Click it and Unblock the Notifications
ಬೌದ್ಧ ವಿಹಾರವು ಬೌದ್ಧ ಸಂಸ್ಕೃತಿಯ ಉತ್ಕೃಷ್ಟವಾದ ಕೇಂದ್ರಗಳಲ್ಲಿ ಒಂದು ಎಂದು ಪರಿಗಣಿಸಲ್ಪಡುತ್ತದೆ. ಈ ವಿಹಾರ ಬೌದ್ಧ ಸನ್ಯಾಸಿಗಳ ವಾಸ ಸ್ಥಾನವಾಗಿದ್ದು, ಇಲ್ಲಿ ಮರದ ಕೆತ್ತನೆಗಳು ಕಾಣಿಸುವುದಿಲ್ಲ. ವಿಹಾರದ ಒಳಗೆ ಸಾಮುದಾಯಿಕ ಚಟುವಟಿಕೆಗಳಿಗೆ ತುಂಬಾ ಸ್ಥಳವಿದೆ. ಈ ಜಾಗವು ಸಾಂಚಿಯಿಂದ ಕೆಲವೇ ಕಿಲೋಮೀಟರು ಗಳಷ್ಟು ದೂರದಲ್ಲಿದ್ದು, ಇದು ಮಧ್ಯ ಪ್ರದೇಶದ ಪ್ರಮುಖ ಯಾತ್ರಾಸ್ಥಳಗಳಲ್ಲಿ ಒಂದು ಎಂದು ತಿಳಿಯಲ್ಪಡುತ್ತದೆ. ಈ ವಿಹಾರದಲ್ಲಿ ಸತ್ಧರ ಸ್ತೂಪದ ಅವಶೇಷಗಳಿವೆ.
ವಿಹಾರದಲ್ಲಿ ಒಂದು ಒಳ ಕೋಣೆಯಿದ್ದು, ಇಲ್ಲಿ ಎಲ್ಲಾ ಅವಶೇಷಗಳನ್ನು ಗಾಜಿನ ಪೆಟ್ಟಿಗೆಯಲ್ಲಿ ಇಡಲಾಗಿದೆ. ಈ ಎಲ್ಲಾ ವಿಹಾರಗಳಲ್ಲಿ ವಿವಿಧ ಆಕರ್ಷಕ ಗುಣ ಲಕ್ಷಣಗಳಿವೆ. ವಿಹಾರದ ಒಳಗೆ ಸಣ್ಣ ಕೋಣೆಗಳಿದ್ದು, ಅದಕ್ಕೆ ಬಾಗಿಲು ಹಾಗೂ ಹಾಸುಗೆಯಂತೆ ಬಳಸುವ ಎರಡು ವೇದಿಕೆಗಳಿವೆ. ಬೌದ್ಧ ಸಂಪ್ರದಾಯದ ಮಿಣುಕು ನೋಟ ಪಡೆಯಲು ಪ್ರಪಂಚದಾದ್ಯಂತದಿಂದ ನೂರಾರು ಪಯಣಿಗರು ಇಲ್ಲಿಗೆ ಭೇಟಿ ನೀಡುತ್ತಾರೆ.
