Click it and Unblock the Notifications
ಕೃಷ್ಣಾ ನದಿ ತಟದಲ್ಲಿರುವ ಊರು ನಂದಿಕೊಂಡ. ಇದು ನಾಗಾರ್ಜುನಸಾಗರಕ್ಕೆ ಬಹಳ ಸಮೀಪದಲ್ಲಿದೆ.
ವಿಜಯಪುರಿ ಪಟ್ಟಣದಿಂದ ನಂದಿಕೊಂಡ ಸುಲಭವಾಗಿ ತಲುಪಬಹುದಾದ ದೂರದಲ್ಲಿದೆ. ಇಕ್ಶ್ವಾಕು ವಂಶದ ಒಂದು ಪಟ್ಟಣ ಇದಾಗಿತ್ತು.
ಇದು ನಲ್ಗೊಂಡದ ಒಂದು ಪ್ರಸಿದ್ಧ ಬೌದ್ಧ ತಾಣ. ಇಲ್ಲಿ ಉತ್ಖನನ ದ ವೇಳೆ ಹಲವಾರು ಬೌದ್ಧ ದೇವಾಲಯ ಹಾಗೂ ಇತರೆ ಬೌದ್ಧ ಧರ್ಮಕ್ಕೆ ಸಂಬಧಿಸಿದ ಕಟ್ಟಡಗಳು ಸಿಕ್ಕ ಮೇಲೆ ಈ ಸ್ಥಳದ ಮಹತ್ವ ಹೆಚ್ಚಾಗಿದೆ.
ಈ ಸ್ಥಳವು ಇತಿಹಾಸಾಸಕ್ತರಿಗೆ ಮತ್ತು ತಮ್ಮೊಳಗೆ ಅಡಗಿರುವ ಪುತಾತತ್ವ ಆಸಕ್ತಿಯನ್ನು ಹೊರತರಬಯಸುವವರಿಗೆ ಬಹಳ ಉತ್ತಮವಾದ ಸ್ಥಳವಾಗಿದೆ. ಬೌದ್ಧ ಮಂದಿರಗಳ ಹೊರತಾಗಿ ಇಕ್ಷ್ವಾಕು ವಂಶದವರು ಕಟ್ಟಿಸಿದ್ದ ಕೋಟೆಯ ಕುರುಹುಗಳನ್ನೂ ನಾವಿಲ್ಲಿ ಕಾಣಬಹುದು. ಈ ಕೋಟೆಯು ಈ ವಂಶ ಇಲ್ಲಿನ ಪ್ರದೇಶಗಳ ಮೇಲೆ ಹೊಂದಿದ್ದ ಪ್ರಭುತ್ವ ಮತ್ತು ಪ್ರಭಾವಗಳನ್ನು ಸೂಚಿಸುತ್ತದೆ. ಇಲ್ಲಿನ ಕೆಲವು ಪಳೆಯುಳಿಕೆಗಳು ಒಂದು ಸ್ಥಳದಿಂದ ಮತ್ತೊಂದು ಸ್ಥಳಕ್ಕೆ ವರ್ಗಾವಣೆಯಾಗಿ ಈಗ ಕೇಂದ್ರೀಯ ಪುರಾತತ್ವ ಇಲಾಖೆಯ ವಸ್ತುಸಂಗ್ರಹಾಲಯದಲ್ಲಿವೆ.
