Click it and Unblock the Notifications
ವೆಕ್ಕಾಲಿಅಮ್ಮನ್ ದೇವಸ್ಥಾನವನ್ನು ವೊರಾಯುರ್ ಎಂಬಲ್ಲಿ ಸ್ಥಾಪಿಸಲಾಗಿದೆ. ಇದು ತಿರುಚ್ಚಿ ನಗರದಿಂದ 7 ಕೀ.ಮಿ ದೂರದಲ್ಲಿದೆ. ಈ ದೇವಸ್ಥಾನವು ಚೋಳರ ಪ್ರಮುಖ ಕೇಂದ್ರವಾಗಿದ್ದು, ಒಂದು ಪ್ರಮಖ ಯಾತ್ರಾ ಕೇಂದ್ರವಾಗಿದೆ. ಈ ದೇವಸ್ಥಾನದ ಅತ್ಯಂತ ಗಮನಾರ್ಹ ವೈಶಿಷ್ಟ್ಯ ಏನೆಂದರೆ ದೇವಸ್ಥಾನದ ಪ್ರಮುಖ ದೇವತೆಯ ದೇವಾಲಯದ ಮೇಲೆ ಛಾವಣಿಯೇ ಇಲ್ಲ.
ಇದರ ಹಿಂದೆ ಒಂದು ಕಾರಣವಿದೆ. ಈ ದೇವಸ್ಥಾನದ ದೇವತೆಯಾದ ವೆಕ್ಕಾಲಿ ಅಮ್ಮನಳು ತನ್ನ ಭಕ್ತರಿಗೆ ಈ ರೀತಿಯಾಗಿ ಆದೇಶಿಸಿದ್ದಳಂತೆ ”ಎಲ್ಲಿಯವರೆಗೂ ಭೂಮಿಯ ಮೇಲಿನ ಪ್ರತಿಯೊಬ್ಬ ಮಾನವನಿಗೆ ತಲೆಯ ಮೇಲೆ ಸೂರು ಸಿಗುವುದಿಲ್ಲವೋ, ಅಲ್ಲಿಯವರೆಗೂ ನನ್ನ ತಲೆಯ ಮೇಲೆ ಸೂರು ಬೇಡ” ಎಂದು. ಮಂಗಳವಾರ ಮತ್ತು ಶುಕ್ರವಾರ ದೇವಿಯ ವಿಶೇಷ ದಿನಗಳು. ಈ ದಿನಗಳಲ್ಲಿ ದೇವಸ್ಥಾನಕ್ಕೆ ಹೆಚ್ಚು ಭಕ್ತರು ಭೇಟಿ ನೀಡುವರು.
