ಮೈಸೂರು ಮೃಗಾಲಯಕ್ಕೊಂದು ಭೇಟಿ

ಪಾರಂಪರಿಕ ನಗರ, ಸಾಂಸ್ಕೃತಿಕ ರಾಜಧಾನಿ ಎಂಬೆಲ್ಲ ಮನ್ನಣೆಗಳಿಸಿರುವ ಮೈಸೂರು ನಗರದ ಹೃದಯ ಭಾಗದಲ್ಲಿ ವನ್ಯಜೀವಿ ಛಾಯಾಚಿತ್ರ ಪ್ರಿಯ ಪ್ರವಾಸಿಗರಿಗೊಂದು ಹೇಳಿ ಮಾಡಿಸಿದಂತಹ ಅದ್ಭುತ ಆಕರ್ಷಣೆಯಿದೆ. ಅದುವೇ ಮೈಸೂರು ಮೃಗಾಲಯ. ಅಧಿಕೃತವಾಗಿ ಶ್ರೀ ಚಾಮರಾಜೇಂದ್ರ ಮೃಗಾಲಯ ಎಂದು ಕರೆಯಲ್ಪಡುವ ಈ ಪ್ರಸಿದ್ಧ ಉದ್ಯಾನ ಭಾರತದ ಪುರಾತನ ಮೃಗಾಲಯಗಳ ಪೈಕಿ ಒಂದಾಗಿದ್ದು ಸುಮಾರು 157 ಎಕರೆಯಷ್ಟು ವಿಶಾಲವಾದ ಪ್ರದೇಶದಲ್ಲಿ ಸುಸಜ್ಜಿತವಾಗಿ ವಿನ್ಯಾಸಗೊಳಿಸಲ್ಪಟ್ಟಿದೆ.ಸಾಮಾನ್ಯವಾಗಿ ಮಕ್ಕಳಿಗೆ ಕಾಡು ಅಥವಾ ಕಾಡಲ್ಲಿರುವ ಪ್ರಾಣಿಗಳನ್ನು ನೋಡುವುದು ಎಂದರೆ ತುಂಬಾನೆ ಇಷ್ಟ. ಕೇವಲ ಮಕ್ಕಳೇಕೆ, ಹಿರಿಯರಿಗೂ ಇದು ಖುಷಿ ಕೊಡುವಂತಹ ಸಂಗತಿ. ಆದರೆ ಕಾಡಲ್ಲಿರುವ ವಿವಿಧ ಪ್ರಾಣಿ ಪಕ್ಷಿಗಳನ್ನು ನೋಡಲು ಹೊರಡುವುದು ತುಸು ಕಷ್ಟಕರ. ಅಲ್ಲದೆ ಸಾಕಷ್ಟು ಸಮಯವೂ ಪೋಲು. ಹೀಗಿರುವಾಗ, ಒಂದೆ ಒಂದು ಸ್ಥಳದಲ್ಲಿ ಸಾಕಷ್ಟು ವಿಧ ವಿಧದ ಪ್ರಾಣಿ ಪಕ್ಷಿಗಳನ್ನು ನಿರಾಯಾಸವಾಗಿ ನೋಡುವುದೆಂದರೆ...ಖಂಡಿತವಾಗಿಯೂ ಎಲ್ಲರಿಗೂ ಇಷ್ಟವಾಗುತ್ತದೆ. ಇಂತಹ ಒಂದು ಸುಂದರ ಅನುಭವವನ್ನು ಮೈಸೂರು ಮೃಗಾಲಯಕ್ಕೆ ಭೇಟಿ ನೀಡಿ ಪಡೆದುಕೊಳ್ಳಬಹುದು.ಮಂಗಳವಾರವೊಂದನ್ನು ಹೊರತುಪಡಿಸಿ ವಾರದ ಎಲ್ಲ ದಿನವೂ ಈ ಮೃಗಾಲಯ ಭೇಟಿ ನೀಡುವವರಿಗೆಂದು ಬೆಳಿಗ್ಗೆ 8.30 ಘಂಟೆಯಿಂದ ಸಂಜೆ 5.30 ರ ವರೆಗೆ ತೆರೆದಿರುತ್ತದೆ. ಪ್ರವೇಶ ಶುಲ್ಕ ರೂ 50/- ಒಬ್ಬರಿಗೆ. ಇನ್ನೂ ಮೃಗಾಲಯವು ಎರಡು ಕಿ.ಮೀ ಗಳಷ್ಟು ಪಾದಚಾರಿ ಮಾರ್ಗ ಹೊಂದಿರುವುದರಿಂದ ನಡೆಯಲಾಗದವರು ಅಥವಾ ಹಿರಿಯರಿಗೆಂದು ಬ್ಯಾಟರಿ ಚಾಲಿತ ವಾಹನವಿದ್ದು ಅದರ ಸೇವೆಯನ್ನು ಪಡೇಯಬಹುದು.