ಸಿಯೋನಿ ಎನ್ನುವ ಸುಂದರ ಪಟ್ಟಣ ಸಿಯೋನಿ ಜಿಲ್ಲೆಯಲ್ಲಿದೆ. ಈ ಅಪರೂಪದ ಪಟ್ಟಣ ಮಧ್ಯಪ್ರದೇಶದ ಸತ್ಪುರದ ವಾಯುವ್ಯ ದಿಕ್ಕಿನಲ್ಲಿದೆ. ಸಿಯೋನಿ ಜಿಲ್ಲೆ ಭೌಗೋಳಿಕವಾಗಿ ವಿಶಾಲವಾಗಿದ್ದು 8,758 ಚದರ ಕಿಲೋಮೀಟರ್ ವ್ಯಾಪಿಸಿದ್ದು, ನವೆಂಬರ್ 1, 1956 ರಲ್ಲಿ ಅಸ್ತಿತ್ವಕ್ಕೆ ಬಂತು. ಈ ಜಿಲ್ಲೆಯ ಪ್ರಮುಖ ಕಸುಬು ಕೃಷಿ, ಇದು ವೈನ್‍ಗಂಗಾ ನದಿಯನ್ನು ಅವಲಂಬಿತವಾಗಿದೆ.

ಸಿಯೋನಿಯ ಕುತೂಹಲಕಾರಿ ಸಂಗತಿಗಳು

ಚರಿತ್ರೆಯ ಪ್ರಕಾರ, ಜಗದ್ಗುರುಗಳು ಒಮ್ಮೆ ಕೇರಳ ರಾಜ್ಯಕ್ಕೆ ಪ್ರವಾಸ ಮಾಡುತ್ತಿದ್ದಾಗ ಈ ಪ್ರದೇಶವನ್ನು ನೋಡಿ ಆಕರ್ಷಿತರಾಗಿ ಶಿರೋನಿ ಎನ್ನುವ ಹೆಸರನ್ನು ಇಡುತ್ತಾರೆ, ತದನಂತರ ಇದು ಶಿವ ನಗರಿ ಅಥವಾ ಸಿಯೋನಿ ಎಂದು ಕರೆಯಲ್ಪಟ್ಟಿತು. ಈ ಪ್ರದೇಶವು ರುಡ್ಯಾರ್ಡ್ ಕಿಪ್ಲಿಂಗ್ಸ್ ಅವರ "ಜಂಗಲ್ ಬುಕ್" ಮೂಲಕ ಹೆಸರುವಾಸಿಯಾಯಿತು, ಈ ಪ್ರಸಿದ್ದ ಪುಸ್ತಕವನ್ನು ಸಿಯೋನಿಯಲ್ಲಿ ನಕ್ಷಿಸಲಾಗಿತ್ತು. ಗಮನಿಸ ಬೇಕಾದ ಅಂಶವೇನಂದರೆ ಸಿಯೋನಿಯನ್ನು ಇಲ್ಲಿ "ಸೀಒನೀ" ಎಂದು ರುಡ್ಯಾರ್ಡ್ ಕಿಪ್ಲಿಂಗ್ಸ್ ಪುಸ್ತಕದಲ್ಲಿ ಬರೆಯಲಾಗಿದೆ.

ಸಿಯೋನಿ ಎನ್ನುವ ಹೆಸರು ’ಸಿಯೋನ’ ಎನ್ನುವ ಜಾತಿಯ ಮರದಿಂದ ಬಂದಿತ್ತು ಎನ್ನಲಾಗುತ್ತದೆ, ಈ ಮರವು ವರ್ಬಾನನಿಯಾಲ್ ಎನ್ನುವ ಕುಟುಂಬಕ್ಕೆ ಸೇರಿದ್ದು, ಈ ಪ್ರದೇಶದಲ್ಲಿ ಮಾತ್ರ ಹೆಚ್ಚಾಗಿ ಕಾಣಸಿಗುತ್ತದೆ. ಈ ಮರದಿಂದ ಆಗುವ ಮರಮಟ್ಟನ್ನು ಧೋಲಕ್ ಉತ್ಪಾದಕರು ಹೆಚ್ಚಾಗಿ ಬಳಸಿಕೊಳ್ಳುತ್ತಾರೆ. ಸಿಯೋನಿ ಮರದ ಹೊರತಾಗಿ, ಇನ್ನೊಂದು ಹೆಸರಾಂತ ವಿಧದ ಮರವನ್ನೂ ಅಗಾಧ ಸಂಖ್ಯೆಯಲ್ಲಿ ಸಿಯೋನಿ ನೀಡುತ್ತದೆ, ಈ ಮರಮಟ್ಟು ಬೇರೆ ಯಾವುದೂ ಅಲ್ಲ ಅದು ಸಾಗುವಾನಿ ಮರ.

