ಷಾ ನಜಾಫ್ ಇಮಾಂಬರಾ ಲಖನೌ ನಲ್ಲಿ ಅತ್ಯಧಿಕ ಭೇಟಿ ನೀಡಲ್ಪಟ್ಟಿರುವ ಪ್ರವಾಸೀ ತಾಣಗಳಲ್ಲಿ ಒಂದಾಗಿದೆ. ಅವಧ್ ನ ಐದನೇ ನವಾಬನಾಗಿರುವ ನವಾಬ್ ಗಜಿ ಉದ್ ದಿನ ಹೈದರ್ ಎನ್ನುವಾತ 1816-17ರಲ್ಲಿ ಈ ಸ್ಮಾರಕವನ್ನು ತನ್ನ ಸಾವಿನ ಬಳಿಕ ದೇಹವನ್ನು ಸಮಾಧಿ ಮಾಡಲು ನಿರ್ಮಿಸಿದ್ದ. ಆತನ ಆಸೆಯಂತೆ ಆತನ ದೇಹವನ್ನು ಇಲ್ಲೇ ದಫನ ಮಾಡಲಾಗಿತ್ತು. ಆತನ ಮೂವರು ಪತ್ನಿಯರಾದ ಸರ್ಪರಾಜ್ ಮಹಲ್, ಮುಮ್ತಾಜ್ ಮಹಲ್ ಮತ್ತು ಮುಬಾರಕ್ ಮಹಲ್ ನ್ನು ಕೂಡ ಇಲ್ಲೇ ದಫನ ಮಾಡಲಾಗಿತ್ತು.

ಈ ಭವ್ಯ ಬಿಲ್ಡಿಂಗ್ ನಲ್ಲಿ ಬೃಹತ್ ಬಿಳಿ ಗುಮ್ಮಟದೊಂದಿಗೆ ಸಮಾಧಿಯಿದೆ. ಇದರ ಸುತ್ತ ಆವರಣ ಗೋಡೆಯಿದೆ. ಗೊಮ್ತಿ ನದಿ ದಂಡೆಯಲ್ಲಿರುವ ಈ ಕಟ್ಟಡವು ಸಹಾರ ಗಂಜ್ ಶಾಪಿಂಗ್ ಮಾಲ್ ನ ಹತ್ತಿರವಿದೆ.ಇಮಾಂಬರಾದ ಮತ್ತೊಂದು ವಿಶೇಷವೆಂದರೆ ಇರಾಕ್ ನ ನಜಾಫ್ ನಗರದಲ್ಲಿರುವ ಇಮಾಮ್ ಹರ್ಝತ್ ಅಲಿ ರೌಸಾಕ್ಕೆ ಹೋಲಿಕೆಯಿದೆ. ಕೇಂದ್ರ ಮಧ್ಯ ಸಭಾಂಗಣದಲ್ಲಿ ಐತಿಹಾಸಿಕ ಛಾಯಾಚಿತ್ರಗಳು ಮತ್ತು ಸ್ಮರಣಿಕೆಗಳಿಂದ ಅಲಂಕರಿಸಲಾಗಿದೆ.

ನವಾಬ ಬ್ರಿಟಿಷ್ ಸರ್ಕಾರದೊಂದಿಗೆ ಒಪ್ಪಂದವನ್ನು ಮಾಡಿಕೊಂಡಿದ್ದರಿಂದ ಭವ್ಯ ಸಮಾಧಿಯ ಅಲಂಕಾರ ಮತ್ತು ನಿರ್ವಹಣೆಗಾಗಿ ಭಾರೀ ಮೊತ್ತವನ್ನು ನೀಡಲಾಗಿತ್ತು.