Click it and Unblock the Notifications
IRCTC Tour Plan: ಶ್ರಾವಣ ಮಾಸ ಕೆಲವೇ ದಿನಗಳಲ್ಲಿ ಪ್ರಾರಂಭವಾಗುತ್ತದೆ. ಈ ಸಮಯದಲ್ಲಿ ನೀವು ನಿಮ್ಮ ಕುಟುಂಬ ಅಥವಾ ಸ್ನೇಹಿತರೊಂದಿಗೆ ಧಾರ್ಮಿಕ ಸ್ಥಳಗಳಿಗೆ ಭೇಟಿ ನೀಡಲು ಯೋಜಿಸುತ್ತಿದ್ದರೆ ಐಆರ್ಸಿಟಿಸಿ ವಿಶೇಷ ಬಜೆಟ್ ಪ್ರವಾಸ ಪ್ಯಾಕೇಜ್ ಅನ್ನು ಪ್ರಾರಂಭಿಸಿದೆ. ಈ ಪ್ಯಾಕೇಜ್ನಲ್ಲಿ ನಿಮ್ಮ ವಾಸ್ತವ್ಯ, ಆಹಾರ ಮತ್ತು ಪ್ರಯಾಣ ಎಲ್ಲವೂ ಉಚಿತವಾಗಿರುತ್ತದೆ. ಆದ್ದರಿಂದ ಈ ಪ್ಯಾಕೇಜ್ ಬಗ್ಗೆ ಮತ್ತು ನೀವು ಈ ಪ್ಯಾಕೇಜ್ ಅನ್ನು ಹೇಗೆ ಬುಕ್ ಮಾಡಬಹುದು ಎಂಬುದರ ಬಗ್ಗೆ ತಿಳಿಯೋಣ...
ಇಡೀ ಪ್ಯಾಕೇಜ್ನಲ್ಲಿ ಏನಿದೆ?
ಉಜ್ಜಯಿನಿ -ಓಂಕಾರೇಶ್ವರ ಜ್ಯೋತಿರ್ಲಿಂಗ ಹೆಸರಿನ ಈ ಪ್ಯಾಕೇಜ್ 2 ರಾತ್ರಿ ಮತ್ತು 3 ಹಗಲುಗಳದ್ದಾಗಿದೆ. ಈ ಪ್ಯಾಕೇಜ್ನಲ್ಲಿ ನೀವು ಮಧ್ಯಪ್ರದೇಶದ ಎರಡು ಧಾರ್ಮಿಕ ಸ್ಥಳಗಳಿಗೆ ಭೇಟಿ ನೀಡುವ ಅವಕಾಶವನ್ನು ಪಡೆಯುತ್ತೀರಿ. ಮೊದಲಿಗೆ ನಿಮ್ಮನ್ನು ಉಜ್ಜಯಿನಿಯ ಮಹಾಕಾಳೇಶ್ವರ ದೇವಾಲಯವನ್ನು ನೋಡಲು ಕರೆದೊಯ್ಯಲಾಗುತ್ತದೆ. ಆ ನಂತರ ಇಂದೋರ್ ಬಳಿಯ ಓಂಕಾರೇಶ್ವರ ಜ್ಯೋತಿರ್ಲಿಂಗದ ದರ್ಶನವೂ ನಡೆಯಲಿದೆ. ಇದು 12 ಜ್ಯೋತಿರ್ಲಿಂಗಗಳಲ್ಲಿ ಒಂದಾಗಿದೆ. ಈ ಪ್ಯಾಕೇಜ್ನಲ್ಲಿ ನೀವು ಎರಡೂ ಸ್ಥಳಗಳಲ್ಲಿ 1 ರಾತ್ರಿ ಉಳಿಯಲು ಅವಕಾಶವನ್ನು ಪಡೆಯುತ್ತೀರಿ. ಇದರ ಹೊರತಾಗಿ, ನೀವು ಟೋಲ್, ಪಾರ್ಕಿಂಗ್, ಜಿಎಸ್ಟಿ ಮತ್ತು ಪ್ಯಾಕೇಜ್ನಲ್ಲಿರುವ ಎಲ್ಲಾ ವಸ್ತುಗಳ ತೆರಿಗೆಗೆ ಯಾವುದೇ ಹಣವನ್ನು ಪಾವತಿಸಬೇಕಾಗಿಲ್ಲ. ಊಟವನ್ನು ಸಹ ನೀವು ಈ ಪ್ಯಾಕೇಜ್ನಲ್ಲಿ ಪಡೆಯುತ್ತೀರಿ.
ಉಜ್ಜಯಿನಿಯ ಮಹಾಕಾಳೇಶ್ವರ ದೇವಾಲಯ
ಮಧ್ಯಪ್ರದೇಶದ ಉಜ್ಜಯಿನಿ ನಗರದ ಹೆಸರನ್ನು ಪ್ರತಿಯೊಬ್ಬರೂ ಕೇಳಿರಬೇಕು. ಧಾರ್ಮಿಕ ನಂಬಿಕೆಗಳಿಗೆ ಹೆಸರುವಾಸಿಯಾದ ಈ ನಗರವು ಇಡೀ ಪ್ರಪಂಚದಲ್ಲಿ ಎರಡು ವಿಷಯಗಳಿಗೆ ಹೆಸರುವಾಸಿಯಾಗಿದೆ. ಮೊದಲನೆಯದಾಗಿ, ಇಲ್ಲಿ ಮಹಾಕಾಳೇಶ್ವರ ದೇವಾಲಯವಿದೆ. ಎರಡನೆಯದಾಗಿ ಕುಂಭ ಇಲ್ಲಿ ನಡೆಯುತ್ತದೆ. ಪುರಾತನ ನಗರವಾದ ಉಜ್ಜಯಿನಿಯಲ್ಲಿರುವ ಮಹಾಕಾಳೇಶ್ವರ ದೇವಾಲಯವು ಶಿವನ 12 ಜ್ಯೋತಿರ್ಲಿಂಗಗಳಲ್ಲಿ ಒಂದಾಗಿದೆ. ಈ ದೇವಾಲಯಕ್ಕೆ ಪ್ರತಿ ವರ್ಷ ಲಕ್ಷಾಂತರ ಭಕ್ತರು ದೂರದೂರುಗಳಿಂದ ಇಲ್ಲಿಗೆ ಬರುತ್ತಾರೆ. ಶಿವನ ಈ ರೂಪವನ್ನು ಶಿವ ಪುರಾಣದಲ್ಲಿಯೂ ವಿವರವಾಗಿ ವಿವರಿಸಲಾಗಿದೆ. ಒಂದು ವೇಳೆ ನೀವು ಉಜ್ಜಯಿನಿಗೆ ಭೇಟಿ ನೀಡಲು ಯೋಜಿಸುತ್ತಿದ್ದರೆ ಐಆರ್ಸಿಟಿಸಿಯ ಈ ವಿಶೇಷ ಬಜೆಟ್ ಪ್ರವಾಸ ಪ್ಯಾಕೇಜ್ನಲ್ಲಿ ಅಗ್ಗವಾಗಿ ಪ್ರಯಾಣಿಸಬಹುದು.
ಶ್ರೀ ಓಂಕಾರೇಶ್ವರ ಜ್ಯೋತಿರ್ಲಿಂಗ ದೇವಸ್ಥಾನ
ಶಿವನ 12 ಜ್ಯೋತಿರ್ಲಿಂಗಗಳಲ್ಲಿ ನಾಲ್ಕನೇ ಜ್ಯೋತಿರ್ಲಿಂಗ ಶ್ರೀ ಓಂಕಾರೇಶ್ವರ ಜ್ಯೋತಿರ್ಲಿಂಗವಾಗಿದೆ. ಇದು ಮಧ್ಯಪ್ರದೇಶದ ಖಾಂಡ್ವಾ ಜಿಲ್ಲೆಯ ನರ್ಮದಾ ನದಿಯ ಮಧ್ಯದಲ್ಲಿರುವ ಮಂಧಾತ ಅಥವಾ ಶಿವಪುರಿ ಎಂಬ ದ್ವೀಪದಲ್ಲಿದೆ. ಈ ಓಂಕಾರೇಶ್ವರ ಜ್ಯೋತಿರ್ಲಿಂಗವು ಎರಡು ರೂಪಗಳಲ್ಲಿ ಅಸ್ತಿತ್ವದಲ್ಲಿದೆ. ಒಂದನ್ನು ಮಮ್ಮಲೇಶ್ವರ ಎಂದು ಕರೆಯಲಾಗುತ್ತದೆ ಮತ್ತು ಇನ್ನೊಂದನ್ನು ಓಂಕಾರೇಶ್ವರ ಎಂದು ಕರೆಯಲಾಗುತ್ತದೆ. ಮಮ್ಮಲೇಶ್ವರವು ನರ್ಮದೆಯ ದಕ್ಷಿಣ ದಂಡೆಯ ಓಂಕಾರೇಶ್ವರದಿಂದ ಸ್ವಲ್ಪ ದೂರದಲ್ಲಿದೆ. ಇವು ವಿಭಿನ್ನವಾಗಿದ್ದರೂ, ಅವುಗಳನ್ನು ಒಂದೇ ರೀತಿಯಲ್ಲಿ ಲೆಕ್ಕಹಾಕಲಾಗುತ್ತದೆ. ಈ ಜ್ಯೋತಿರ್ಲಿಂಗದ ಸ್ಥಾಪನೆಯ ಹಿಂದೆ ಒಂದು ಕಥೆಯೂ ಇದೆ. ಇದನ್ನೆಲ್ಲಾ ತಿಳಿಯಲು ಐಆರ್ಸಿಟಿಸಿಯ ಈ ವಿಶೇಷ ಬಜೆಟ್ ಪ್ರವಾಸ ಪ್ಯಾಕೇಜ್ನಲ್ಲಿ ನೀವು ಜ್ಯೋತಿರ್ಲಿಂಗದ ದರ್ಶನ ಮಾಡಿಕೊಂಡು ಬರಬಹುದು.