ಮೈಸೂರು ಮೃಗಾಲಯದಲ್ಲಿ ಒಟ್ಟಾರೆಯಾಗಿ 150 ಕ್ಕೂ ಅಧಿಕ ಬಗೆಯ ಪ್ರಾಣಿ ಪಕ್ಷಿಗಳನ್ನು ಕಾಣಬಹುದಾಗಿದೆ. ಇತ್ತೀಚಿಗಷ್ಟೆ ಶ್ರೀಲಂಕಾ ದೇಶದಿಂದ ಹಸಿರು ಅನಾಕೊಂಡಾ ಹೆಬ್ಬಾವುಗಳನ್ನು ಇಲ್ಲಿ ಕರೆತರಲಾಗಿದೆ. ಪ್ರಸ್ತುತ ಲೇಖನವು ಮೈಸೂರು ಮೃಗಾಲಯದ ಕೆಲ ಪ್ರಾಣಿ ಪಕ್ಷಿಗಳ ಚಿತ್ರ ಸವಾರಿಯನ್ನು ಮಾಡಿಸುತ್ತದೆ. ಮೈಸೂರು ಮೃಗಾಲಯದ ಪ್ರವೇಶ ದ್ವಾರ.ಚಿತ್ರಕೃಪೆ: Punithsureshgowda ಮೃಗಾಲಯದಲ್ಲಿರುವ ರಾಯಲ್ ಬೆಂಗಾಲ್ ಹುಲಿ.ಚಿತ್ರಕೃಪೆ: Dhar ಮೃಗಾಲಯದಲ್ಲಿ ಕಂಡುಬರುವ ಗೌರ್ (ಕಾಡೆತ್ತು/ವನವೃಷಭ).ಚಿತ್ರಕೃಪೆ: VasuVR ಕಾಡಿನ ರಾಜ ಎಂದೆ ಖ್ಯಾತಿ ಪಡೆದ ಏಷಿಯಾದ ಸಿಂಹ....ಚಿತ್ರಕೃಪೆ: Mutyalarao ಅಫ್ರಿಕಾ ಮೂಲದ ಬಬೂನ್ ಕೋತಿ.ಚಿತ್ರಕೃಪೆ: VasuVR ಎರಡು ಕೊಂಬುಗಳುಳ್ಳ ಖಡ್ಗಮೃಗ ಅಥವಾ ಘೇಂಡಾಮೃಗ.ಚಿತ್ರಕೃಪೆ: VasuVR ಭಾರತೀಯ ಗ್ರೇಟ್ ಹಾರ್ನ್ ಬಿಲ್ ಪಕ್ಷಿ. ಬಿಳಿ ಹಾಗೂ ಗುಲಾಬಿ ವರ್ಣದ ಫ್ಲೆಮಿಂಗೊ ಹಕ್ಕಿ. ಜಗತ್ತಿನ ಹಾರಬಹುದಾದ ಅತಿ ದೊಡ್ಡ ಹಕ್ಕಿ ಕ್ರೇನ್ ಪಕ್ಷಿ. ಒಂದು ರೀತಿಯ ವಿಭಿನ್ನವಾದ ಹಕ್ಕಿ. ಗಂಭೀರವಾಗಿ ವಿರಮಿಸುತ್ತಿರುವ ಮೃಗಾಲಯದಲ್ಲಿನ ಕಾಡೆಮ್ಮೆ. ಘಂಟೆಗೆ 90 ಕ್ಕೂ ಅಧಿಕ ಕಿ.ಮೀ ಸಾಗಬಲ್ಲ ಚಿರತೆ. ಮೃಗಾಲಯದಲ್ಲಿ ಕಂಡುಬರುವ ಭಾರತೀಯ ತೋಳ. ಮೃಗಾಲಯದಲ್ಲಿರುವ ಸ್ಲಾತ್ ಕರಡಿ. ಸ್ವಚ್ಛಂದವಾಗಿ ಮೇಯುತ್ತಿರುವ ಜಿಂಕೆಗಳು. ತಂಪಾದ ಜೌಗು ಪ್ರದೇಶದಲ್ಲಿ ಕಾಲ ಕಳೆಯುತ್ತಿರುವ ಬಾತುಗಳು. ನಿಗದಿಪಡಿಸಲಾದ ವಿಶಾಲವಾದ ಸ್ಥಳದಲ್ಲಿ ಜೀವನ ಸಾಗಿಸುತ್ತಿರುವ ಆನೆಗಳು. ಮೀರ್ ಕ್ಯಾಟ್ ಎಂದು ಕರೆಯಲ್ಪಡುವ ಒಂದು ವಿಶಿಷ್ಟ ಸಸ್ತನಿ. ಸಾಮಾನ್ಯವಾಗಿ ರಾತ್ರಿಅ ಸಮಯದಲ್ಲಿ ಮೇಯುತ್ತ ದಿನವಿಡಿ ವಿಶ್ರಮಿಸುವ ಕಡವೆಗಳು. ಗಾಜಿನ ಮನೆಯಲ್ಲಿ ಇಡಲಾದ ಒಂದು ಬಗೆಯ ಹಾವು. ನೋಡಲು ಆಕರ್ಷಕವಾಗಿ ಕಾಣುವ ವೈನ್ ಹಾವು. ಇತರೆ ಹಾವುಗಳನ್ನು ತಿಂದು ಬದುಕುವ ವಿಷ್ಪುರಿತ ಕಾಳಿಂಗ ಸರ್ಪ ಅಥವಾ ಕಿಂಗ್ ಕೋಬ್ರಾ. ಶ್ರೀಲಂಕಾದಿಂದ ಕರೆತರಲಾಗಿರುವ ಹಸಿರು ಅನಾಕೊಂಡಾ ಹಾವು. ಕೊಳದಿಂದ ತುಸು ದೂರದಲ್ಲಿ ವಿರಮಿಸುತ್ತಿರುವ ಮೊಸಳೆ. ಸುಡು ಬಿಸಿಲಿನಲ್ಲಿ ತಂಪಾದ ನೀರಿನಲ್ಲಿ ವಿಶ್ರಾಂತಿ ಪಡೆಯುತ್ತಿರುವ ಮೊಸಳೆ. ಒಂದು ವಿಶಾಲವಾದ ಪ್ರದೇಶವು ಗಿಡಮರಗಳಿಂದ ತುಂಬಿದ್ದು ಮೇಲ್ಭಾಗದಿಂದ ಸಂಪೂರ್ಣವಾಗಿ ಜಾಳಿಗೆಯನ್ನು ಹೊಂದಿದೆ. ಇಲ್ಲಿ ಪಕ್ಷಿಗಳು ಸ್ವಚ್ಛಂದವಾಗಿ ಗಿಡದಿಂದ ಗಿಡಕ್ಕೆ ಹಾರುತ್ತಿರುವುದನ್ನು ನೀವು ಗಮನಿಸಬಹುದು. ಇದಕ್ಕೆಂದೆ ಕಬ್ಬಿಣದ ಸರಪಳಿಗಳ ಪರದೆಯ ಪ್ರವೇಶ ದ್ವಾರವಿದೆ. ಪಕ್ಷಿಗಳ ಜೊತೆಯಲ್ಲೆ ನೀವು ಒಬ್ಬರಾಗಿರುವ ಅನುಭವ ನಿಮ್ಮದಾಗುತ್ತದೆ ಈ ಸ್ಥಳವನ್ನು ಪ್ರವೇಶಿಸಿದಾಗ. ಈ ಸ್ಥಳದಲ್ಲಿ ಕಂಡುಬರುವ ಪಕ್ಷಿಗಳು. ವಿರಮಿಸುತ್ತಿರುವ ಹಕ್ಕಿಗಳು. ಮತ್ತೊಂದು ನೋಟ. ಕೊಕ್ಕರೆ, ಬಾತು, ಹೆಬ್ಬಾತು ಹೀಗೆ ವಿಧ ವಿಧದ ಹಕ್ಕಿಗಳು ವಾಸವಾಗಿವೆ ಇಲ್ಲಿ. ಪೆಲಿಕನ್ ಹಕ್ಕಿಗಳು. ಪೆಲಿಕನ್ ಹಕ್ಕಿಗಳು. ದೈತ್ಯಾಕಾರದ ಪೆಲಿಕನ್ ಹಕ್ಕಿಗಳು. ಕೆಮೆನ್ ಎಂದೆ ಕರೆಯಲ್ಪಡುವ ತುಸು ಚಿಕ್ಕ ಗಾತ್ರದ ಮೊಸಳೆ. ನೀರಾನೆ ಅಥವಾ ಹಿಪ್ಪೊ. ಅಚ್ಚಲ್ಲಿ ನಿರ್ಮಿಸಿದಂತೆ ಅತಿ ಸುಂದರ ವರ್ಣಗಳಿಂದ ಕೂಡಿರುವ ಒಂದು ಹಕ್ಕಿ. ಎತ್ತರ ಕಾಯದ ಜಿರಾಫೆ.