ಮೋಹನ್ ನಗರ್ ಎಂಬುದು ಘಜಿಯಾಬಾದ್ನ ಒಂದು ತಾಲ್ಲೂಕಾಗಿದೆ. ಇದನ್ನು 1958ರಲ್ಲಿ ಉದ್ಯಮಿ ಎನ್.ಎನ್.ಮೋಹನ್ರವರು ಅಸ್ತಿತ್ವಕ್ಕೆ ತಂದರು, ಹಾಗಾಗಿ ಇದಕ್ಕೆ ಇವರ ಹೆಸರನ್ನೆ ಇಡಲಾಗಿದೆ. ಇದು ಘಜಿಯಾಬಾದ್ನಿಂದ 7 ಕಿ.ಮೀ ದೂರದಲ್ಲಿ ಜಿ.ಟೀ ರಸ್ತೆಯಲ್ಲಿ ನೆಲೆಗೊಂಡಿದೆ. ಅಲ್ಲದೆ ಇದು ಮತ್ತೊಂದು ಕೈಗಾರಿಕಾ ನಗರವಾದ ಸಾಹೀಬಬಾದ್ನಿಂದ 3 ಕಿ.ಮೀ ಮತ್ತು ದೆಹಲಿಯಿಂದ 16 ಕಿ.ಮೀ ದೂರದಲ್ಲಿ ನೆಲೆಗೊಂಡಿದೆ.
ಸಂಪದ್ಭರಿತವಾದ ಈ ಕೈಗಾರಿಕಾ ನಗರವು ಮೂಲತಃ ಒಂದು ಯೀಸ್ಟ್ ಮತ್ತು ಮಾಲ್ಟ್ ತಯಾರಿಸುವ ಕಾರ್ಖಾನೆಗೆ ಹೆಸರುವಾಸಿಯಾಗಿತ್ತು. ಇಲ್ಲಿ ಮದ್ಯ ತಯಾರಿಕಾ ಕಾರ್ಖಾನೆಗಳು ಸಹ ಇವೆ. ಜೊತೆಗೆ ಒಂದು ದೊಡ್ಡ ಶೈತ್ಯಾಗಾರ, ಐಸ್ ಕಾರ್ಖಾನೆ ಮತ್ತು ತಂಪು ಪಾನೀಯ ತಯಾರಿಸುವ ಘಟಕ ಸಹ ಇಲ್ಲಿದೆ. ಈ ಎಲ್ಲಾ ಘಟಕಗಳು ಅತ್ಯಾಧುನಿಕ ಸಲಕರಣೆ ಮತ್ತು ಯಂತ್ರಗಳಿಂದ ಕೂಡಿವೆ. ಇವುಗಳಲ್ಲದೆ ಮೋಹನ್ ನಗರದಲ್ಲಿ ಮತ್ತಿತರ ಕಾರ್ಖನೆಗಳು ಸಹ ಇವೆ. ಇಲ್ಲಿ ಈ ಪಟ್ಟಣದ ನಿರ್ಮಾತೃವಿನ ಹೆಸರಿನಿಂದ ಕರೆಯಲ್ಪಡುವ ಮೋಹನ್ ನಗರ ದೇವಾಲಯವನ್ನು ಸಹ ನಾವು ನೋಡಬಹುದು.