ಗಿರಿಗಂಗಾ ದೇವಸ್ಥಾನವು ಗಿರಿಗಂಗಾ ನದಿಯ ದಡದಲ್ಲಿದೆ. ಇದು ರೋಹ್ರುವಿನಲ್ಲಿನ ಜನಪ್ರಿಯ ಪ್ರವಾಸಿ ತಾಣ. ಐತಿಹ್ಯಗಳ ಪ್ರಕಾರ, ಮಹಾಭಾರತವನ್ನು ಬರೆದ ಮಹಾಋಷಿ ವೇದ ವ್ಯಾಸರು ಸುಮಾರು 5500 ವರ್ಷಗಳ ಹಿಂದೆ ಈ ದೇವಸ್ಥಾನವನ್ನು ನಿರ್ಮಿಸಿದ್ದರಂತೆ. ಈ ದೇವಸ್ಥಾನವು ದಟ್ಟ ಅರಣ್ಯದ ಮಧ್ಯೆ ಇದೆ. ಚಳಿಗಾಲದಲ್ಲಿ ದೇವಸ್ಥಾನವು ಮಂಜಿನಿಂದಾವೃತವಾಗಿರುತ್ತದೆ. ಸಾಹಸಿ ಪ್ರವಾಸಿಗರು ಇಲ್ಲಿ ಹೈಕಿಂಗ್ ಮಾಡಬಹುದು. ಇಲ್ಲಿಂದ ಚಾರಣದ ಮೂಲಕ ದಿಯೋದಾರ್ಗೆ ಹೋಗಬಹುದು.