Click it and Unblock the Notifications
ಪ್ರವಾಸಿಗರು ಕೋಲಾರಕ್ಕೆ ಹೋದಾಗ ಈ ನಗರದಿಂದ 2ಕಿ.ಮೀ ದೂರದಲ್ಲಿರುವ ಕೋಲಾರ ಬೆಟ್ಟಕ್ಕೆ ಒಮ್ಮೆ ಭೇಟಿ ಕೊಡಬಹುದು. ಕೋಲಾರ ಬೆಟ್ಟವು ಹಿಂದೆ ಶತಶೃಂಗ ಬೆಟ್ಟವೆಂದು ( ನೂರು ತುದಿಗಳ ಬೆಟ್ಟ) ಕರೆಯಲ್ಪಡುತ್ತಿತ್ತು. ಇದು ಪ್ರವಾಸಿಗರಿಗೆ ಅತ್ಯುತ್ತಮ ವಿಹಾರ ತಾಣವಾಗಿದೆ. ಇಲ್ಲಿ ಪ್ರವಾಸಿಗರು ಬೆಟ್ಟದ ಬೃಹತ್ ತಪ್ಪಲಿನಲ್ಲಿ ಸುತ್ತಾಡಬಹುದು. ಅಷ್ಟೆಅಲ್ಲದೆ ಈ ಬೆಟ್ಟದ ಪೂರ್ವ ಭಾಗದಲ್ಲಿ ಅಂತರಗಂಗೆ ಎಂಬ ನಿರಂತರವಾಗಿ ಹರಿಯುವ ನೀರಿನ ಬುಗ್ಗೆಯನ್ನು ಸಹಾ ನೋಡಬಹುದು.ಪ್ರವಾಸಿಗರು ಅಂತರ ಗಂಗೆಯಲ್ಲಿ ನಂದಿಯ ಬಾಯಿಯ ಮೂಲಕ ನೀರು ಹರಿದು ಬರುವುದನ್ನು ನೋಡಬಹುದು. ಈ ನೀರು ವರ್ಷಾನುವರ್ಷದಿಂದ ಹರಿದು ಬರುತ್ತಲೆ ಇದೆ. ಈ ನೀರಿನ ಮೂಲ ಎಲ್ಲಿದೆ ಎನ್ನುವುದು ಇಂದಿಗು ನಿಗೂಢವಾಗಿದೆ. ಇಲ್ಲಿನ ಸ್ಥಳೀಯರ ಇದನ್ನು ಅತ್ಯಂತ ಪವಿತ್ರಜಲವೆಂದು ಪರಿಗಣಿಸಿದ್ದಾರೆ. ಜನಪ್ರಿಯ ನಂಬಿಕೆಯ ಪ್ರಕಾರ ದಕ್ಷಿಣ ಭಾರತದಿಂದ ಗಂಗಾನದಿಯು ಹರಿಯುತ್ತಿದ್ದಾಳಂತೆ ಅದಕ್ಕಾಗಿ ಈ ಸ್ಥಳಕ್ಕೆ ಅಂತರಗಂಗೆ ಎಂದು ಹೆಸರು ಬಂದಿತಂತೆ. ಅಂತರಗಂಗೆಯ ಹಿಂದೆ ಒಂದು ಈಶ್ವರನ ದೇವಾಲಯವಿದೆ. ಇದನ್ನು ತಲುಪಲು ಬಯಸುವ ಪ್ರವಾಸಿಗರು ಕೋಲಾರ ಬೆಟ್ಟದಲ್ಲಿನ ನೂರು ಮೆಟ್ಟಿಲುಗಳನ್ನು ಹತ್ತಿ ಇದನ್ನು ವೀಕ್ಷಿಸಬಹುದು.
