ಬಹದೂರ್ ಘಡ್ ಎಂಬ ಹಳ್ಳಿಯು ಗರ್ ಮುಕ್ತೇಶ್ವರ್ ರಸ್ತೆಯಲ್ಲಿ ನೆಲೆಗೊಂಡಿದೆ. ಇದು ಘಜಿಯಾಬಾದ್ ಜಿಲ್ಲಾ ಕೇಂದ್ರದಿಂದ ಸುಮಾರು 78 ಕಿ.ಮೀ ದೂರದಲ್ಲಿ ನೆಲೆಸಿದೆ. ಈ ಹಳ್ಳಿಯ ಮೂಲ ಹೆಸರು ಘಡ್ ನನ ಎಂದಾಗಿತ್ತು. ಆದರೆ ನವಾಬ್ ಬಹದೂರ್ ಖಾನ್ ಎಂಬ ಪಠಾಣನು ಮೊಘಲ್ ಚಕ್ರವರ್ತಿ ಜಹಂಗೀರನ ಕಾಲದಲ್ಲಿ ಈ ಊರನ್ನು ಜಾಗೀರ್ ಆಗಿ ಪಡೆದ ನಂತರ ಇದರ ಹೆಸರನ್ನು ಬಹದೂರ್ ಘಡ್ ಎಂದು ಬದಲಿಸಿದನು.
ಈ ಊರು ಅಸ್ತಿತ್ವಕ್ಕೆ ಬಂದ ಕಾಲವು ಮಹಾಭಾರತದಷ್ಟು ಹಿಂದಕ್ಕೆ ಸರಿಯುತ್ತದೆ. ಜನಪದ ಕತೆಗಳ ಪ್ರಕಾರ ಮಹಾಭಾರತದ ದಾನಶೂರ ಕರ್ಣನು ಪ್ರಸ್ತುತ ಬಹದೂರ್ ಘಡ್ನಿಂದ 6.5 ಕಿ.ಮೀ ದೂರದಲ್ಲಿರುವ ಮುಸ್ತಫಾಬಾದ್ನಲ್ಲಿ ಕರಣ್ ಕ ಖೇರ ಅಥವಾ ನಿವಾಸವನ್ನು ನಿರ್ಮಿಸಿದ್ದನಂತೆ. ಈ ಪ್ರಾಚೀನ ನಿವಾಸದ ಅವಶೇಷಗಳನ್ನು ಇಂದಿಗು ಇಲ್ಲಿ ಕಾಣಬಹುದಾಗಿದೆ.
ಮಡಿಕೆಯನ್ನು ತಯಾರಿಸುವ ಕಲೆಗೆ ಈ ಊರು ಭಾರೀ ಖ್ಯಾತಿಯನ್ನು ಪಡೆದಿದೆ. ಖುರ್ಜಾ ಪಾಟ್ಟೇರಿ ಎಂಬ ಮಡಿಕೆ ತಯಾರಿಸುವ ಕಲೆಯು ಈ ಊರಿನಿಂದ ಬಂದ ಉತ್ಪಾದನೆಯಾಗಿದೆ. ಈ ಕಲೆಯು ಮೂಲತಃ ಪಾಕಿಸ್ತಾನದಲ್ಲಿರುವ ಮುಲ್ತಾನ್ನಿಂದ ಇಲ್ಲಿಗೆ ಸುಮಾರು 250 ವರ್ಷಗಳ ಹಿಂದೆ ಬಂದಿತು. ಬಹದೂರ್ ಘಡ್ ದೆಹಲಿಯಲ್ಲಿ ಭಾರೀ ಪ್ರಸಿದ್ಧಿಯನ್ನು ಪಡೆದಿರುವ ಕೈಮಗ್ಗಗಳಿಗೆ ಮತ್ತು ಹೈನು ಉತ್ಪನ್ನಗಳಿಗೆ ಸಹ ಖ್ಯಾತಿ ಪಡೆದಿದೆ.