Click it and Unblock the Notifications
ಓವರ್ಬರ್ರಿಸ್ ಫಾಲಿಯು ಅಪೂರ್ಣ ನಿರ್ಮಾಣದ ಹಾಗೂ ಸಾಮಾನ್ಯವಾಗಿ ಕಲಾತ್ಮಕ ವಾಸ್ತುಶಿಲ್ಪ ಅನ್ನಿಸಿಕೊಂಡಿರುವ ಪ್ರದೇಶ. ತಲಸ್ಸೆರಿ ಕೋರ್ಟ್ ಹಾಗೂ ಮುನ್ಸಿಪಲ್ ಸ್ಟೇಡಿಯಂ ಸಮೀಪ ಇರುವ ಗುಡ್ಡದ ಮೇಲೆ ಈ ಪಾರ್ಕ್ ಇದೆ.
ಉದ್ಯಾನಕ್ಕೆ ಈ ಹೆಸರು ಇ.ಎನ್. ಓವರ್ಬರಿ ಅವರಿಂದ ಬಂದಿದೆ. ಇವರು ಈ ಭಾಗದ ಸಬ್ ಕಲೆಕ್ಟರ್ ಆಗಿದ್ದರು. ಸ್ವಂತ ಶ್ರಮದಿಂದ ಅವರು ಈ ತಾಣವನ್ನು ಪಿಕ್ನಿಕ್ ತಾಣವನ್ನಾಗಿ ಅಭಿವೃದ್ಧಿ ಪಡಿಸಿದ್ದಾರೆ. 1879ರಲ್ಲಿ ಈ ಉದ್ಯಾನದ ನಿರ್ಮಾಣ ಕಾರ್ಯ ಆರಂಭವಾಯಿತು. ಇದನ್ನು ಪೂರ್ಣಗೊಳಿಸಲು ಅವರಿಂದ ಆಗಲಿಲ್ಲ. ಇದರಿಂದಲೇ ಇದನ್ನು ಓವರ್ಬರ್ರಿಸ್ ಫಾಲಿ ಎಂದು ಕರೆಯಲಾಯಿತು. ಈ ಸ್ಥಳವನ್ನು ನಂತರ ಒಂದಿಷ್ಟು ನವೀಕರಿಸಲಾಗಿದೆ. ಇಂದು ಈ ಸ್ಥಳ ತಲಸ್ಸೆರಿಯ ಅತ್ಯಂತ ಪ್ರಸಿದ್ಧ ಪ್ರವಾಸಿ ಆಕರ್ಷಣೀಯ ತಾಣ ಅನ್ನಿಸಿಕೊಂಡಿದೆ.
ಸಾಯಂಕಾಲದ ಮುದ ಅನುಭವಿಸಲು, ಸಮಯ ಕಳೆಯಲು ಪ್ರವಾಸಿಗರು ಇಲ್ಲಿಗೆ ಬರುತ್ತಾರೆ. ಈ ಪ್ರದೇಶದ ಸುತ್ತಲೂ ಇರುವ ಅರೇಬಿಯನ್ ಸಮುದ್ರವನ್ನು ವೀಕ್ಷಿಸಲು ಬರುತ್ತಾರೆ. ಇಲ್ಲೊಂದು ತೆರೆದ ಕಾಫಿ ಶಾಪ್ ಇದೆ. ವೀಕ್ಷಣಾ ತಾಣ ಕೂಡ ಇದೆ. ಸಬ್ ಕಲೆಕ್ಟರ್ ಬಂಗಲೆಯ ಸಮೀಪದಲ್ಲಿಯೇ ಇದನ್ನು ಕಾಣಬಹುದಾಗಿದೆ.
