ಕಾಲಿಂಗಪಾಂಗ್ ಬೆಟ್ಟದಿಂದ ಹರಿಯುವ ಮೂರ್ತಿ ನದಿಯಿಂದಾಗಿ ಈ ಊರಿಗೆ ಮೂರ್ತಿ ಎಂಬ ಹೆಸರು ಬಂತು. ಇಲ್ಲಿ ನೀವು ಸಮೃದ್ಧ ವನರಾಶಿ ಹಾಗೂ ವನ್ಯ ಮೃಗಗಳಿರುವ ಕಾಡಿನ ಮಧ್ಯದಲ್ಲಿ ಬಂಗಲೆಯನ್ನು ಬಾಡಿಗೆಗೆ ಪಡೆದುಕೊಳ್ಳಬಹುದು. ಪಶ್ಚಿಮ ಬಂಗಾಳ ಅರಣ್ಯ ಅಭಿವೃದ್ಧಿ ಇಲಾಖೆಯಿಂದ ಬೆಂಬಲ ಪಡೆದಿರುವ ಮೂರ್ತಿ ಪ್ರವಾಸೋದ್ಯಮ, ಇಲ್ಲಿ ನಿರಂತವಾಗಿ ಹೊಸ ನಿವೇಶನಗಳನ್ನು ಕಟ್ಟಿಸುತ್ತಿದ್ದು, ಇದರ ಮೂಲಕ ಈ ಸ್ಥಳವನ್ನು ಸುಲಭ ಗಮ್ಯ ಮತ್ತು ಉತ್ತಮ ಯಾತ್ರಾ ಸ್ಥಳವಾಗಿ ಮಾಡುತ್ತದೆ.
ಮೂರ್ತಿಯ ಸುತ್ತಲಿನ ಯಾತ್ರಾ ಸ್ಥಳಗಳು
ಮೂರ್ತಿಗೆ ಹತ್ತಿರದಲ್ಲಿರುವ ಗೊರುಮರ ನ್ಯಾಷನಲ್ ಪಾರ್ಕ್ ಹಾಗೂ ಚಪ್ರಮರಿ ವನ್ಯಜೀವಿ ಅಭಯಧಾಮ, ನೋಡಲೇ ಬೇಕಾದ ಸ್ಥಳಗಳಾಗಿವೆ. ಆನೆ ಸವಾರಿ ಸುಲಭದಲ್ಲಿ ಲಭ್ಯವಾಗಿದ್ದು, ಕಾಡಿನಲ್ಲಿ ಹೈಕ್ ಮಾಡುವ ಸಾಹಸಕ್ಕೂ ಕೈ ಹಾಕಬಹುದು. ಕಾಡುಗಳನ್ನು ಬಂಗಲೆಗಳಿನ್ದ ಕೆಲವೇ ನಿಮಿಷಗಳಲ್ಲಿ ತಲುಪಬಹುದು. ಮೂರ್ತಿಯಿಂದ ಕೆಲವೇ ಕಿಲೋಮೀಟರುಗಳಷ್ಟು ದೂರದಲ್ಲಿರುವ ಪಂಜ್ಹೊರ ನದಿ ಇನ್ನೊಂದು ಪಿಕ್ನಿಕ್ ಸ್ಥಳವಾಗಿದ್ದು, ಚಳಿಗಾಲದಲ್ಲಿ ಇಲ್ಲಿಗೆ ಭೇಟಿ ನೀಡುವುದನ್ನು ತಪ್ಪಿಸಲೇ ಬೇಡಿ.
ಮೂರ್ತಿಗೆ ತಲುಪುವ ಬಗೆ
ಲತಗುರಿ ಹಾಗೂ ಚಾಲ್ಸ, ಮೂರ್ತಿಯ ಹತ್ತಿರದಲ್ಲಿರುವ ಪಟ್ಟಣಗಳು. ಡಾರ್ಜಿಲಿಂಗ್ ಹಾಗೂ ಸಿಲಿಗುರಿ ಕೂಡಾ ಇಲ್ಲಿಗೆ ಹತ್ತಿರದಲ್ಲೇ ಇದ್ದು, ಮೂರ್ತಿಯಿಂದ ಈ ನಗರಗಳಿಗೆ ತೆರಳಲು ಕಾರ್ ಗಳನ್ನು ಬಾಡಿಗೆಗೆ ಪಡೆಯಬಹುದು. ಹತ್ತಿರದ ನಗರಗಳಾದ ಡಾರ್ಜಿಲಿಂಗ್ ಹಾಗೂ ಸಿಲಿಗುರಿಗೆ ಭೇಟಿ ನೀಡುವ ಬಹಳ ಯಾತ್ರಿಗಳು ಮೂರ್ತಿಗೆ ಭೇಟಿ ನೀಡುವುದರಿಂದ ಜನಜಂಗುಳಿ ಹೆಚ್ಚಿರುತ್ತದೆ ಎಂಬುದನ್ನು ಮನದಲ್ಲಿಟ್ಟಿರಿ. ಅರಣ್ಯ ಇಲಾಖೆಯು ಇಲ್ಲಿನ ಬಂಗಲೆಗಳನ್ನು ಸಮರ್ಥವಾಗಿ ಹಂಚಲು ಸಾಕಷ್ಟು ಪ್ರಯತ್ನಪಡುತ್ತಿದ್ದರೂ, ಕೆಲವೊಮ್ಮೆ ಇಲ್ಲಿ ಸ್ಥಳಾವಕಾಶ ಇರುವುದಿಲ್ಲ.