ಮೂಸಿ ಮಹಾರಾಣಿಯ ಚತ್ರಿಯು ಐತಿಹಾಸಿಕ ಮಹತ್ವವಿರುವ ಸ್ಮಾರಕವಾಗಿದೆ. 1815ರಲ್ಲಿ ವಿನಯ್‌ ಸಿಂಗ್‌ರಿಂದ ರಾಜ ಭಕ್ತವರ್ ಸಿಂಗ್‌ ಮತ್ತು ಆತನ ಪತ್ನಿ ರಾಣಿ ಮೂಸಿಯವರಿಗಾಗಿ ಈ ಎರಡು ಅಂತಸ್ತಿನ ಸಮಾಧಿಯು ನಿರ್ಮಿಸಲ್ಪಟ್ಟಿತು. ಕಂಬವನ್ನು ಆನೆಯ ರೀತಿಯಲ್ಲಿ ಕಟ್ಟಿದ್ದು ಪ್ರವಾಸಿಗರಲ್ಲಿ ಆಕರ್ಷಣೆಯನ್ನುಂಟುಮಾಡುತ್ತದೆ. ಮೇಲಿನ ಮಹಡಿಯಲ್ಲಿ ಮಾರ್ಬಲ್‌ ಕಲ್ಲುಗಳಿಂದ ಕೂಡಿದ್ದು ದುಂಡನೆಯ ಚಾವಣಿ ಮತ್ತು ಕಮಾನುಗಳನ್ನು ಹೊಂದಿದೆ. ಸಮಾಧಿಯ ಒಳಾಂಗಣವು ಗೋಡೆ ಚಿತ್ರಗಳಿಂದ ಸಿಂಗರಿಸಲ್ಪಟ್ಟಿದೆ. ಈ ಪ್ರದೇಶದಲ್ಲಿ ಪ್ರವಾಸಿಗರ ಕಣ್ಮನ ತಣಿಸುವ ಇನ್ನೊಂದು ಪ್ರಮುಖ ಸಂಗತಿಯೆಂದರೆ ಬಣ್ಣ ಬಣ್ಣದ ಹಕ್ಕಿಗಳು ಮತ್ತು ನವಿಲುಗಳು ಓಡಾಡುತ್ತಿರುತ್ತವೆ. ಸುಂದರವಾದ ಅರಾವಳಿ ಪರ್ವತಗಳು, ಹಚ್ಚ ಹಸುರು ಮತ್ತು ಸುಂದರವಾದ ಹೂವುಗಳು ಈ ಪ್ರದೇಶಕ್ಕೆ ಸೌಂದರ್ಯವನ್ನು ನೀಡುತ್ತವೆ.