ಕಡಲ ತಡಿಗುಂಟ ಹಬ್ಬಿರುವ ಕೋಟೆ ಕೊಚ್ಚಿಯ ಅವಿಭಾಜ್ಯ ಅಂಗವೂ ಹೌದು. ಒಂದಾನೊಂದು ಕಾಲದ ವೈಭವವನ್ನು ಸಾರುತ್ತ, ಇವತ್ತಿಗೂ ಪ್ರತಿನಿತ್ಯ ಸಾವಿರಾರು ಪ್ರವಾಸಿಗರನ್ನು ಸೆಳೆಯುತ್ತಿರುವ ವಿಶಿಷ್ಠವಾದ ಪ್ರದೇಶ ಇದಾಗಿದೆ. ಹೊರ ಜಗತ್ತಿನೊಂದಿಗೆ ಬೃಹತ್ ಸೇತುವೆಯ ಮೂಲಕ ಈ ಕೋಟೆಯ ಸಂಪರ್ಕ. ಐತಿಹಾಸಿಕ ಅಚ್ಚರಿಗಳ ಸಂತೆ ಇದು. ಕಲೆ, ಆಹಾರ ಮತ್ತು ಧಾರ್ಮಿಕ ಸಂಗತಿಗಳಿಂದ ಕೂಡಿರುವುದು ಈ ಪ್ರದೇಶದ ಹೆಚ್ಚುಗಾರಿಕೆ.  ಇಲ್ಲಿನ ಸೈಕಲ್ ಸವಾರಿ ಖುಷಿಕೊಡುತ್ತದೆ. ಬಾಡಿಗೆ ಸೈಕಲ್ ಮತ್ತು ಬೈಕುಗಳು ಸಿಗುತ್ತವೆ. ಈ ಕೋಟೆಯೊಳಗೆ ಇರುವ  ವಸ್ತುಸಂಗ್ರಹಾಲಯಗಳು, ಅರಮನೆಗಳು, ಸೀನಗಾಗ್ಗಳು, ಹಿಂದೂ ದೇವಾಲಯಗಳು, ಚರ್ಚುಗಳು, ಪಾರಂಪರಿಕ ಕಟ್ಟಡಗಳು, ಕಲಾ ಉದ್ಯಾನಗಳು, ಕಡಲ ಕಿನಾರೆ, ಆಯುರ್ವೇದ ಅಂಗಮರ್ಧನಗಳು, ರಸ್ತೆಬದಿಯ ಕೆಫೆಗಳು ಯಾವಾಗಲೂ ಸ್ಮರಣೆಯಲ್ಲಿರುವಂಥ ಶಾಪಿಂಗ್ ಅನುಭವ ನೀಡುತ್ತವೆ. ಪ್ರಖ್ಯಾತ ಪರಂಪರಾ ತಾಣವಾಗಿರುವ ಈ ಪ್ರದೇಶದಲ್ಲಿರುವ ಹಲವಾರು ಹೋಂ ಸ್ಟೇಗಳು ನಿಮಗೆ ಮನೆಯಲ್ಲಿಯೇ ತಂಗಿದಂಥ ಆತ್ಮೀಯ ಅನುಭೂತಿಯನ್ನು ನೀಡುತ್ತವೆ. ಇನ್ನೊಂದು ಅಚ್ಚರಿಯ ಸಂಗತಿಯೆಂದರೆ ಕೇರಳಾದ ಸಂಸ್ಕೃತಿಯೊಂದಿಗೆ ಪೋರ್ಚುಗೀಸ್, ಯಹೂದಿ, ಗ್ರೀಕರು ಮತ್ತು ಟಿಬೆಟಿಯನ್ ಸಂಸ್ಕೃತಿಗಳೂ ಬೆರೆತಿರುವುದು. ಇದು ಅಪೂರ್ವ ಅನುಭವವನ್ನು ನೀಡುತ್ತದೆ.