ಪಶ್ಚಿಮ ಬಂಗಾಳದಲ್ಲಿನ ಈ ಪಟ್ಟಣವು ಗಿರಿಧಾಮವಾಗಿ ಪ್ರಸಿದ್ಧವಾಗಿದೆ. ಬಾಗ್ದೊಗ್ರಾದಲ್ಲಿನ ಅಂತರ್ರಾಷ್ಟ್ರೀಯ ವಿಮಾನನಿಲ್ದಾಣ ಮತ್ತು ರೈಲು ನಿಲ್ದಾಣವು ಸಿಲಿಗುರಿಯ ಪ್ರವಾಸೋದ್ಯಮವನ್ನು ಜನಪ್ರಿಯಗೊಳಿಸಿದೆ.ಸಿಲಿಗುರಿಯು ಹಿಮಾಲಯ ಶ್ರೇಣಿಗಳ ತಪ್ಪಲಿನಲ್ಲಿದೆ. ಇಲ್ಲಿ ಉತ್ತಮ ಶಿಕ್ಷಣ ಸಂಸ್ಥೆಗಳಿರುವುದರಿಂದ ಭಾರತದ ವಿವಿಧ ಭಾಗಗಳಿಂದ ಕೂಡ ವಿದ್ಯಾರ್ಥಿಗಳು ಓದಲು ಬರುತ್ತಾರೆ.

ಭೌಗೋಳಿಕವಾಗಿ ಸಿಲಿಗುರಿಯ ಒಂದು ಬದಿಯಲ್ಲಿ ನೇಪಾಳ ಮತ್ತೊಂದು ಬದಿಯಲ್ಲಿ ಬಾಂಗ್ಲಾದೇಶವಿದೆ. ಸಿಲಿಗುರಿಯ ಭಾರತದ ವಿವಿಧ ಈಶಾನ್ಯ ರಾಜ್ಯಗಳನ್ನು ಬೆಸೆಯುವ ಕಾರಿಡಾರ್ ಮಾದರಿಯಲ್ಲಿದೆ. ಸಿಲಿಗುರಿಯು ರಾಜ್ಯದ ಉತ್ತರಭಾಗದಲ್ಲಿರುವ ಹಲವು ಪ್ರವಾಸಿ ತಾಣಗಳಿಗೆ ನಿಲ್ದಾಣವಾಗಿದೆ. ಹಾಗಾಗಿ ಇದೊಂದು ಕೇಂದ್ರಸ್ಥಳವಾಗಿ ಕೂಡ ಮುಖ್ಯವಾದುದು. ಸಿಲಿಗುರಿಯಿಂದ ಈ ಪ್ರದೇಶಗಳಿಗೆ ಕೆಲವೇ ಗಂಟೆಗಳಲ್ಲಿ ತಲುಪಬಹುದು.

ಸುತ್ತಮುತ್ತಲ ಪ್ರೇಕ್ಷಣೀಯ ಸ್ಥಳಗಳು

ಸಿಲಿಗುರಿಯಲ್ಲಿ ನೋಡಬೇಕಾದ ಹಲವು ಸ್ಥಳಗಳಿವೆ. ಅವುಗಳಲ್ಲಿ ಇಸ್ಕಾನ್ ದೇವಾಲಯ, ಮಹಾನಂದ ವನ್ಯಜೀವಿಧಾಮ, ಸೈನ್ಸ್ ಸಿಟಿ, ಕೊರೊನೇಶನ್ ಬ್ರಿಡ್ಜ್, ಸಲುಗಾರಾ ಮಠ ಮಧುಬನ್ ಪಾರ್ಕ್ ಮತ್ತು ಉಮ್ರಾವ್ ಸಿಂಗ್ ಬೋಟ್ ಕ್ಲಬ್.

ಹಬ್ಬಗಳು ಮತ್ತು ಜಾತ್ರೆಗಳು

ದೀಪಾವಳಿ, ಭಾಯಿಟಿಕಾ, ದುರ್ಗಾ ಪೂಜಾ, ಕಾಳಿ ಪೂಜಾ ಮತ್ತು ಗಣೇಶ ಪೂಜಾ ಹಬ್ಬಗಳನ್ನು ಭಾರತದೆಲ್ಲೆಡೆಯಂತೆ ಇಲ್ಲಿ ಕೂಡ ಆಚರಿಸಲಾಗುತ್ತದೆ. ಹಬ್ಬಗಳ ಸಮಯದಲ್ಲಿ ಫ್ಯಾಷನ್ ಶೋಗಳು ಮತ್ತು ಮೇಳಗಳನ್ನು ಆಯೋಜಿಸಲಾಗುತ್ತದೆ. ಹಾಸ್ಟ್ ಶಿಲ್ಪ್ ಮೇಳ, ಪುಸ್ತಕ ಮೇಳ ಮತ್ತು ಲೆಕ್ಸಪೋ ಮೇಳ ಇವುಗಳಲ್ಲಿ ಮುಖ್ಯವಾದುದು. ಕಾಂಚನಜುಂಗಾ ಸ್ಟೇಡಿಯಂನಲ್ಲಿ ಸಾಮಾನ್ಯವಾಗಿ ಇವುಗಳನ್ನು ಆಯೋಜಿಸಲಾಗುತ್ತದೆ.

