ತಿರುನೆಲ್ವೇಲಿಯು ಹಲವಾರು ಹೆಸರುಗಳಿಂದ ಕರೆಯಲ್ಪಡುತ್ತದೆ. ಆದರೆ ಅತ್ಯಂತ ಪ್ರಸಿದ್ಧವಾಗಿರುವ ಹೆಸರುಗಳೆಂದರೆ ನೆಲ್ಲೈ, ಟಿನ್ನೆವೆಲಿ ಮತ್ತು ತಿರುನೆಲ್ವೇಲಿಗಳಾಗಿವೆ. ಬ್ರಿಟೀಷರ ತಮ್ಮ ಆಡಳಿತಾವಧಿಯಲ್ಲಿ ಇದನ್ನು ಟಿನ್ನೆವೆಲಿ ಎಂದು ಕರೆಯುತ್ತಿದ್ದರು. ಈ ಹೆಸರನ್ನು ಸ್ವಾತಂತ್ರ್ಯನಂತರ ಆಗಾಗ್ಗೆ ಬಳಸುತ್ತಿದ್ದರು. ಆದರೆ ಇಲ್ಲಿನ ಸ್ಥಳೀಯರ ಬಾಯಲ್ಲಿ ಇದು ನೆಲ್ಲೈ ಎಂದೆ ಕರೆಯಲ್ಪಡುತ್ತದೆ.
ತಿರುನೆಲ್ವೇಲಿಯು ತಿರುನೆಲ್ವೇಲಿ ಜಿಲ್ಲೆಯ ಜಿಲ್ಲಾಕೇಂದ್ರವು ಸಹ ಹೌದು. ಇದು ತಮಿಳು ನಾಡು ರಾಜ್ಯದ ದಕ್ಷಿಣ ಭಾಗದಲ್ಲಿ ನೆಲೆಗೊಂಡಿದೆ. ತನ್ನದೇ ಆದ ವಿಶೇಷ ಭೌಗೋಳಿಕ ಮಹತ್ವವನ್ನು ಪಡೆದಿರುವ ತಿರುನೆಲ್ವೇಲಿಯು ದಖನ್ ಪ್ರಸ್ಥಭೂಮಿಯ ದಕ್ಷಿಣದ ತುದಿಯಲ್ಲಿ ನೆಲೆಗೊಂಡಿದೆ. ತಿರುನೆಲ್ವೇಲಿಯು ರಾಜಧಾನಿ ಚೆನ್ನೈನಿಂದ 700 ಕಿ.ಮೀ ಮತ್ತು ನೆರೆಯ ಕೇರಳ ರಾಜ್ಯದ ರಾಜಧಾನಿ ತಿರುವನಂತಪುರದಿಂದ 130 ಕಿ.ಮೀ ದೂರದಲ್ಲಿದೆ.
ದೇವಾಲಯಗಳ ಮತ್ತು ಪವನ ಶಕ್ತಿ ಯಂತ್ರಗಳ ನಾಡು - ತಿರುನೆಲ್ವೇಲಿಯಲ್ಲಿ ಮತ್ತು ಸುತ್ತ- ಮುತ್ತ ಇರುವ ಪ್ರವಾಸಿ ತಾಣಗಳು.
ತಿರುನೆಲ್ವೇಲಿಯಲ್ಲಿ ಹಲವಾರು ದೇವಾಲಯಗಳಿವೆ. ಇವುಗಳಲ್ಲಿ ಕೆಲವೊಂದು ಪ್ರಾಚೀನ ದೇವಾಲಯಗಳು ಸೇರಿರುವುದು ವಿಶೇಷ. ಈ ಸ್ಥಳದ ಮತ್ತೊಂದು ವಿಶೇಷತೆಯೆಂದರೆ ಇಲ್ಲಿ ನೆಲ್ಲಿಯಪ್ಪರ್ ದೇವಾಲಯವು ನೆಲೆಗೊಂಡಿರುವುದು. ಇದು ರಾಜ್ಯದಲ್ಲಿರುವ ಅತ್ಯಂತ ದೊಡ್ಡ ಶಿವನ ದೇವಾಲಯವೆಂಬ ಖ್ಯಾತಿಗೆ ಪಾತ್ರವಾಗಿದೆ.
