Click it and Unblock the Notifications
ಮಧುರೈನಲ್ಲಿರುವ ಗಾಂಧಿ ಮ್ಯೂಸಿಯಂ ದೇಶದ ಪ್ರಮುಖ ಐದು ಗಾಂಧಿ ವಸ್ತು ಸಂಗ್ರಹಾಲಯಗಳಲ್ಲಿ ಪ್ರಮುಖ ಸ್ಥಾನವನ್ನು ಪಡೆದಿದೆ. ಇದು ಗಾಂಧಿಜಿಗೆ ಸೇರಿದ ಅನೇಕ ಪ್ರಮುಖ ವಸ್ತುಗಳನ್ನು ಹೊಂದಿದೆ. ಈ ಸಂಗ್ರಹಾಲಯದಲ್ಲಿ ನೀವು ಗಾಂಧಿಜಿಯು ತಮ್ಮ ಹತ್ಯೆಯ ದಿನ ಧರಿಸಿದ ರಕ್ತಸಿಕ್ತವಾದ ಧೋತಿಯನ್ನು ನೀವು ನೋಡಬಹುದು.
ಗಾಂಧಿಜಿಗೆ ಸೇರಿದ ಅನೇಕ ಅಪರೂಪದ ಮತ್ತು ಜನಪ್ರಿಯ ಚಿತ್ರಗಳನ್ನು ನೀವು ಈ ಸಂಗ್ರಹಾಲಯದಲ್ಲಿ ನೋಡಬಹುದು. ಈ ವಸ್ತು ಸಂಗ್ರಹಾಲಯವನ್ನು ಒಂದು ಪ್ರಾಚೀನ ಅರಮನೆಯಲ್ಲಿ ಸ್ಥಾಪಿಸಲಾಗಿದೆ.ಈ ಅರಮನೆಯು ನಾಯಕರ್ ವಂಶಸ್ಥಳು ಎನ್ನಲಾದ ರಾಣಿ ಮಂಗಮ್ಮಾಳ್ ಳಿಗೆ ಸೇರಿದ್ದು ಎಂದು ಹೇಳಲಾಗುತ್ತದೆ. ಗಾಂಧೀಜಿಯ ಮರಣದ ನಂತರ ಗಾಂಧಿ ಮೆಮೊರಿಯಲ್ ಟ್ರಸ್ಟ ಈ ಅರಮನೆಯನ್ನು ಗಾಂಧಿ ವಸ್ತು ಸಂಗ್ರಹಾಲಯವನ್ನಾಗಿ ಪರಿವರ್ತನೆ ಮಾಡಿತು.
ಗಾಂಧೀಜಿಯ ಜೀವನ ಮತ್ತು ಗಾಂಧೀಜಿಯ ತತ್ವಚಿಂತನೆಗಳಿಗೆ ಸಂಬಂಧಿಸಿದ ಗ್ರಂಥಗಳು ಮತ್ತು ಪುಸ್ತಕಗಳ ದೊಡ್ಡ ಸಂಗ್ರಹದ ಒಂದು ಪುಸ್ತಕದ ಅಂಗಡಿಯನ್ನು ನೀವು ಈ ವಸ್ತು ಸಂಗ್ರಹಾಲಯದಲ್ಲಿ ಕಾಣಬಹುದು. ಇಲ್ಲಿ ಮುಕ್ತ ಬಯಲು ಥೇಟರ್ ಇದ್ದು, ಸಾಂಸ್ಕೃತಿಕ ಕಾರ್ಯಕ್ರಮಗಳು, ಚಿತ್ರ ಪ್ರದರ್ಶನಗಳು ಮತ್ತು ಗಾಂಧಿ ಕುರಿತಾದ ಸಭೆಗಳನ್ನು ಇಲ್ಲಿ ಆಯೋಜಿಸಲಾಗುತ್ತದೆ.
