ನಿಮ್ಮ ಕನ್ಫರ್ಮ್ ರೈಲು ಟಿಕೇಟ್‌ನ್ನು ಬೇರೆಯವರಿಗೆ ವರ್ಗಾಯಿಸಬಹುದು ಗೊತ್ತಾ?

ಟಿಕೇಟ್ ವ್ಯರ್ಥವಾಗೋದಿಲ್ಲ

ಬಹಳಷ್ಟು ಸಂದರ್ಭದಲ್ಲಿ ಮೊದಲಿಗೆ ಎಲ್ಲಾದರೂ ಟೂರ್ ಹೋಗುವ ಪ್ಲ್ಯಾನ್ ಮಾಡಿರುತ್ತೀರಿ. ಕೊನೆಗೆ ಕಾರಣಾಂತರದಿಂದಲೋ ನೀವು ಆ ಗುಂಪನ್ನು ಸೇರಿಕೊಳ್ಳಲಾಗುವುದಿಲ್ಲ. ಆಗ ಮುಂಗಡವಾಗಿ ಕಾಯ್ದಿರಿಸುವ ಟಿಕೇಟ್ ವ್ಯರ್ಥವಾಗುವ ಬದಲು ನಿಮ್ಮ ಬದಲು ಬೇರೊಬ್ಬರು ಆ ಸ್ಥಳವನ್ನು ಸುತ್ತಾಡಲು ಸಾಧ್ಯವಾಗುತ್ತದೆ.

ಟಿಕೇಟ್ ವರ್ಗಾಯಿಸಿ

ರೈಲ್ವೆ ಇಲಾಖೆ ಈ ಕಾನೂನಿನ ಬಗ್ಗೆ ಹೆಚ್ಚಿನವರಿಗೆ ತಿಳಿದಿರಲಿಕ್ಕಿಲ್ಲ ಅಂತ ಅನ್ನಿಸುತ್ತದೆ. ಇದರ ಪ್ರಕಾರ ನಿಮ್ಮ ಟಿಕೇಟ್ ಕನ್ಫರ್ಮ್ ಆಗಿದ್ದು ಯಾವುದೋ ಕಾರಣದಿಂದ ನಿಮಗೆ ಪ್ರಯಾಣಿಸಲು ಸಾಧ್ಯವಾಗದಿದ್ದಲ್ಲಿ ನೀವು ಆ ರೈಲು ಹೊರಡುವ ೨೪ ಗಂಟೆಯೊಳಗೆ ಆ ಟಿಕೇಟ್‌ನ್ನು ಬೇರೆಯವರಿಗೆ ವರ್ಗಾಯಿಸಬಹುದು.

ಯಾರಿಗೆ ವರ್ಗಾಯಿಸಬಹುದು?

ನಿಮ್ಮ ಫ್ಯಾಮಿಲಿಯ ಸದಸ್ಯರಿಗಷ್ಟೇ ನಿಮ್ಮ ಟಿಕೇಟ್‌ನ್ನು ವರ್ಗಾಯಿಸಬಹುದು. ಒಂದು ವೇಳೆ ಸರ್ಕಾರಿ ಅಧಿಕಾರಿ ತಮ್ಮ ಟಿಕೇಟ್‌ನ್ನು ಬೇರೆ ಸರ್ಕಾರಿ ಅಧಿಕಾರಿಗೆ ವರ್ಗಾತಿಸಬಹುದು. ಒಂದು ಶಾಲೆಯ ವಿದ್ಯಾರ್ಥಿ ಅದೇ ಶಾಲೆಯ ಬೇರೆ ವಿದ್ಯಾರ್ಥೀಗೆ ವರ್ಗಾಯಿಸಬಹುದು.

ವರ್ಗಾಯಿಸುವುದು ಹೇಗೆ?

ರೈಲು ಹೊರಡುವ ೨೪ ಗಂಟೆ ಮೊದಲು ಟಿಕೇಟ್ ಟ್ರಾನ್ಫರ್ ಮಾಡಬಹುದಾಗಿದೆ. ಅದೂ ಕೂಡಾ ಕೇವಲ ಒಮ್ಮೆ ಮಾತ್ರ ಟ್ರಾನ್ಫರ್ ರಿಕ್ವೆಸ್ಟ್ ಸಲ್ಲಿಸಬಹುದಾಗಿದೆ. .
ಸರ್ಕಾರಿ ಅಧಿಕಾರಿಗಳ ಟಿಕೇಟ್ ವರ್ಗಾಯಿಸುವುದಾದಲ್ಲ ೨೪ ಗಂಟೆಗೂ ಮೊದಲೇ ಅನುಮತಿ ಸಿಗುತ್ತದೆ. ಆಗ ಬೇರೆ ಸರ್ಕಾರಿ ಅಧಿಕಾರಿಯ ಹೆಸರಿಗೆ ಸಿಗುತ್ತದೆ.

ನಿಯಮಗಳನ್ನು ಪಾಲಿಸಬೇಕು

ಶಾಲೆಯ ವಿದ್ಯಾರ್ಥಿಯ ಟಿಕೇಟ್‌ನ್ನು ಇನ್ನೊರ್ವ ವಿದ್ಯಾರ್ಥಿಯ ಹೆಸರಿಗೆ ವರ್ಗಾಯಿಸುವುದಾದರೆ ಶಾಲೆಯ ಮುಖ್ಯಸ್ಥರ ಅನುಮತಿ ಪತ್ರ ತರಬೇಕು.
ಇನ್ನು ಯಾವುದಾದರೂ ಮದುವೆ ಪಾರ್ಟಿಯ ವ್ಯಕ್ತಿಯ ಟಿಕೇಟ್ ವರ್ಗಾಯಿಸಬೇಕಾದರೆ 48 ಗಂಟೆಯೊಳಗೆ ಸಾಧ್ಯವಾಗುತ್ತದೆ.

ಉಪಕಾರಿ ಸೇವೆ

ರೈಲ್ವೆ ಇಲಾಖೆಯು ಈ ನಿಯಮವನ್ನು ಜಾರಿಗೆ ತರುವ ಮೂಲಕ ಕನ್ಫಮ್ ಟಿಕೇಟ್‌ ಪಡೆದಿದ್ದು ಪ್ರಯಾಣಿಸಲು ಸಾಧ್ಯವಾಗದವರಿಗೆ ಉಪಕಾರಿಯಾಗಿದೆ. ಈ ಮೂಲಕ ಟಿಕೇಟ್‌ನ ಹಣವು ವ್ಯರ್ಥವಾಗೋದಿಲ್ಲ. ಜೊತೆಗೆ ನಿಮ್ಮ ಕುಟುಂಬದವರು ಆ ಟಿಕೇಟ್‌ನಲ್ಲಿ ಪ್ರಯಾಣಿಸಬಹುದಾಗಿದೆ. .