ನೀಡಿ ಜೀವ ಕಾಪಾಡುತ್ತಾರೆ. ಸಾಧುವೊಬ್ಬರು ಇಲ್ಲಿ ಕೇರಳದ ಶಿಷ್ಯರೊಂದಿಗೆ ಒಂದು ದಿನ ಶ್ರೀಚಕ್ರ ಪೂಜೆ ಮಾಡುತ್ತಿದ್ದರು ಎಂದು ಹೇಳಲಾಗುತ್ತದೆ. ಪೂಜೆ ಮುಗಿದ ನಂತರ ಚಕ್ರವು ಮಾಯವಾಗುತ್ತದೆ. ಆ ಸಾಧು ಅದೇ ಜಾಗದಲ್ಲಿ ಧ್ಯಾನದಲ್ಲಿ ಮಗ್ನರಾಗುತ್ತಾರೆ. ಚಕ್ರವಿದ್ದ ಜಾಗದಲ್ಲಿ ಹುತ್ತ ಬೆಳೆಯುತ್ತದೆ. ತರುವಾಯ ಆ ಸಾಧು ಅಲ್ಲೇ ಸಮಾಧಿ ಹೊಂದುತ್ತಾರೆ. PC: Vaikoovery ಸುಂದರವಾದ ಸಮುದ್ರ ತೀರದ ಸ್ಥಳದೊಂದಿಗೆ ದೇವಾಲಯದೊಂದಿಗೆ ಸಂಬಂಧಿಸಿದ ಹಲವಾರು ದಂತಕಥೆಗಳು ಈ ದೇವಸ್ಥಾನದ ಪವಿತ್ರತೆಯನ್ನು ಹೆಚ್ಚಿಸುತ್ತವೆ. ಇದು ಕೇರಳ ಮತ್ತು ತಮಿಳುನಾಡಿನ ಜನರಿಗೆ ಯಾತ್ರಾ ಕೇಂದ್ರವಾಗಿದೆ. ಸರಳ ಕೇರಳ ಶೈಲಿಯ ವಾಸ್ತುಶಿಲ್ಪ ಮತ್ತು ಪ್ರಖ್ಯಾತ ದೇವತೆಯ ಮಣ್ಣಿನ ಮೂರ್ತಿಯು ನಿಮ್ಮ ಮನಸ್ಸಿಗೆ ಮುದ ನೀಡುತ್ತದೆ. ಮಂಡೈಕಾಡು ಈ ಪ್ರದೇಶವು ಹಿಂದೆ ಒಂದು ದೊಡ್ಡ ಕಾಡಾಗಿತ್ತು. ಜನರು ಆಡು, ಕುಡಿಗಳನ್ನು ಮೇಯಿಸಲು ಇಲ್ಲಿಗೆ ಬರುತ್ತಿದ್ದರು. ಒಮ್ಮೆ ಆ ಹುತ್ತವಿದ್ದ ಸ್ಥಳದಲ್ಲಿ ಆಡನ್ನು ಮೇಯಿಸುತ್ತಿದ್ದಾಗ ಆ ಹುತ್ತಕ್ಕೆ ತಗುಲುತ್ತದೆ. ಹುತ್ತದಿಂದ ರಕ್ತ ಸುರಿಯತೊಡಗುತ್ತದೆ. ಇದನ್ನು ಕಂಡ ಅಲ್ಲಿನ ಜನರು ಈ ಹುತ್ತದಲ್ಲಿ ದೇವರಿದ್ದಾರೆ ಎಂದು ತಿಳಿದು ಅಲ್ಲೇ ಒಂದು ಗುಡಿ ಕಟ್ಟಿಸುತ್ತಾರೆ. ಈ ಹುತ್ತವು ಪ್ರತೀ ವರ್ಷ ಬೆಳೆಯುತ್ತಾ ಇರುತ್ತದಂತೆ. ಈ ಹುತ್ತದಲ್ಲಿ ಪಾರ್ವತಿ ದೇವಿ ಇದ್ದಾಳೆ ಎಂದು ನಂಬಲಾಗುತ್ತದೆ. ಸುಮಾರು ೧೫ ಅಡಿಗಳಷ್ಟು ಎತ್ತರದ ಹುತ್ತ ಇದಾಗಿದೆ. PC:Vinayaraj ಈ ದೇವಸ್ಥಾನವು ಪವಿತ್ರ ಅಶ್ವಥ ಮರ ಹಾಗೂ ಬೇವಿನ ಮರಗಳನ್ನು ಹೊಂದಿದೆ. ದೇವಸ್ಥಾನದಲ್ಲಿ ಪ್ರತಿದಿನವೂ ನಾಲ್ಕು ಬಾರಿ ಪೂಜೆ ನಡೆಯುತ್ತದೆ. ದೇವಸ್ಥಾನವನ್ನು ಮಹಿಳೆಯರ ಶಬರಿಮಲೆ ಎಂದೂ ಕರೆಯಲಾಗುತ್ತದೆ. ವಿಶೇಷವಾಗಿ ಮಹಿಳೆಯರು ಈ ದೇವಸ್ಥಾನಕ್ಕೆ ಇರುಮುಡಿಯೊಂದಿಗೆ ಬರುತ್ತಾರೆ. ಕೊಡೈ ಉತ್ಸವವು ದೇವಸ್ಥಾನದಲ್ಲಿ ನಡೆಯುವ ದೊಡ್ಡ ಆಚರಣೆಯಾಗಿದೆ. PC: Ranjithsiji ಬಹಳ ವರ್ಷ ಜನರು ಮಾಸಿ ತಿಂಗಳಲ್ಲಿ ಕೊಡೈ ವಿಝಾ ಹಬ್ಬವನ್ನು ಆಚರಿಸುತ್ತಿದ್ದಾರೆ. ಕೇರಳಿಗರು 41 ದಿನಗಳು ಉಪವಾಸ ಮಾಡಿ ಕಾಲ್ನಡಿಗೆಯಲ್ಲಿ ಈ ದೇವಾಲಯ ಹೋಗುತ್ತಾರೆ. ಮಾಸಿ ಕೊನೆಯ ಮಂಗಳವಾರ, ಕೊಡೈ ವಿಝಾ ಆಚರಿಸಲಾಗುತ್ತದೆ. ಈ ದಿನ, ಒಡುಕು ಪೂಜಾ ಎಂದು ಕರೆಯಲಾಗುವ ರಾತ್ರಿಯಲ್ಲಿ ವಿಶೇಷ ಪೂಜೆಯನ್ನು ಸಹ ನಡೆಸಲಾಗುತ್ತದೆ. ಈ ದೇವಾಲಯವನ್ನು ತಮಿಳುನಾಡು ಹಾಗೂ ಕೇರಳ ಭಾಗದ ಮಹಿಳೆಯರು ಹೆಚ್ಚಾಗಿ ನಂಬುತ್ತಾರೆ. ಮಂಡಾಯಕಾಡು ಭಗವತಿ ಅಮ್ಮನ್ ದೇವಾಲಯವನ್ನು ಮಹಿಳೆಯರಿಗೆ ಶಬರಿಮಲೆ ಎಂದು ಕರೆಯಲಾಗುತ್ತದೆ. 15 ಅಡಿ ಎತ್ತರದ ಹುತ್ತದ ಭಗವತಿ ಅಮ್ಮನ್. ಪುರುಷರು ಶಬರಿಮಲಕ್ಕೆ ಹೋದಂತೆ ಇರುಮುಡಿ ಜೊತೆಗೆ ದೇವಸ್ಥಾನಕ್ಕೆ ಭೇಟಿ ನೀಡುತ್ತಾರೆ.