ಪ್ಯಾಕೇಜ್ನ ಸಂಪೂರ್ಣ ವಿವರ
ಈ ಪ್ಯಾಕೇಜ್ನಲ್ಲಿ ಸಿಂಗಲ್ ಬುಕಿಂಗ್ ಮಾಡಿದರೆ 19,900 ರೂ. ಆದರೆ ಎರಡು ಜನರಿಗೆ ಈ ಪ್ಯಾಕೇಜ್ನ ಬೆಲೆ 9,999 ರೂ.ಗೆ ಇಳಿಕೆಯಾಗಲಿದೆ. ಇದಲ್ಲದೇ ಮೂವರಿಗೆ ಪ್ಯಾಕೇಜ್ ಬೆಲೆ 7,200 ರೂ. ಈ ಪ್ರವಾಸದಲ್ಲಿ ನಿಮ್ಮ ಮಕ್ಕಳನ್ನು ನಿಮ್ಮೊಂದಿಗೆ ಕರೆದುಕೊಂಡು ಹೋಗಲು ನೀವು ಬಯಸಿದರೆ 5 ವರ್ಷದಿಂದ 11 ವರ್ಷದೊಳಗಿನ ಮಗುವಿಗೆ ಬೆಡ್ ಬೇಕಾದರೆ 6,300 ರೂ., ಬೆಡ್ ಇಲ್ಲದಿದ್ದರೆ 1,400 ರೂ.
ಐಆರ್ಸಿಟಿಸಿ ವೆಬ್ಸೈಟ್ www.irctctourism.com ಗೆ ಭೇಟಿ ನೀಡುವ ಮೂಲಕ ನೀವು ಈ ಪ್ಯಾಕೇಜ್ ಅನ್ನು ಬುಕ್ ಮಾಡಬಹುದು. ಆದರೆ ಆಫ್ಲೈನ್ ಬುಕಿಂಗ್ಗಾಗಿ ನೀವು ಐಆರ್ಸಿಟಿಸಿ ಕಚೇರಿಗೆ ಹೋಗಬೇಕಾಗುತ್ತದೆ. ಸಂಪೂರ್ಣ ಪ್ರವಾಸವು ಇಂದೋರ್ನಿಂದ ಪ್ರಾರಂಭವಾಗುತ್ತದೆ. ಇದಲ್ಲದೆ, ಯಾವುದೇ ಮಾಹಿತಿಗಾಗಿ ನೀವು ಐಆರ್ಸಿಟಿಸಿ ಕಚೇರಿ ಅಥವಾ ಮೊಬೈಲ್ ಸಂಖ್ಯೆಯನ್ನು ಸಂಪರ್ಕಿಸಬಹುದು.
ಕ್ಯಾನ್ಸಲ್ ಅಥವಾ ರದ್ದು ಮಾಡುವುದಾದರೆ...
ಪ್ರವಾಸದ ಪ್ರಾರಂಭದ 15 ದಿನಗಳ ಮೊದಲು ನಿಮ್ಮ ಟಿಕೆಟ್ ಅನ್ನು ನೀವು ರದ್ದುಗೊಳಿಸಿದರೆ ಪ್ಯಾಕೇಜ್ ದರದಿಂದ 250 ರೂ. ಕಡಿತಗೊಳಿಸಲಾಗುತ್ತದೆ. 8-14 ದಿನಗಳ ಮೊದಲು ಟಿಕೆಟ್ ಅನ್ನು ರದ್ದುಗೊಳಿಸಿದರೆ, ಪ್ಯಾಕೇಜ್ ವೆಚ್ಚದಿಂದ 25% ಕಡಿತಗೊಳಿಸಲಾಗುತ್ತದೆ. 4 ರಿಂದ 7 ದಿನಗಳ ಮೊದಲು ಟಿಕೆಟ್ ಅನ್ನು ರದ್ದುಗೊಳಿಸಿದರೆ, ಪ್ಯಾಕೇಜ್ ದರದ 50 ಪ್ರತಿಶತವನ್ನು ಕಡಿತಗೊಳಿಸಲಾಗುತ್ತದೆ. 4 ದಿನಗಳ ಮೊದಲು ನೀವು ಟಿಕೆಟ್ ಅನ್ನು ರದ್ದುಗೊಳಿಸಿದರೆ, ನಿಮಗೆ ಒಂದು ರೂಪಾಯಿಯನ್ನು ಸಹ ನೀಡಲಾಗುವುದಿಲ್ಲ.
