Click it and Unblock the Notifications
ಡೋಗ್ರಾ ರಾಜ, ರಾಜ ಅಮರ್ 1890 ರಲ್ಲಿ ನಿರ್ಮಿಸಿದ ಅಮರ್ ಮಹಲ್, ಜಮ್ಮುವಿನ ಪ್ರಮುಖ ಆಕರ್ಷಣೆಗಳಲ್ಲಿ ಒಂದಾಗಿದೆ. ಈ ಮಹಲ್ ನ ರಚನೆ ಫ್ರೆಂಚ್ ವಿನ್ಯಾಸಕಾರನಿಂದ ವಿನ್ಯಾಸಗೊಳಿಸಲಾಗಿದೆ. ಇದನ್ನು ಭಾರತೀಯ ಕುಶಲಕರ್ಮಿಗಳು ನಿರ್ಮಿಸಿದ್ದು, ಒಂದು ಫ್ರೆಂಚ್ ಬಂಗಲೆಯಂತೆ ಹೋಲುತ್ತದೆ. ಕೆಂಪು ಮರಳು ಕಲ್ಲನ್ನು ಅಮರ್ ಮಹಲ್ ನಿರ್ಮಾಣದ ಸಂದರ್ಭದಲ್ಲಿ ಬಳಸಲಾಗಿತ್ತು.
ಹಿಂದೆ, ಅಮರ್ ಮಹಲ್ ರಾಜವಂಶದ ಕುಟುಂಬದ ಸದಸ್ಯರ ನಿವಾಸವಾಗಿತ್ತು. ಈ ಸ್ಥಳ ಆದಾಗ್ಯೂ, ಪುಸ್ತಕಗಳು, ಶಿಲ್ಪಗಳು, ವರ್ಣಚಿತ್ರಗಳು ಮತ್ತು ಶಾಸನಗಳ ಸಂಗ್ರಹಗಳನ್ನು ಹೊಂದಿರುವ ಒಂದು ವಸ್ತು ಸಂಗ್ರಹಾಲಯವಾಗಿ ರೂಪಾಂತರಗೊಂಡಿತು. ಈ ವಸ್ತು ಸಂಗ್ರಹಾಲಯದ ಪ್ರಧಾನ ಆಕರ್ಷಣೆ 'ಪಹಾರಿ' ವರ್ಣಚಿತ್ರಗಳು ಮತ್ತು ಜಮ್ಮು ಮತ್ತು ಕಾಶ್ಮೀರದ ಹಿಂದಿನ ಆಡಳಿತಗಾರರ ಭಾವಚಿತ್ರಗಳ ಜೊತೆಗೆ ಅಲಂಕರಿಸಿದ ದರ್ಬಾರ್ ಹಾಲ್. 120 ಕೆಜಿ ಚಿನ್ನವನ್ನು ಬಳಸಿ ಮಾಡಿದ ಮಹಾರಾಜ ಹರಿ ಸಿಂಗ್ ನ ಸಿಂಹಾಸನವನ್ನು ಈ ವಸ್ತು ಸಂಗ್ರಹಾಲಯದ ಒಳಗಡೆ ಕಾಣಬಹುದು.
ಪ್ರವಾಸಿಗರು ಅಮರ್ ಮಹಲ್ ಒಳಗೆ 20,000 ಪುಸ್ತಕಗಳನ್ನು ಹೊಂದಿರುವ ಗ್ರಂಥಾಲಯವನ್ನು ಭೇಟಿ ಮಾಡಬಹುದು. ಕೆಲವು ವಿಶೇಷ ಸಂಪುಟಗಳುಳ್ಳ ಪುಸ್ತಕಗಳನ್ನು ರಾಜಾ ಅಮರ್ ಸಿಂಗ್ ಲೈಬ್ರರಿಯಿಂದ ಕಳೆದ 50 ವರ್ಷಗಳಲ್ಲಿ ಸಂಗ್ರಹ ಮಾಡಲಾಗಿದೆ.
