Click it and Unblock the Notifications
ಪಿಯರ್ಸ್ ಲೆಸ್ಲಿ ಬಂಗಲೆಯು ಕೊಚ್ಚಿಯಲ್ಲಿ ನೀವು ನೋಡಲೇ ಬೇಕಾದ ಮಹತ್ವದ ಪಾರಂಪರಿಕ ಕಟ್ಟಡ. ವಾಸ್ತುಶಿಲ್ಪ ಹಾಗೂ ಐತಿಹಾಸಿಕ ಮಹತ್ವಗಳಿಂದ ಇದೊಂದು ಪ್ರಮುಖ ಪ್ರವಾಸ ಕೇಂದ್ರವಾಗಿದೆ. ಕೊಚ್ಚಿಯಿಂದ ಬೀಚ್ ರಸ್ತೆಯಲ್ಲಿ ತೆರಳಿದರೆ ಕೆಲವೇ ಮೈಲಿ ಅಂತರದಲ್ಲಿ ಈ ಪ್ರದೇಶ ಸಿಗುತ್ತದೆ. ಈ ಬಂಗಲೆಯನ್ನು ಹತ್ತೊಂಬತ್ತನೇ ಶತಮಾನದ ಕಾಫಿ ವ್ಯಾಪಾರಸ್ತರ ಆಡಳಿತ ಕಚೇರಿ ನಡೆಸುವ ಉದ್ದೇಶದಿಂದ 1862 ರಲ್ಲಿ ಪಿಯರ್ಸ್ ಲೆಸ್ಸಿ ಮತ್ತು ಕಂಪನಿ ನಿರ್ಮಿಸಿತು. ಇದು ಡಚ್, ಪೋರ್ಚುಗೀಸ್ ಮತ್ತು ಕೇರಳದ ಸಾಂಪ್ರದಾಯಿಕ ಶೈಲಿಯನ್ನು ಒಳಗೊಂಡು ನಿರ್ಮಾಣವಾಗಿದ್ದು, ಮನಸ್ಸಿಗೆ ಖುಷಿ ಕೊಡುತ್ತದೆ. ಇಲ್ಲಿನ ಕಮಾನಿನ ಬಾಗಿಲುಗಳು, ಬಾಲ್ಕನಿಗಳು ಮತ್ತು ವಿಶಾಲವಾದ ಕೊಠಡಿಗಳು ಗಮನಸೆಳೆಯುತ್ತವೆ. ಈ ಬಂಗಲೆ ಹಳೆಯ ಬಂದರು ಮತ್ತು ಕೋಡರ್ ಗಳೆಂಬ ಎರಡು ಪ್ರತ್ಯೇಕ ವಿಭಾಗಗಳನ್ನು ಹೊಂದಿದೆ.
ಬಹುಮಹಡಿಗಳಿಂದ ಕೂಡಿದ್ದು, ನೆಲ ಮಹಡಿಯಲ್ಲಿ ಪ್ರಾಚೀನ ಕಾಲದ ಮರದ ಕೆತ್ತನೆ, ಕಲಾಕೃತಿಗಳನ್ನು ಒಪ್ಪವಾಗಿ ಜೋಡಿಸಲಾಗಿದೆ. ಈ ಮಹಲಿನ ಬಾಗಿಲುಗಳು ಸುಂದರವಾದ ಕೆತ್ತನೆಯಿಂದ ಕೂಡಿದ್ದು, ಪ್ರವಾಸಿಗರ ಮನಸಿಗೆ ಖುಷಿ ಕೊಡುತ್ತದೆ.
