Click it and Unblock the Notifications
ನವಾಲ್ಘಗಡ್ ಎಂಬುದು ರಾಜಸ್ಥಾನದಲ್ಲಿರುವ ಶೇಖಾವತಿ ಪ್ರಾಂತ್ಯದಲ್ಲಿರುವ ಒಂದು ಪಟ್ಟಣವಾಗಿದೆ. ಇದನ್ನು ಠಾಕೂರ್ ನವಾಲ್ ಸಿಂಗ್ 18ನೇ ಶತಮಾನದಲ್ಲಿ ನಿರ್ಮಿಸಿದನು. ಈತನು ಶೇಖಾವತಿ ಪ್ರಾಂತ್ಯದ ನವಾಲ್ಘಗಡ್ ಮತ್ತು ಮಂಡಾವಗಳನ್ನು ಆಳಿದ್ದನು. 1836ರಲ್ಲಿ ನಿರ್ಮಾಣಗೊಂಡಿರುವ ನವಾಲ್ಘಗಡ್ ದ ಹವೇಲಿಗಳು ಫ್ರೆಸ್ಕೊ ಮಾದರಿಯ ಚಿತ್ರಗಳಿಂದ ಸುಂದರವಾಗಿ ಶೃಂಗರಿಸಲ್ಪಟ್ಟಿವೆ.
1920ರಲ್ಲಿ ನಿರ್ಮಾಣಗೊಂಡಿರುವ ಆನಂದಿ ಲಾಲ್ ಪೊಡ್ಡರ್ ಹವೇಲಿಯು ಇಲ್ಲಿನ ಅತ್ಯಂತ ಪ್ರಮುಖ ಆಕರ್ಷಣೆಯಾಗಿದೆ. ಇಲ್ಲಿನ ಮತ್ತೊಂದು ಪ್ರವಾಸಿ ಆಕರ್ಷಣೆಯಾದ ಬಾಲಾ ಕಿಲಾ ಕೋಟೆಯು ಸ್ಥಳೀಯ ಜನಪದ ಕಥೆಗಳನ್ನು ಒಳಗೊಂಡಿರುವ ಭಿತ್ತಿಚಿತ್ರಕಲೆಗಳಿಗಾಗಿ ಹೆಸರುವಾಸಿಯಾಗಿದೆ.
ಜೋಧ್ರಾಜ್ ಪಟೋಡಿಯ ಹವೇಲಿ, ಬನ್ಸಿಧಾರ್ ಭಗತ್ ಹವೇಲಿ, ಚೊಖಾನಿ ಹವೇಲಿ, ರೂಪ್ ನಿವಾಸ್ ಅರಮನೆ, ಗಂಗ ಮಾಯಿ ದೇವಾಲಯ ಮತ್ತು ಬ್ರಿಟೀಷ್ ಗಡಿಯಾರ ಗೋಪುರಗಳು ಇಲ್ಲಿರುವ ಇನ್ನಿತರ ಪ್ರಮುಖ ಸ್ಥಳಗಳಾಗಿವೆ.
