ಜುಮಾ ಮಸ್ಜಿದ್ ಅತ್ಯಂತ ಪ್ರಸಿದ್ಧ ಧಾರ್ಮಿಕ ಆಕರ್ಷಕ ತಾಣ. ಅರೇಬಿಯನ್ ಸಮುದ್ರಕ್ಕೆ ಅತ್ಯಂತ ಸಮೀಪದಲ್ಲಿದೆ. ಸಾವಿರ ವರ್ಷ ಹಳೆಯದಾದ ಈ ಮಸೀದಿಯು ಆ ಸಂದರ್ಭದ ಮುಸ್ಲಿಂ ಚಟುವಟಿಕೆಗಳ ತಾಣವಾಗಿ ಜನಪ್ರಿಯವಾಗಿತ್ತು. ಅರಬ್ ವ್ಯಾಪಾರಿ ಮಲಿಕ್ ಐಬಿನ್ ದಿನಾರ್ರಿಂದ ಈ ಮಸ್ಜಿದ್ ನಿರ್ಮಾಣವಾಗಿದೆ. ಇಸ್ಲಾಂ ಮತ ಪ್ರಚಾರಕ್ಕಾಗಿ ಆತ ಕೇರಳಕ್ಕೆ ಬಂದ ಸಂದರ್ಭದಲ್ಲಿ ನಿರ್ಮಿಸಿದ್ದಾನೆ ಎನ್ನಲಾಗುತ್ತದೆ.
ಮಸೀದಿಯು ಇಂಡೊ- ಸರನ್ಸಿಕ್ ಶೈಲಿಯ ವಾಸ್ತುಶಿಲ್ಪ ಬಳಸಿ ನಿರ್ಮಿಸಲಾಗಿದ್ದು ಜನಪ್ರಿಯವಾಗಿದೆ. ಇದು ಕೇವಲ ವೈಭವವನ್ನು ಮಾತ್ರ ಪ್ರದರ್ಶಿಸುತ್ತಿಲ್ಲ. ಬದಲಾಗಿ ಇಲ್ಲಿನ ವಿಶೇಷತೆಯನ್ನೂ ಬಿಂಬಿಸುತ್ತಿದೆ. ಈದ್- ಉಲ್-ಪಿತರ್ ಸಂದರ್ಭದಲ್ಲಿ ನೂರಾರು ಭಕ್ತರು ಇಲ್ಲಿ ಸೇರಿ ಈದ್ ಪ್ರಾರ್ಥನೆ ಸಲ್ಲಿಸುತ್ತಾರೆ. ಈ ಮಸೀದಿಯಲ್ಲಿ ಅರೇಬಿಕ್ ಹಾಗೂ ಮಲಯಾಳಂ ಸಾಹಿತ್ಯಕ್ಕೆ ಅಪಾರ ಕೊಡುಗೆ ನೀಡಿದ ಬರಹಗಾರ ಕುಂಜಾಯನ್ ಮುಸಲ್ಲಯಾರ್ರ ಸಮಾಧಿ ಇದೆ. ತಲಸ್ಸೆರಿಯ ಸಂಸ್ಕೃತಿ ಹಾಗೂ ಪಾರಂಪರಿಕತೆಯನ್ನು ಪ್ರದರ್ಶಿಸುವ ಕಾರ್ಯವನ್ನು
ಈ ಶತಮಾನ ಹಳೆಯದಾದ ಧಾರ್ಮಿಕ ಕೇಂದ್ರ ಮಾಡುತ್ತಿದೆ. ಇದು ತಲಸ್ಸೆರಿಯ ಕೇಂದ್ರಭಾಗದಲ್ಲಿದ್ದು ಅತ್ಯಂತ ಸುಲಭವಾಗಿ ಇಲ್ಲಿಗೆ ತಲುಪಬಹುದಾಗಿದೆ.