Click it and Unblock the Notifications
ಮುಕುಂದ್ಘಿಗಡ್ ಎಂಬುದು 18ನೇ ಶತಮಾನದಲ್ಲಿ ರಾಜ ಮುಕುಂದ್ ಸಿಂಗನಿಂದ ನಿರ್ಮಾಣಗೊಂಡ ಪಟ್ಟಣವಾಗಿದೆ. ಇದು ರಾಜಸ್ಥಾನದಲ್ಲಿನ ಜುನ್ಜುನು ಜಿಲ್ಲೆಯಲ್ಲಿ ನೆಲೆಸಿದೆ. ಇಲ್ಲಿರುವ ಹವೇಲಿಗಳು ತಮ್ಮಲ್ಲಿರುವ ದಿವಾನ್ ಖಾನೆಗಳಿಗೆ ಮತ್ತು ಫ್ರೆಸ್ಕೊ ಮಾದರಿಯ ಚಿತ್ರಲೇಖನಗಳಿಗೆ ಹೆಸರುವಾಸಿಯಾಗಿದೆ. ಈ ಹವೇಲಿಗಳಲ್ಲಿರುವ ದಿವಾನ್ ಖಾನೆಗಳಲ್ಲಿ ಪ್ರದರ್ಶನಕ್ಕೆ ಇಡಲಾಗಿರುವ ವಸ್ತುಗಳಲ್ಲಿ 18ನೇ ಶತಮಾನಕ್ಕೆ ಸೇರಿದ ಗೋಡೆಗೆ ತೂಗುಹಾಕಲಾಗುವ ಕಲಾವಸ್ತುಗಳು, ಕೌಟುಂಬಿಕ ಭಾವಚಿತ್ರಗಳು ಮತ್ತು ಮರದ ಪೀಠೋಪಕರಣಗಳು ತಮ್ಮ ಅಂದದಿಂದ ಗಮನ ಸೆಳೆಯುತ್ತವೆ. ಇಲ್ಲಿರುವ ನಯನ ಮನೋಹರವಾದ ಕೌಟುಂಬಿಕ ಛಾತ್ರಿಗಳು ನೋಡುಗರ ಮನಸೂರೆಗೊಳ್ಳುತ್ತವೆ.ಭಗವಾನ್ ಕೃಷ್ಣನನ್ನು ಪೂಜಿಸಲಾಗುವ ವೇಣುಗೋಪಾಲ್ ಮಂದಿರ್ ಮತ್ತು ಗೋಪಿನಾಥ್ ದೇವಾಲಯ ಸೇರಿದಂತೆ ಹಲವಾರು ದೇವಾಲಯಗಳು ಇಲ್ಲಿವೆ. ಫೋರ್ಟ್ ವಿಲಿಯಂ ಹವೇಲಿ, ಘುವಾಲೆ ಕಿ ಹವೇಲಿ, ಗಂಗಾ ಬುಕ್ಸ್ ಸರಫ್ ಹವೇಲಿ ಮತ್ತು ರಾಜ್ ಕುಮಾರ್ ಗನೇರಿವಾಲಾ ಕಲಾ ಕೇಂದ್ರಗಳು ಇಲ್ಲಿರುವ ಪ್ರಮುಖ ಪ್ರವಾಸಿ ಆಕರ್ಷಣೆಗಳಾಗಿವೆ.
