ಇಸ್ಲಾಂನಗರವು ಅಲ್ಪ ಅವಧಿಯವರೆಗೆ ರಾಜೋಚಿತವಾದ ಭೂಪಾಲ್ ರಾಜ್ಯದ ರಾಜಧಾನಿಯಾಗಿದ್ದು ಶ್ರೀಮಂತಪರಂಪರೆಯ ಕಾರಣದಿಂದ ಪ್ರಸಿದ್ಧವಾದ ಐತಿಹಾಸಿಕ ತಾಣವಾಗಿದೆ. ಇದು ರಾಜ್ಯದ ಮುಖ್ಯ ನಗರ(ಭೂಪಾಲ್)ದಿಂದ 12 ಕಿ.ಮೀ. ದೂರದಲ್ಲಿ ಭೂಪಾಲ್ - ಬೆರಾಸಿಯ ರಸ್ತೆಯಲ್ಲಿ ಮಧ್ಯಪ್ರದೇಶದಲ್ಲಿರುವ ಭೂಪಾಲ್ ಜಿಲ್ಲೆಯಲ್ಲಿದೆ. ಅಮೋಘ ಗತ ವೈಭವ ದಿನಗಳನ್ನು ಸಾರುವ ಪಾಳುಬಿದ್ದಿರುವ ಅರಮನೆಗಳಿಗೆ ಇಸ್ಲಾಂನಗರವು ಹೆಸರುವಾಸಿಯಾಗಿದೆ. ನಗರಕ್ಕೆ ವ್ಯಾಪಕ ಸಂಪರ್ಕ ಸೌಲಭ್ಯಗಳಿವೆ.
ಇಸ್ಲಾಂನಗರ: ಕೋಟೆಗಳ ಸೌಂದರ್ಯದ ಪ್ರದೇಶ
ಇಸ್ಲಾಂನಗರ ಗ್ರಾಮದ ಮೂಲ ಹೆಸರು ರಜಪೂತರು ಆಳಿದ ಜಗದೀಶ್ಪೂರ್ ಆಗಿತ್ತು. ಆಫ್ಘನ್ ದಳಪತಿ ದೋಸ್ತ್ ಮೊಹಮ್ಮದ್ ಖಾನ್ 18ನೇ ಶತಮಾನದಲ್ಲಿ ಬಂದು ಈ ನಗರವನ್ನು ತನ್ನ ಹತೋಟಿಗೆ ತೆಗೆದುಕೊಂಡನು. ಅವನು ಇದಕ್ಕೆ ಇಸ್ಲಾಂನಗರ್ ಅಥವಾ "ಇಸ್ಲಾಂ ಧರ್ಮದ ನಗರ" ವೆಂದು ನಾಮಕರಣ ಮಾಡಿದನು. ದೋಸ್ತ್ ಮೊಹಮ್ಮದ್ ರಾಜೋಚಿತ ಭೂಪಾಲ್ ರಾಜ್ಯವನ್ನು ಸ್ಥಾಪಿಸಿ ಇಸ್ಲಾಂನಗರವನ್ನು ತನ್ನ ರಾಜಧಾನಿಯೆಂದು ಘೋಷಿಸಿದನು. ಆದಾಗ್ಯೂ ಇವನ ರಾಜ್ಯಭಾರ ಅಲ್ಪಕಾಲದಲ್ಲಿಯೇ ಕೊನೆಗೊಂಡು 1723 ರಲ್ಲಿ ನಿಜಾಂ-ಉಲ್-ಮುಲ್ಕ್ ಎಂಬುವನು ಇಸ್ಲಾಂನಗರವನ್ನು ವಶಪಡಿಸಿಕೊಂಡನು. ಅಂತಿಮವಾಗಿ ಇದು 1806 ರಿಂದ 1817 ರ ವರೆಗೆ ಸಿಂಧಿಯಾ ರಾಜರ ಆಳ್ವಿಕೆಗೆ ಒಳಪಟ್ಟಿತು. ಪ್ರಸ್ತುತ ಇದು ಭೂಪಾಲ್ ಜಿಲ್ಲೆಯ ನಿಯಂತ್ರಣದಲ್ಲಿದೆ. ಅರಮನೆಗಳ ಭೂಮಿಯು ಪ್ರಶಂಸನೀಯ ತೋಟಗಳಿಂದ ಸುತ್ತುವರೆದಿದೆ.
ಇಸ್ಲಾಂನಗರದ ಪ್ರವಾಸೋದ್ಯಮ
ಇಸ್ಲಾಂನಗರದಲ್ಲಿ ಸ್ಮಾರಕ ಆಕರ್ಷಣೆಗಳು ಪ್ರಮುಖವಾಗಿವೆ. ಚಮನ್ ಮಹಲ್, ಗೌರವನೀಯ ರಾಣಿ ಮಹಲ್, ವಾಸ್ತುಶಿಲ್ಪದ ಅದ್ಭುತ ಗೋಂಡ್ ಮಹಲ್ ಇವೇ ಕೆಲವು ವಿಸ್ಮಯಕರ ಸ್ಥಳಗಳಾಗಿವೆ. ಭೂಪಾಲಿನಿಂದ ಸ್ಥಳೀಯ ಬಸ್ ಮತ್ತು ಆಟೋರಿಕ್ಷಾಗಳ ಮೂಲಕ ಇವುಗಳಿಗೆ ಭೇಟಿ ನೀಡಬಹುದು. ಪ್ರವಾಸಿಗಳ ಅನುಕೂಲಕ್ಕಾಗಿ ಹೋಟೆಲುಗಳು ಮತ್ತು ಎಟಿಎಂ ಗಳಿವೆ. ಇಸ್ಲಾಂನಗರವನ್ನು ಚಳಿಗಾಲದಲ್ಲಿ ಭೇಟಿಮಾಡಲು ಸೂಕ್ತವಾಗಿದೆ.