ಈ ಜಲಪಾತದ ನೀರು ಪಾಪಿಗಳ ಮೈ ಮೇಲೆ ಬೀಳೋದಿಲ್ಲವಂತೆ !

ನೀವು ಸಾಕಷ್ಟು ಜಲಪಾತಗಳನ್ನು ನೋಡಿರುವಿರಿ , ಕೇಳಿರುವಿರಿ. ಕೆಲವು ಜಲಪಾತಗಳು ಎತ್ತರಕ್ಕೆ ಪ್ರಸಿದ್ಧವಾಗಿದ್ದರೆ, ಇನ್ನೂ ಕೆಲವು ತನ್ನ ಸೌಂದರ್ಯಕ್ಕೆ ಹೆಸರುವಾಸಿಯಾಗಿದೆ. ಇನ್ನೂ ಕೆಲವು ಜಲಪಾತಗಳು ತನ್ನ ಔಷಧೀಯಗುಣಗಳಿಂದ ವಿಶೇಷವಾಗಿದೆ. ಇಂದು ನಾವು ಒಂದು ವಿಶೇಷ ಜಲಪಾತದ ಬಗ್ಗೆ ತಿಳಿಸಲಿದ್ದೇವೆ. ಅದೇನೆಂದರೆ ಇಲ್ಲಿನ ಜಲಪಾತದ ನೀರು ಎಲ್ಲರ ಮೇಲೂ ಬೀಳೋದಿಲ್ಲವಂತೆ . PC:Gouravmshಹೌದು ಈ ಜಲಪಾತ ಎಲ್ಲಾ ಜಲಪಾತದಂತೆ ಅಲ್ಲ. ಇದು ಎಲ್ಲಾ ಮನುಷ್ಯರ ಮೇಲೆ ಬೇಳೋದಿಲ್ಲವಂತೆ. ಈ ವಿಶೇಷ ಜಲಪಾತವೇ ವಸುಧಾರ ಫಾಲ್ಸ್ . ಇತರ ಫಾಲ್ಸ್ ಗಳಂತೆ ಇದು ಕೂಡಾ ಮೇಲಿನಿಂದ ಕೆಳಕ್ಕೆ ಧುಮ್ಮುಕ್ಕುತ್ತದೆ. ಆದರೆ ಇದರ ನೀರು ಅಲ್ಲಿಗೆ ಬರುವ ಪ್ರತಿಯೊಬ್ಬರ ಮೇಲೂ ಬೀಳೋದಿಲ್ಲವಂತೆ. PC: Bodhisattwaಯಾರು ಪೂಣ್ಯವಂತರೋ ಅವರ ಮೇಲಷ್ಟೇ ನೀರು ಬೀಳುತ್ತದೆ. ಪಾಪಿಗಳ ಮೇಲೆ ಬೀಳೋದಿಲ್ಲವಂತೆ. ಒಂದು ವೇಳೆ ನೀವು ಪಾಪಿಗಳಾಗಿದ್ದರೆ ವಸುಧಾರ ಫಾಲ್ಸ್ ನಿಮ್ಮ ಮೈಯನ್ನು ಮುಟ್ಟೋದೂ ಇಲ್ಲವಂತೆ. PC:Bhawna Deyಸುಮಾರು 400 ಫೀಟ್ ಎತ್ತರದಿಂದ ಧುಮ್ಮುಕ್ಕುತ್ತದೆ. ಪಂಚ ಪಾಂಡವರ ಸಹದೇವ್ ತನ್ನ ಪ್ರಾಣ ತ್ಯಾಗ ಮಾಡಿದ ಸ್ಥಳ ಹಾಗೂ ಅರ್ಜುನ್ ಗಾಂಡಿವ್ಯ ತ್ಯಾಗ ಮಾಡಿದ ಸ್ಥಳ ಇದಾಗಿದೆ ಎನ್ನಲಾಗುತ್ತದೆ. PC: Bodhisattwaಬದ್ರಿನಾಥ್ ನಿಂದ 8 ಕಿ.ಮೀ ದೂರದಲ್ಲಿದೆ. ಬದ್ರಿನಾಥ ಯಾತ್ರೆಗೆ ಹೋಗುವವರು ಈ ಜಲಪಾತವನ್ನು ಭೇಟಿ ನೀಡಿಯೇ ಮುಂದೆ ಸಾಗುತ್ತಾರೆ. ಇಷ್ಟು ದೂರದಿಂದ ಬೀಳುವ ನೀರು ಮುತ್ತಿನಂತೆ ಕಾಣುತ್ತದೆ. ಬರೀ ದೇಶದಲ್ಲಷ್ಟೇ ಅಲ್ಲ ವಿದೇಶದಲ್ಲೂ ಈ ಫಾಲ್ಸ್ ನ ಚರ್ಚೆ ಇದೆ. PC: Rdpatel94ಈ ಜಲಪಾತದ ರಸ್ತೆಯಲ್ಲಿ ಅನೇಕ ಆಯುರ್ವೇದಿಕ್ ಗಿಡಮೂಲಿಕೆಗಳಿವೆ. ಹಾಗಾಗಿ ಈ ಜಲಪಾತದ ಒಂದು ಹನಿಯೂ ನಿಮ್ಮ ಮೇಲೆ ಬಿದ್ದರೆ ನೀವು ರೋಗಗಳಿಂದ ಮುಕ್ತರಾಗುತ್ತೀರಿ ಎನ್ನಲಾಗುತ್ತದೆ. ಆದ್ದರಿಂದ ಬಹಳಷ್ಟು ಜನರು ಈ ಪಾಲ್ಸ್ ಗೆ ಭೇಟಿ ನೀಡುತ್ತಾರೆ. PC: Gouravmshವಸುಧಾರ ಫಾಲ್ಸ್ ಗೆ ಟ್ರಕ್ಕಿಂಗ್ ಹೋಗಬಹುದು. ಮನದಿಂದ ವಸುಧಾರಗೆ 2 ಗಂಟೆಯ ಟ್ರಕ್ಕಿಂಗ್ ಹಿಡಿಯುತ್ತದೆ. ಅಲ್ಲ ದಾರಿಮಧ್ಯೆ ಕುಡಿಯಲು, ತಿನ್ನಲು ಏನೂ ಸಿಗೋದಿಲ್ಲ. ಹಾಗಾಗಿ ಕುಡಿಯುವ ನೀರು ಹಾಗೂ ಸ್ನಾಕ್ಸ್ ನ್ನು ತರುವುದು ಒಳ್ಳೆಯದು. ಲಕ್ಷಿ ವನ ಕಾಡಿನ ಮೂಲಕ ಟ್ರಕ್ಕಿಂಗ್ ಹೋಗಬೇಕು. ನೀವು ಮುಂಜಾನೆಯೇ ಟ್ರಕ್ಕಿಂಗ್ ಆರಂಭಿಸಿದರೆ ಸಂಜೆ ಹೊತ್ತಿಗೆ ಮರಳಬಹುದು.