ಮಹಾಸು ಶಿಖರ, ಕುಫ್ರಿ ಪ್ರದೇಶದಲ್ಲಿ ಅತಿ ಎತ್ತರದ ಶಿಖರವಾಗಿದೆ. ಈ ಶಿಖರದಿಂದ, ಪ್ರವಾಸಿಗರು ಸ್ಪಷ್ಟವಾಗಿ ಬದರೀನಾಥ ಮತ್ತು ಕೇದಾರನಾಥ ಶ್ರೇಣಿಗಳನ್ನು ನೋಡಬಹುದು. ಚಾರಣ, ಸ್ಕೀಯಿಂಗ್ (ಹಿಮದಲ್ಲಿ ಜಾರುವ ಆಟ), ಮತ್ತು ಪಾದಯಾತ್ರೆ ರೀತಿಯ ಸಾಹಸಮಯ ಕ್ರೀಡೆಗಳನ್ನು ಈ ಎತ್ತರದ ಪ್ರದೇಶದಲ್ಲಿ ಆನಂದಿಸಬಹುದು. ಈ ಸಾಹಸ ಕ್ರೀಡೆಗಳು ಅನುಭವಿ ತರಬೇತುದಾರರ ಮೇಲ್ವಿಚಾರಣೆಯಲ್ಲಿ ನಡೆಯುತ್ತವೆ ಎನ್ನುವುದು ಗಮನದಲ್ಲಿರಲಿ. ಆಸಕ್ತಿ ಇರುವ ಪ್ರಯಾಣಿಕರು ತಮ್ಮ ಉಪಕರಣಗಳನ್ನು ತರಬಹುದು ಅಥವಾ ಕ್ರೀಡಾ ಉಪಕರಣಗಳನ್ನು ಇಲ್ಲಿಂದಲೆ ಬಾಡಿಗೆಗೆ ಪಡೆಯಬಹುದು.
ನಾಗ ಪರಮಾತ್ಮನಿಗೆ ಸಮರ್ಪಿಸಲಾದ ನಾಗ ದೇವತಾ ದೇವಾಲಯ, ಈ ಗಮ್ಯಸ್ಥಾನದ ಇನ್ನೊಂದು ಆಕರ್ಷಣೆಯಾಗಿದೆ. ಮಹಾಸು ಶಿಖರವನ್ನು ತಲುಪಲು, ಪ್ರಯಾಣಿಕರು ಹಿಮಾಲಯನ್ ಸೆಡಾರ್ಸ್ ಅರಣ್ಯಗಳ ಮೂಲಕ ಹಾದುಹೋಗುವ ಮಾರ್ಗದಲ್ಲಿ ಪಾದಯಾತ್ರೆ ಮೂಲಕ ಕುಫ್ರಿಯನ್ನು ತಲುಪಬಹುದು.