ಎತ್ತರದ ಗೋಪುರಗಳು ಹಾಗು ವಿಮಾನಗಳು

ಮುರುಡೇಶ್ವರ ದೇವಸ್ಥಾನ:

ಕರ್ನಾಟಕ ರಾಜ್ಯದ ಮುರುಡೇಶ್ವರದಲ್ಲಿರುವ ಈ ರಾಜ ಗೋಪುರವು ದೇಶದ ಅತಿ ಎತ್ತರದ ಗೋಪುರವಾಗಿದೆ. ತನ್ನ ಮೂರು ಬದಿಗಳಲ್ಲಿ ಅರೇಬಿಯನ್ ಸಮುದ್ರದಿಂದ ಆವರಿಸಿರುವ ಕಂದುಕ ಗುಡ್ಡದ ಮೇಲೆ ನಿರ್ಮಿಸಲಾಗಿರುವ ಈ ಗೋಪುರವು 249 ಅಡಿಗಳಷ್ಟು ಎತ್ತರವಿದೆ. ಈ ದೇವಾಲಯ ಶಿವನಿಗೆ ಸಮರ್ಪಿತವಾದ ದೇವಾಲಯವಾಗಿದೆ.

ಚಿತ್ರಕೃಪೆ: Nilesh Kodikal

ಶ್ರೀರಂಗನಾಥಸ್ವಾಮಿ ದೇವಾಲಯ, ಶ್ರೀರಂಗಂ

ತಮಿಳುನಾಡಿನ ಶ್ರೀರಂಗಂ ಧಾರ್ಮಿಕ ಕ್ಷೇತ್ರದಲ್ಲಿರುವ ಈ ದೇವಸ್ಥಾನವು ವಿಷ್ಣುವಿನ ಅವತಾರ ರಂಗನಾಥ ಸ್ವಾಮಿಗೆ ಸಮರ್ಪಿತವಾದ ದೇವಾಲಯವಾಗಿದೆ. 243 ಅಡಿಗಳಷ್ಟು ಎತ್ತರವಿರುವ ಈ ದೇವಾಲಯದ ಗೋಪುರವು ಭಾರತದ ಅತಿ ಎತ್ತರದ ಗೋಪುರಗಳ ಪೈಕಿ ಒಂದಾಗಿದೆ.

ಚಿತ್ರಕೃಪೆ: sowrirajan s

ಅನ್ನಾಮಲಯರ್/ಅರುಣಾಚಲೇಶ್ವರ ದೇವಸ್ಥಾನ, ತಿರುವಣ್ಣಾಮಲೈ

ತಮಿಳುನಾಡಿನ ತಿರುವಣ್ಣಾಮಲೈನಲ್ಲಿರುವ ಶಿವನಿಗೆ ಸಮರ್ಪಿತವಾದ ಈ ದೇವಸ್ಥಾನದ ಗೋಪುರವು 216.5 ಅಡಿಗಳಷ್ಟು ಎತ್ತರವಿದೆ. ಅಣ್ಣಾಮಲೈ ಪರ್ವತಗಳ ಬುಡದಲ್ಲಿ ನೆಲೆಸಿರುವ, ಅರುಣಾಚಲೇಶ್ವರ ಎಂತಲೂ ಕರೆಸಿಕೊಳ್ಳುವ ಈ ದೇವಸ್ಥಾನವು ಪಂಚಭೂತ ದೇವಸ್ಥಾನಗಳ ಪೈಕಿ ಒಂದಾಗಿದೆ.

ಚಿತ್ರಕೃಪೆ: Adam Jones adamjones.freeservers.com

ತಿರುವಿಲ್ಲಿಪುತೂರ್ ದಿವ್ಯ ದೇಶಂ:

ತಮಿಳುನಾಡಿನ ಶ್ರೀವಿಲ್ಲಿಪುತೂರ್ ಪಟ್ಟಣದಲ್ಲಿರುವ ಈ ದೇವಸ್ಥಾನದ ಗೋಪುರವು 193.5 ಅಡಿಗಳಷ್ಟು ಎತ್ತರವಿದೆ. 2000ವರ್ಷಗಳಷ್ಟು ಪುರಾತನವಾದ ಈ ದೇವಸ್ಥಾನವು ವಿಷ್ಣುವಿನ ಆಲಯವಾಗಿದ್ದು 108 ದಿವ್ಯದೇಶಂ ಗಳ ಪೈಕಿ ಒಂದಾಗಿದೆ. ಮದುರೈನಿಂದ 74 ಕಿ.ಮೀ ಗಳಷ್ಟು ದೂರದಲ್ಲಿ ಈ ದೇವಸ್ಥಾನವಿದೆ.

ಚಿತ್ರಕೃಪೆ

ಉಳಗಳಂದ ಪೆರುಮಾಳ್ ದೇವಸ್ಥಾನ:

ತಮಿಳುನಾಡಿನ ತಿರುಕ್ಕೊಯಿಲೂರ್ ನಲ್ಲಿರುವ ಈ ದೇವಸ್ಥಾನವು ಭಗವಾನ್ ವಿಷ್ಣುವಿಗೆ ಸಮರ್ಪಿತವಾದ ದೇವಾಲಯವಾಗಿದೆ. ದಿವ್ಯದೇಶಂ ನ 108 ದೇವಸ್ಥಾನಗಳ ಪೈಕಿ ಇದು ಕೂಡ ಒಂದಾಗಿರುವ ಈ ದೇವಸ್ಥಾನದ ಗೋಪುರದ ಎತ್ತರವು 192 ಅಡಿಗಳಷ್ಟು.

