Click it and Unblock the Notifications
ಶಿವ ದೇವಾಲಯವು ಶಿವಗಂಗೈ ಜಿಲ್ಲೆಯಲ್ಲಿರುವ ಕಂಡನೂರಿನಲ್ಲಿದೆ. ಈ ಸ್ಥಳವು ಕರೈಕುಡಿಯಿಂದ ಕೇವಲ 7 ಕಿ.ಮೀ ದೂರದಲ್ಲಿದೆ. ಈ ಎರಡು ಸ್ಥಳಗಳ ಮಧ್ಯೆ ಹಲವಾರು ಬಸ್ಸುಗಳು ಓಡಾಡುತ್ತಿರುತ್ತವೆ.
ಕಂಡನೂರಿನ ಶಿವ ದೇವಾಲಯದಲ್ಲಿ ಶಿವ ಮತ್ತು ಪಾರ್ವತಿಯರ ವಿಗ್ರಹಗಳಿವೆ. ಕಂಡನೂರಿನ ಜನರ ಮಟ್ಟಿಗೆ ಈ ದೇವಾಲಯವು ಬಹು ಪವಿತ್ರವಾದುದು. ಏಕೆಂದರೆ ಅವರು ತಮ್ಮ ಎಲ್ಲಾ ಹಬ್ಬ ಹರಿದಿನಗಳನ್ನು ಈ ದೇವಾಲಯದಲ್ಲಿ ಮೆರವಣಿಗೆ ಮಾಡುವ ಮೂಲಕ ಆಚರಿಸುತ್ತಾರೆ. ಉದಾಹರಣೆಗೆ ಮದುವೆ ಮೆರವಣಿಗೆಯು ಸಹ ಈ ದೇವಾಲಯದಿಂದಲೆ ಆರಂಭವಾಗುತ್ತದೆ. ಈ ಗ್ರಾಮದಿಂದ ಕೆಲಸ ಕಾರ್ಯಗಳ ನಿಮಿತ್ತ ಹೊರಗೆ ಹೋಗುವವರು ತಮ್ಮ ವಾಹನ ಅಥವಾ ಬಸ್ ಏರುವ ಮುನ್ನ ಈ ದೇವಾಲಯದಲ್ಲಿ ಕೈ ಮುಗಿದು ನಂತರ ಹೋಗುತ್ತಾರೆ.
ಈ ದೇವಾಲಯವನ್ನು ಗ್ರಾಮದ ಒಂದು ಹೊರ ಆವರಣದಲ್ಲಿ ನಿರ್ಮಿಸಲಾಗಿದೆ. ಇದು ಶಾಂತಿ ಮತ್ತು ಪ್ರಸನ್ನತೆಯನ್ನು ಒದಗಿಸುವಂತಿದೆ. ಹಲವಾರು ಜನರು ಇಲ್ಲಿ ಕೆಲವು ಹೊತ್ತು ಕಳೆದು ಭಗವಂತನಿಗೆ ಪೂಜೆ ಸಲ್ಲಿಸಿ ಹೋಗಲು ಬರುತ್ತಿರುತ್ತಾರೆ. ಇಲ್ಲಿನ ಶಾಂತ ವಾತಾವರಣದ ಸಲುವಾಗಿ ಜನರು ಇಲ್ಲಿ ಧ್ಯಾನ ಮಾಡಲು ಸಹ ಬರುತ್ತಿರುತ್ತಾರೆ.
