Click it and Unblock the Notifications
ಸಿರೊಂಜ್ ಮೊದಲು ಸಿರೊಂಚ ಎಂದು ಹೆಸರು ಪಡೆದಿತ್ತು. ಇದು ವಿದಿಶಾದ ವಾಯುವ್ಯ ಭಾಗದಲ್ಲಿದೆ. ಬುಂದೇಲ್ಖಂಡಕ್ಕೆ ಸೇರಿದ ಈ ಪಟ್ಟಣವು ಜೈನ ಯಾತ್ರಾ ಸ್ಥಳ. ಸಿರೊಂಜ್ ವಿದಿಶಾದಿಂದ 85 ಕಿಮೀ ದೂರದಲ್ಲಿದೆ. ಇಲ್ಲಿ ಹಲವು ಕೋಟೆಗಳು, ದೇವಾಲಯಗಳು ಮತ್ತು ಮಸೀದಿಗಳಿವೆ. 17ನೇ ಶತಮಾನದ ಮೊಘಲ್ ದೊರೆ ಔರಂಗಜೇಬನು ಸಿರೊಂಜಿನಲ್ಲಿರುವ ಜಮ ಮಸೀದಿಯನ್ನು ಕಟ್ಟಿಸಿದ ಎಂದು ನಂಬಲಾಗಿದೆ. ಮೌಂಟ್ ಎವರೆಸ್ಟ್ನ ಎತ್ತರ ಅಳೆಯಲು 18ನೇ ಶತಮಾನದಲ್ಲಿ ನಿರ್ಮಿಸಿದ್ದ ಕಟ್ಟಡದ ಅವಶೇಷವನ್ನು ಇಲ್ಲಿ ಕಾಣಬಹುದಾಗಿದೆ. ಇಲ್ಲಿ 11ನೇ ಶತಮಾನಕ್ಕೆ ಸೇರಿದ ಗಿರಿಧಾರಿ ದೇವಾಲಯವಿದೆ. ಇಲ್ಲಿನ ಜಟಾಶಂಕರ ಮತ್ತು ಮಹಾಮಾಯ ದೇವಾಲಯಗಳು ಕೂಡ ಪ್ರಸಿದ್ಧವಾದದ್ದು. ಮದನ ಮೋಹನ ದೇವಾಲಯವು ದೇಶದ ಪುರಾತನ ದೇವಾಲಯಗಳಲ್ಲಿ ಒಂದು. ಸಿರೊಂಜ್ ಮಸ್ಲಿನ್ ಮತ್ತು ಕಾಲಿಕೊಸ್ ಬಟ್ಟೆಗಳಿಗೆ ಪ್ರಸಿದ್ಧವಾಗಿದೆ. ಇದು ಭಾರತದ ಪುರಾತನ ಪಟ್ಟಣಗಳಲ್ಲಿ ಒಂದು.
