ಕ್ಯಾಂಡೋಲಿಮ್ ಬೀಚಗೆ 3 ಕಿ.ಮೀ ಅಂತರದಲ್ಲಿರುವ ಅಂಜುನಾ ಬೀಚನ್ನು ಸರಳವಾಗಿ ರಸ್ತೆಯ ಮೂಲಕ ತಲುಪಬಹುದಾಗಿದೆ. ಈ ಪ್ರದೇಶದಲ್ಲಿ ವ್ಯವಹಾರಿಕ ಮಾದರಿಯ ಜೀವನಶೈಲಿಯನ್ನು ಹುಡುಕುವುದು ಕಷ್ಟವಾಗಿದ್ದು ಮಂದಗತಿಯಲ್ಲಿ ಹಾಗು ಆರಾಮದಾಯಕವಾಗಿ ಸಾಗುತ್ತಿರುವ ಜೀವನದ ಅನುಭವವನ್ನು ಆಸ್ವಾದಿಸಬಹುದು. ಆಧುನಿಕತೆಯ ಹಲವಾರು ಹೊಟೆಲಗಳಿರುವುದರಿಂದ ನಿಮಗೆ ಇಲ್ಲೊಂದು ವಿಭಿನ್ನ ಬಗೆಯ ಉಲ್ಲಾಸಮಯ ಅನುಭವವಾಗುವುದು ಖಚಿತ.
ಇಲ್ಲಿರುವ 'ಕರ್ಲೀಸ್'ಗೆ ಭೇಟಿ ನೀಡದಿದ್ದರೆ ಅಂಜುನಾ ಬಿಚನ ಪ್ರವಾಸ ಅಸಂಪೂರ್ಣವೆಂದೇ ಹೇಳಬಹುದು. ಇದೊಂದು ಬೀಚ್ ಶ್ಯಾಕ್ ಆಗಿದ್ದು ಪ್ರವಾಸಿಗರು ಮನಹಪೂರ್ವಕವಾಗಿ ವಿರಮಿಸುತ್ತ, ವಿವಿಧ ಬಗೆಯ ಪಾನೀಯಗಳನ್ನು ಹೀರುತ್ತ, ಸಮುದ್ರದ ಅಲೆಗಳನ್ನು ವೀಕ್ಷಿಸುತ್ತ ಸುಂದರವಾಗಿ ಕಾಲ ಕಳೆಯುವ ತಾಣವಾಗಿದೆ. ಇನ್ನೆನಾದರು ನಿಮಗೆ ಕಂಪ್ಯೂಟರಗೆ ಸಂಬಂಧಪಟ್ಟ ಕೆಲಸಗಳಿದ್ದಲ್ಲಿ ಅವುಗಳನ್ನೂ ಕೂಡ ರಜೆಯ ಮೋಜನ್ನು ಮೊಟಕುಗೊಳಿಸಲಾರದೆ ಆರಾಮವಾಗಿ ಮಾಡಬಹುದಾಗಿದೆ.
ಕರ್ಲೀಸನಲ್ಲಿ ಎರಡು ಡೆಕ್ ಗಳಿದ್ದು ಮೇಲಿರುವ ಡೆಕ್ ನಿಂದ ಅಂಜುನಾ ಕಡಲ ತೀರದ ಸುಂದರವಾದ ನೋಟವನ್ನು ವೀಕ್ಷಿಸಬಹುದು. ಬೇರೆಲ್ಲ ತೀರಗಳಿಗಿಂತ ಅಂಜುನಾ ಕಡಲ ತೀರವು ತುಂಬಾ ಕಡಿದಾಗಿರುವುದರಿಂದ ಆಳವಾಗಿದ್ದು ಕಡಲ ಕಾವಲ್ಪಡೆಯು ಸಚೇತವಾಗಿರುವುದನ್ನು ಕಾಣಬಹುದು.
ಇನ್ನು ಈ ಪ್ರದೇಶದ ಮಾರುಕಟ್ಟೆಯು ಕರ್ಲೀಸಗಿಂತ ಅಷ್ಟೇನು ದೂರದಲ್ಲಿಲ್ಲ. ಈ ಕಡಲ ತೀರದಿಂದ ನಿರಾಯಾಸವಾಗಿ ಮಾರುಕಟ್ಟೆಗೆ ತಲುಪಬಹುದಾಗಿದ್ದು, ಮಾರಾಟಕ್ಕಿರುವ ಬಗೆ ಬಗೆಯ ವಸ್ತುಗಳನ್ನು ನೋಡಬಹುದು. ಕಲಂಗುಟ ಹಾಗು ಬಾಗಾ ತೀರದ ಹತ್ತಿರದಲ್ಲೇ ಇರುವ ಅಂಜುನಾ ಕಡಲ ತೀರವು ಪ್ರಶಾಂತತೆಯ ಸಂಕೇತವಾಗಿದ್ದು ನಿಮಗೆ ಸಿಸ್ಸಂಶಯವಾಗಿ ಮರೆಯಲಾಗದ ಅನುಭವವನ್ನು ನೀಡುತ್ತದೆ.