ಸಿಯೋನಿ ಸುತ್ತಮುತ್ತ ವಿರುವ ಪ್ರವಾಸಿ ಸ್ಥಳಗಳು

ಸಿಯೋನಿ ಪ್ರವಾಸೋದ್ಯಮಕ್ಕೆ ತನ್ನದೆ ಆದ ವಿಶೀಷ್ಟ ಕೊಡುಗೆ ನೀಡುತ್ತದೆ 'ಭೀಮಗಡ್ ಸಂಜಯ್ ಸರೋವರ ಸಾಯಿಲ್ ಡ್ಯಾಮ್(soil dam)'. ಇದನ್ನು ಏಷ್ಯಾದಲ್ಲಿರುವ ಬೃಹತ್ ಸಯ್ಯಿಲ್ ಡ್ಯಾಮ್‍ಗಳಲ್ಲಿ ಒಂದಾಗಿ ಪರಿಗಣಿಸಲಾಗಿದೆ.  ಇದನ್ನು ವೈನ್‍ಗಂಗಾ ನದಿಗೆ ಅಡ್ಡಲಾಗಿ ಕಟ್ಟಲಾಗಿದ್ದು, ಛಾಪರಾ ಎನ್ನುವ ಪ್ರದೇಶದಲ್ಲಿದೆ. ಈ ಅಣೆಕಟ್ಟಿನ ಪ್ರಮುಖ ಉದ್ದೇಶ ನೀರಾವರಿ. ಪೆಂಚ್ ಹುಲಿ ರಿಸರ್ವ್ ಇನ್ನೊಂದು ಪ್ರಸಿದ್ದ ಪ್ರವಾಸಿ ತಾಣವಾಗಿದ್ದು ಸಿಯೋನಿ ಜಿಲ್ಲೆಯಲ್ಲಿದೆ. ಭರ್ಗತ್ ಎನ್ನುವ ಪುಟ್ಟ ಪಟ್ಟಣವು ಫಲವತ್ತಾದ ಕಣಿವೆ ಶೃಂಗಾರವಾದ ವಾತಾವರಣದಿಂದ ಕೂಡಿದ್ದು ಸಿಯೋನಿ ಜಿಲ್ಲೆಯಲ್ಲಿದೆ. ಮುಕ್ಕಾಂ ಹೂಡುವವರು, ಟ್ರೆಕ್ಕಿಂಗ್ ಮತ್ತು ಇತರ ಹೊರಾಂಗಣ ಹವ್ಯಾಸವಿರುವ ಪ್ರವಾಸಿಗರು ಭರ್ಗತ್ ಪಟ್ಟಣವನ್ನು ನೋಡಲೇ ಬೇಕು.

ಸಿಯೋನಿಯ ಮತ್ತೊಂದು ಪ್ರಮುಖ ಆಕರ್ಷಣೆಯೆಂದರೆ ಮಹಾಕಾಳೇಶ್ವರ ದೇವಾಲಯ, ಶಿವ ಮಂದಿರ ಮತ್ತು ಅಮೋದ್ಗರ್

ಸಿಯೋನಿಗೆ ಪ್ರಯಾಣ

ಚಳಿಗಾಲದಲ್ಲಿ ಸಿಯೋನಿಗೆ ಭೇಟಿ ನೀಡುವುದು ಉತ್ತಮ. ಈ ಪ್ರದೇಶಕ್ಕೆ ರಸ್ತೆ, ರೈಲು ಮತ್ತು ವಿಮಾನ ಸಂಚಾರ ಸಂಪರ್ಕ ಉತ್ತಮವಾಗಿದೆ.