ಮುರಾದ್ ನಗರ್ ಎನ್ನುವುದು ಘಜಿಯಾಬಾದ್ನಿಂದ 14 ಕಿ.ಮೀ ದೂರದಲ್ಲಿರುವ ಮೋಡಿನಗರ್ ಎಂಬ ತಾಲ್ಲೂಕಿನಲ್ಲಿ ನೆಲೆಗೊಂಡಿರುವ ಒಂದು ಪಟ್ಟಣವಾಗಿದೆ. ಇದು ಜಿಲ್ಲಾಕೇಂದ್ರವು ಸಹ ಹೌದು. ಈ ಪಟ್ಟಣವನ್ನು ಸುಮಾರು 400 ವರ್ಷದ ಹಿಂದೆ ಮೊಘಲ್ ನವಾಬ್ ಮಿರ್ಜಾ ಮುಹಮ್ಮದ್ ಮುರಾದ್ ಮೊಘಲ್ ಎಂಬಾತ ನಿರ್ಮಿಸಿದನು. ಈತನು ಮೊಘಲ್ ದೊರೆ ಎರಡನೆಯ ಅಲಂಗೀರನ ಮಗ. ಈ ಪಟ್ಟಣದ ಸಮೀಪದಲ್ಲಿ ಈತನ ಗೋರಿಯನ್ನು ನಾವು ಕಾಣಬಹುದು.
ಪ್ರಸಿದ್ಧ ಕ್ರಿಕೆಟ್ ಆಟಗಾರನಾದ ಸುರೇಶ್ ರೈನಾ ಇದೇ ಊರಿನವರು. ಹರಿದ್ವಾರದಿಂದ ಬರುವ ಒಂದು ಕಾಲುವೆಯು ಈ ಪಟ್ಟಣದ ಮೂಲಕ ಹಾದು ಹೋಗುತ್ತದೆ. ಇದಕ್ಕೆ ಗಂಗ್ ನಹರ್ ಎಂಬ ಹೆಸರು ಇಡಲಾಗಿದೆ. ಈ ಸ್ಥಳವು ಇಲ್ಲಿನ ಸ್ಥಳೀಯರ ಪ್ರಸಿದ್ಧ ಮನೋರಂಜನಾ ತಾಣವಾಗಿದೆ.
ಮುರಾದ್ ನಗರ್ ಎಂಬುದು ಹತ್ತಿಯ ಉತ್ಪನ್ನಗಳ ಉತ್ಪಾದನೆ ಕೇಂದ್ರಗಳಿಗೆ ಖ್ಯಾತಿಯನ್ನು ಪಡೆದಿದೆ. ಅದರಲ್ಲು ವಿಶೇಷವಾಗಿ ಬೆಡ್ ಶೀಟ್, ಕೈಮಗ್ಗ ಮತ್ತು ಜರಿ ಕೆಲಸದ ಘಟಕಗಳಿಗೆ ಈ ಪಟ್ಟಣ ಭಾರೀ ಪ್ರಸಿದ್ಧಿಯನ್ನು ಪಡೆದಿದೆ. ಇದರ ಜೊತೆಗೆ ಈ ಪಟ್ಟಣದಲ್ಲಿ ಭಾರತೀಯ ರಕ್ಷಣಾ ಇಲಾಖೆಯ ಫಿರಂಗಿಗಳನ್ನು ಮತ್ತು ರಕ್ಷಣಾ ಸಾಮಾಗ್ರಿಗಳನ್ನು ತಯಾರಿಸುವ ಕಾರ್ಖಾನೆ ಸಹ ಇಲ್ಲಿ ನೆಲೆಗೊಂಡಿದೆ. ಇದು ಭಾರತದ ರಾಜಧಾನಿಯಾದ ದೆಹಲಿ ಪ್ರಾಂತ್ಯದ ಒಂದು ಭಾಗವಾಗಿದೆ.