ಆಹಾರ ವಿಶೇಷಗಳು

ಸಿಲಿಗುರಿಯ ಜನ ಸಂತೋಷ ಪ್ರಿಯರು. ಇತ್ತೀಚೆಗೆ ಇಲ್ಲಿಗೆ ಪಕ್ಕದ ರಾಜ್ಯಗಳಿಂದ ಮತ್ತು ದೇಶಗಳಿಂದ ಜನ ಹೆಚ್ಚಾಗಿ ವಲಸೆ ಬಂದಿದ್ದಾರೆ. ಇವು ನಗರದ ಸ್ವರೂಪವನ್ನು ಸ್ವಲ್ಪಮಟ್ಟಿಗೆ ಬದಲಾಯಿಸಿದೆ. ಆದರೂ ಇಲ್ಲಿನ ವಿಶೇಷ ತಿಂಡಿಗಳನ್ನು ಸವಿಯುವ ಅವಕಾಶ ತಪ್ಪಿಸಿಕೊಳ್ಳುವಂತಿಲ್ಲ. ಇಲ್ಲಿನ ಬೀದಿಬದಿಯ ಅಂಗಡಿಗಳಲ್ಲಿ ರುಚಿಯಾದ ತಿಂಡಿಗಳನ್ನು ಸವಿಯಬಹುದು.

ಇಲ್ಲಿ ಒಮ್ಮೆ ರುಚಿ ನೋಡಲೇಬೇಕಾದ ತಿಂಡಿಯೆಂದರೆ ಚಿಕನ್, ಬೀಫ್, ಪೋರ್ಕ್ ಅಥವ ತರಕಾರಿಗಳಿಂದ ಮಾಡಿದ ಮೊಮೊಸ್ ಎನ್ನುವ ತಿಂಡಿ. ಈಶಾನ್ಯ ಭಾರತದ ನೈಜ ಟೀಯನ್ನು ಇಲ್ಲಿ ಸವಿಯಬಹುದು. ಇದು ಮಳೆಗಾಲ ಮತ್ತು ಚಳಿಗಾಲಗಳಿಗೆ ಉತ್ತಮ ಆಯ್ಕೆ.

ಸಂಪರ್ಕ

ಸಿಲಿಗುರಿಯು ಉತ್ತಮ ಮಾಧ್ಯಮ ಸಂಪರ್ಕ ಮತ್ತು ಆತಿಥ್ಯ ಸೌಲಭ್ಯಗಳನ್ನು ಹೊಂದಿದೆ. ಇಲ್ಲಿ ಪ್ರಪಂಚದಲ್ಲಿನ ಅತ್ಯುತ್ತಮ ಹೋಟಲುಗಳು ತಮ್ಮ ಶಾಖೆಯನ್ನು ಹೊಂದಿದೆ. ಇಲ್ಲಿ ಗೆಸ್ಟ್ಹೌಸ್ಗಳಿಂದ ಹಿಡಿದು 5 ಸ್ಟಾರ್ ಹೋಟೆಲುಗಳವರೆಗೆ ವಿವಿಧ ಶ್ರೇಣಿಗಳನ್ನು ಕಾಣಬಹುದು.  ಈ ನಗರವು ಸುರಕ್ಷಿತವಾಗಿದ್ದು ಇಲ್ಲಿ ಭಾರತೀಯ ಸೇನೆ ಮತ್ತಿತರ ಪಾರ್ಲಿಮೆಂಟರಿ ಫೋರ್ಸ್ಗಳು ಇಲ್ಲಿವೆ.

ಮಾಲ್ ಸಂಸ್ಕೃತಿ

ಮಾಲ್ ಸಂಸ್ಕೃತಿ ಸಿಲಿಗುರಿಗೆ ತಡವಾಗಿ ಕಾಲಿಟ್ಟಿತು. ಕಾಸ್ಮೊಸ್ ಮತ್ತು ಆರ್ಬಿಟ್ ಇಲ್ಲಿನ 2 ದೊಡ್ಡಮಾಲ್ಗಳು. ಈ ಮಾಲ್ಗಳಲ್ಲಿ ಮಲ್ಟಿಪ್ಲೆಕ್ಸ್ ಸೌಲಭ್ಯವಿದ್ದು ಹೊಸ ಹಾಲಿವುಡ್ ಮತ್ತು ಬಾಲಿವುಡ್ ಚಿತ್ರಗಳನ್ನು ಇಲ್ಲಿ ನೋಡಬಹುದು. ಇಲ್ಲಿ ಟೆಕ್ನಾಲಜಿ ಪಾರ್ಕಿದೆ. ಸಿಲಿಗುರಿಯನ್ನು ಸುತ್ತಲು ಉತ್ತಮ ವಿಧಾನವೆಂದರೆ ರಿಕ್ಷಾ ಅಥವ ಸೈಕಲ್! ಇಲ್ಲಿ ಆಟೋ ಹತ್ತುವಾಗ ಮೀಟರ್ ಬಗ್ಗೆ ಎಚ್ಚರದಿಂದಿರಬೇಕು. ಇಲ್ಲಿ ಸ್ಥಳೀಯ ಬಸ್ ಸೇವೆ ಕೂಡ ಇದೆ.

ಹೋಗುವುದು ಹೇಗೆ?

ಸಿಲಿಗುರಿಯು ಉತ್ತಮ ರಸ್ತೆ, ರೈಲು ಮತ್ತು ವಿಮಾನ ಸೌಲಭ್ಯವಿದೆ.