ತಿರುನೆಲ್ವೇಲಿ ಪ್ರದೇಶವು ಪವನ ಶಕ್ತಿ ಕೇಂದ್ರಕ್ಕೆ ಪ್ರಶಸ್ತವಾದ ಸ್ಥಳವಾಗಿದೆ. ಹಾಗಾಗಿ ಈ ನಗರದ ಹೊರವಲಯದಲ್ಲಿ ಪವನಶಕ್ತಿ ಉತ್ಪಾದನಾ ಕೇಂದ್ರಗಳನ್ನು ತೆರೆಯಲಾಗಿದೆ. ಇಲ್ಲಿನ ಕಂಪನಿಗಳು ಪವನಶಕ್ತಿಯಿಂದ 3500 ಮೆ.ವ್ಯಾ ವಿದ್ಯುತ್ತನ್ನು ಇಲ್ಲಿ ಉತ್ಪಾದಿಸುತ್ತಾರೆ.
ಇದರ ಜೊತೆಗೆ ಇಲ್ಲಿ ಕಪ್ಪಲ್ ಮಾತಾ ಚರ್ಚ್, ಶ್ರೀ ಅಳಗಿಯ ಮನ್ನಾರ್ ರಾಜಗೋಪಾಲಸ್ವಾಮಿ ದೇವಾಲಯ, ಶ್ರೀ ವರದರಾಜ ಪೆರುಮಾಳ್ ದೇವಾಲಯ, ಮೇಲೆ ತಿರುವೆಂಕಟನಾಥ ದೇವಾಲಯ, ಕೀಳೆ ತಿರುವೆಂಕಟನಾಥಪುರಂ, ಕೀಳೆ ತಿರುಪತಿಗಳು ಇಲ್ಲಿ ನೋಡಬೇಕಾಗಿರುವ ಸ್ಥಳಗಳ ಪಟ್ಟಿಯಲ್ಲಿ ಸೇರಿವೆ.
ತಿರುನೆಲ್ವೇಲಿಗೆ ತಲುಪುವುದು ಬಗೆ
ತಿರುನೆಲ್ವೇಲಿಯು ತಮಿಳು ನಾಡಿನ ಮುಖ್ಯ ನಗರಗಳೊಂದಿಗೆ ಉತ್ತಮ ರಸ್ತೆಯ ಸಂಪರ್ಕವನ್ನು ಹೊಂದಿದೆ. ಟ್ಯುಟಿಕಾರನ್ ಬಂದರು, ಮಧುರೈ ಮತ್ತು ನೆರೆಯ ಕನ್ಯಾಕುಮಾರಿ ಜಿಲ್ಲೆಗಳ ಮೂಲಕ ತಿರುನೆಲ್ವೇಲಿಗೆ ನೀವು ತಲುಪಬಹುದು.
ತಿರುನೆಲ್ವೇಲಿ ಹವಾಮಾನ
ತಿರುನೆಲ್ವೇಲಿಯ ಹವಾಮಾನವು ತಮಿಳುನಾಡಿನ ಇತರ ಭಾಗಗಳಿಗಿಂತ ವಿಭಿನ್ನವಾಗಿದೆ. ಬಿಸಿಲು ಮತ್ತು ಆರ್ದ್ರತೆಯು ಇಲ್ಲಿ ಸಾಮಾನ್ಯ. ಆದರೆ ಬೇಸಿಗೆಯು ಸಹಿಸಿಕೊಳ್ಳಲಸಾಧ್ಯ. ಆದರೂ ಮಳೆಗಾಲ ಮತ್ತು ಚಳಿಗಾಲಗಳು ಇಲ್ಲಿ ಪರವಾಗಿಲ್ಲ ಎಂಬ ವಾತಾವರಣವನ್ನು ಹೊಂದಿರುತ್ತವೆ.