ಪೀಚಿ ವನ್ಯಜೀವಿಧಾಮವು ಪೀಚಿ ಪಟ್ಟಣದ ಸಮೀಪ ಪ್ರಶಾಂತವಾಗಿ ಕಾಲಕಳೆಯಲು ಇರುವ ತಾಣವಾಗಿದೆ. ಈ ವನ್ಯಜೀವಿಧಾಮವು ಪಲಲ್ಲಿಲ್ಲಿ ಮತ್ತು ನೆಲ್ಲಿಯಂಪದಿ ಕಾಡುಗಳನ್ನು ತನ್ನಲ್ಲಿ ಒಳಗೊಂಡಿದೆ. 19ನೆಯ ಶತಮಾನದವರೆಗು ಇದು ಖಾಸಗಿ ಸ್ವತ್ತಾಗಿತ್ತು. 1958 ರವರೆಗು ಇದು ಸ್ವಾಯತ್ತ ವನ್ಯಜೀವಿಧಾಮವಾಗಿತ್ತು. ತ್ರಿಶ್ಶೂರಿನಿಂದ 23 ಕಿ.ಮೀ ದೂರದಲ್ಲಿರುವ ಈ ಧಾಮಕ್ಕೆ ವನ್ಯಜೀವಿ ಸಫಾರಿಗಿಂತ ಇಲ್ಲಿರುವ ದಟ್ಟಕಾಡನ್ನು ನೋಡುವ ಸಲುವಾಗಿಯೆ ಪ್ರವಾಸಿಗರು ಇಲ್ಲಿಗೆ ಆಗಮಿಸುತ್ತಿರುತ್ತಾರೆ. ಅಷ್ಟೇ ಅಲ್ಲದೆ, ಈ ಜಲಾಶಯದಲ್ಲಿ ದೋಣಿ ವಿಹಾರ ಮಾಡುವುದು ಸಹ ಮುದ ನೀಡುತ್ತದೆ.
ಅದೃಷ್ಟವಂತರಾಗಿದ್ದಲ್ಲಿ ನದಿಯ ದಂಡೆಯಲ್ಲಿ ಅಲೆದಾಡುವ ಆನೆಗಳನ್ನು ಸಹ ನೋಡಬಹುದು. ಈ ಧಾಮವು ತ್ರಿಶ್ಶೂರ್ ನಗರದೊಂದಿಗೆ ಉತ್ತಮ ಸಂಪರ್ಕವನ್ನು ಹೊಂದಿದೆ. ಹಲವಾರು ಖಾಸಗಿ ಬಸ್ಸುಗಳು ಪೀಚಿಗೆ ಹೋಗಿ ಬರುತ್ತಿರುತ್ತವೆ.