ಚಿತ್ರಕೃಪೆ: Bmohanraj91

ಏಕಾಂಬರೇಶ್ವರರ್ ದೇವಸ್ಥಾನ:

ತಮಿಳುನಾಡಿನ ಕಾಂಚೀಪುರಂ ನಲ್ಲಿರುವ ಬೃಹತ್ ದೇವಾಲಯ ಇದಾಗಿದೆ. ಶಿವನಿಗೆ ಸಮರ್ಪಿತವಾದ ಈ ದೇವಾಲಯದ ಗೋಪುರದ ಎತ್ತರವು 190 ಅಡಿಗಳು.

ಚಿತ್ರಕೃಪೆ: Ssriram mt

ಮೀನಾಕ್ಷಿ ಅಮ್ಮನವರ ದೇವಸ್ಥಾನ:

ತಮಿಳುನಾಡಿನ ಪ್ರಖ್ಯಾತ ಶ್ರೀಕ್ಷೇತ್ರ ಮದುರೈನಲ್ಲಿರುವ ಮೀನಾಕ್ಷಿ ದೇವಿಯ ಈ ದೇವಸ್ಥಾನ ಸಮೂಹದಲ್ಲಿ ಒಟ್ಟು 14 ಗೋಪುರಗಳಿದ್ದು, ಅತ್ಯಂತ ಎತ್ತರದ ಗೋಪುರವು 170 ಅಡಿಗಳಷ್ಟು ಎತ್ತರವಿದೆ.

ಸಾರಂಗಪಾಣಿ ದೇವಸ್ಥಾನ:

ತಮಿಳುನಾಡಿನ ಕುಂಭಕೋಣಂ ನಲ್ಲಿರುವ ಈ ದೇವಸ್ಥಾನವು ವಿಷ್ಣುವಿಗೆ ಸಮರ್ಪಿತವಾದ ದೇವಸ್ಥಾನವಾಗಿದ್ದು 164 ಅಡಿಗಳಷ್ಟು ಎತ್ತರದ ರಾಜಗೋಪುರವನ್ನು ಹೊಂದಿದೆ.

ಚಿತ್ರಕೃಪೆ: Adam Jones adamjones.freeservers.com

ರಾಜಗೋಪಾಲಸ್ವಾಮಿ ದೇವಾಲಯ:

ತಮಿಳುನಾಡಿನ ಮನ್ನಾರಗುಡಿಯಲ್ಲಿರುವ ರಾಜಗೋಪಾಲ ಸ್ವಾಮಿಯ ದೇವಸ್ಥಾನದ ಗೋಪುರವು 154 ಅಡಿಗಳಷ್ಟು ಎತ್ತರವಿದೆ.

ವಿಮಾನಗಳು: ಬೃಹದೇಶ್ವರ ದೇವಸ್ಥಾನ

ತಮಿಳುನಾಡಿನ ತಂಜಾವೂರಿನಲ್ಲಿರುವ ವಿಶ್ವ ಪ್ರಖ್ಯಾತ ಬೃಹದೇಶ್ವರ ದೇವಸ್ಥಾನವು 216 ಅಡಿಗಳಷ್ಟು ಎತ್ತರದ ವಿಮಾನ ಗೋಪುರವನ್ನು ಹೊಂದಿದೆ.

ಚಿತ್ರಕೃಪೆ: gf

ವಿಮಾನಗಳು: ಪುರಿ ದೇವಸ್ಥಾನ

ಒಡಿಶಾ ರಾಜ್ಯದ ಪುರಿಯಲ್ಲಿರುವ ಜಗನ್ನಾಥ ಸ್ವಾಮಿಯ ಈ ದೇವಸ್ಥಾನದ ವಿಮಾನವು 216 ಅಡಿಗಳಷ್ಟು ಎತ್ತರವಿದೆ.

ಚಿತ್ರಕೃಪೆ: Amartyabag

ವಿಮಾನಗಳು: ಲಿಂಗರಾಜ ದೇವಸ್ಥಾನ

ಒಡಿಶಾ ರಾಜ್ಯದ ರಾಜಧಾನಿ ನಗರವಾದ ಭುವನೇಶ್ವರದಲ್ಲಿರುವ ಲಿಂಗರಾಜನ ಈ ದೇವಸ್ಥಾನದ ವಿಮಾನ ಗೋಪುರವು 183.7 ಅಡಿಗಳಷ್ಟು ಎತ್ತರವಾಗಿದೆ.

ಚಿತ್ರಕೃಪೆ

ವಿಮಾನಗಳು: ಕೋನಾರ್ಕ್ ಸೂರ್ಯ ದೇವಾಲಯ

ಒಡಿಶಾದ ಕೋನಾರ್ಕ್ ನಲ್ಲಿರುವ ವಿಶ್ವಪಾರಂಪರಿಕ ತಾಣವಾದ ಕೋನಾರ್ಕ್ ಸೂರ್ಯ ದೇವಾಲಯವು 130 ( ಮುಂಚೆ 230 ಅಡಿಗಳು) ಅಡಿಗಳಷ್ಟು ಎತ್ತರದ ವಿಮಾನ ಗೋಪುರವನ್ನು ಹೊಂದಿದೆ.

ಚಿತ್ರಕೃಪೆ: G-u-t